الطيب دمعه والردى ضحــكة حجاج
ونفســك قبل لا تلـــوم الأيـام لمهـا
لو المراجل طالهـا كـل هـــــــراج
رخصـت فعايلـهـــا وقلّـت شيمهـا
الجهل غدراء ليل والحكمة سـراج
والخلق شـــاره والمنايـا سهمهـا
والضيق سجن البال والسجة إفراج
وأن ضامتك خطوى مقاريد ضمها
لو الرجال تقــاس بالبشـت والتـاج
مانفرق شيوخ العرب من خدمهـا
ولو كل من تارد بهقــوتـك هـداج
ماشفت كبدٍ ناشفـه مـن وهمهـا
ناسٍ فرقها وجودها بين الأفواج
وناسٍ تساوى وجودها مع عدمهـا
وقت يهيج ويصطفق مثل الأمـواج
نبني الأمانـي والظنـون تهدمهـا
من جرب الحاجة عذر كل محتاج
ناسٍ عطاهـا الله ونـاسٍ حرمهـا
ماعاد يمدي والحكي دونـه سيـاج
لكـن تهجّـا كلمتــــي وأفتهمهـا
أما تجي بحراج وتـروح بحـراج
وألا تثمّـن جيـتـــك وتحشمـهـا