شركة الغانم تنصب علينا

ا

ابو_العبادلة

عضو فعال
السلام عليكم ورحمة الله وبركاته والله يا جمعاعه صار وياي موقف انصدمت ​

منه الا وهو انا شريت سياره تاهو 2007 موديل سنتها من الوكاله على ايدي ​

والسياره من شريتها ماحد خذا مني سويتش وقلت ابي ابيعها اغير وعندي ​

صديق اخو دنيا ماحبيت تروح السياره لاي احد من نظافتها فقلت له يشتريها ​

وراعيته بالسعر لانه اخوو دنيا فقلت له عن الحلال والحرام ياخوي افحصها وانا ​

متاكد منها هاذا الاصول راح الرجال وفحصها جان يصدمني ورب الكعبه يقولي ​

السياره مصبوغه قلت له شنو من صجك تكلم ولا تتغشمر ولا جايب لي ورقه ​

الفحص وجاي ولا صج الجنب اليسار كله مصبوغ مكتوب بالفحص قلت يمكن ​

الكراج الي فحص جذاب جان نروح محل ثاني ويقول نفس الكلام مابقى​

عندي شك رحت الوكاله وواجهتهم بالاوراق الي عندي اسمعو ردهم انه لو ​

صحيح هالكلام ماراح نعترف بهالكلام وماهو ذنبنا واقسم بالله السياره ماصار ​

لها شي واهي عندي من الوكاله على ايدي والفحص شهري عندهم ​

مادخلتها اي كراج الا الوكاله معقوله سياره تنباع لاي انسان من الوكاله ​

مصبوغه هاذا شنو ينقاله له وانا شنو ذنبي اذا اكو غش تجاري وشلون اثبت ​

حقي هاذا الغانم وكاله ومعرووف على فكره مدقر الايسر والبابين اليسار ​

بدون معجون صبغ وكاله بالفحص كاتبين صبغ تجميلي ابي منكم النصيحه يا ا​

خوان لانه بصراحه حمايه المستهلك ماراح تنفعني على حسب كلام الناس ​

وياريت الي حصل وياه موقف نفس الي حصل وياي ينصحني اذا كان ماخذ ​

اجراءت القانونيه ​
 
ق

قود لك

عضو فعال
روح حماية المستهلك وارفع عليهم قضيه لا تتردد

واترك اي كلام ثاني صدقني ترا حماية المستهلك فيها ناس يخافون الله ويجيبون حقك ​
 
ا

(المطيري)

عضو مميز
منو قالك إن سيارات الوكاله كلها صبغ وكاله

كل وكاله تبيع أقل شيئ 500 سياره وال500 سياره منو يسوقها من المينا للمخزن ومنو يسوقها من المخزن للوكاله ؟؟؟؟؟؟؟؟؟؟؟؟؟؟؟

الأجابه .. بنقاليه وهنود

وإذا أخذت السياره من الوكاله تمشي عليها 100 مدة التمرين

والبنقاليه يأخذونها من المينا للمخزن يمشون عليها 160



نصيحتي لك أدخل على مدير الشركه وقوله على السالفه

وتأكد إن لها ملف بالشركه ويدرون إنها مصبوغه

أو حماية المستهلك

والله يعينك
 
ك

كـــويــــت

عضو ذهبي
عادي ياخوي اكثر سيارات الوكالات مصبوغين
والبعض منهم مدعوم موبس صبغ تجميلي
اذا اتعرف احد بالمينا دش مخازن الوكالات والله
راح تنصدم من الي تشوفه اكثر السيارات مزلقه ومدعومه
 
د

دخيلي

عضو فعال
الله يعينك اخوي

ما اذبحونا بهالبلد الا التجار

ما يجون في مكان الا وخربوه ((المجلس - الرياضه - الشويخ الصناعيه)) كل هالاماكن خربوها التجار

ويبون خصخصه بعد

هزلت 
 
H

hassan_abu3eed

عضو فعال
الغانم شركه كلها نصابين

بسنة 96 شريت شفر من عندهم ومنتظم بالسيرفس معاهم وبفترة الكفاله طاحت الجامه وديته لهم وقعدت يومين ولما جيت استلمها لقيت الكرسي والباب كله شحم وجريز ولما قلتلهم السياره جديده وانتم تسلمونياها كذا ليش قالي روح اغسلها بره قلت واذا بقع الفرش قالو مو شغلنا وسويتلهم نجره وصراخ قالو تعال استلمها باكر ولما جيتهم مكان الشحم والجريز مبقع ولما شفت مافيه فايده استلمتها لا حول ولا قوة الا بالله
 
ت

تفائلوا

Banned
دام مافيه قانون يحمي المستهلك أو القانون مايتطبق
راح يتمادى التاجر

نفس الموضوع حصل مع واحد من الربع شرى سياره فورد ماركيز من الوكاله
أستلمها على المغرب يعني الدنيا كانت شو عتمه

وراح البيت والصبح بيشغل السياره بيروح الدوام ولا لون المدقر والبابين اللي يم السايق أغمج شوي من باجي السياره

أنصدم وقال يمكن يتراوالي
وشاف السياره أكثر من شخص ونفس الشي
راح فحص السياره بأكثر من مكان
وطلع المداقر والبابين مصبوغين
راح لشركه وطلب مقابلة صاحب الشركه وقاله السياره شاريها من عندكم أصفار وطلعت مصبوغه
قاله صاحب الشركه خلاص دخلها نصبغها لك كلها
ورفض رفيجنا وقال بردها وأبي حلالي أو سياره غيرها

تدرون شنو رد عليه صاحب الشركه
قاله روح أشتك أنا موظف مجموعة محامين عندي بالشركه وأعطيهم أتعاب علشانك أنت واللي نفسك

(( حسبي الله عليهم ونعم الوكيل ))​
 
م

مركب الهند

عضو فعال
انا متعاطف مع مشكلتك ياخوي .. بس ممكن سؤال :

ليش السيارة اذا انصبغت يطيح سوقها ؟ .. مع انك انته شريت السيارة من الوكالة وما حسيت انها مصبوغة ؟؟ .. خصوصا ان الصبغة الجديدة صبغة الوكالة ؟
 
A

adel1968

عضو مميز
الله يا جماعه الغش موجود في كل مكان شوفو قصتي
عندي المره صار لها حادث والسياره جيب تيوتا 2008 لا زال علي الكفاله وانغلبت 3مرات ولم يفتح ولا اير باغ
وانا كنت ماخذ السياره علشان السيفتي علشان احمي عيالي ومرتي لكن للاسف
الله كريم وانشاء الله الله يشافيها وراح ارفع قضيه علي الساير بس ناطر التحقيق يخلص وما عندي مشكله حتي لو احطها بالجرايد لانه لازم احد يوقف هذي الوكالات عند حدهم
 
ا

المسافر

عضو فعال
- قبل كم سنه وديت سيارتى الشفر الى وكاله الغانم فى الفحيحيل لزوم السيرفس الاخير

الحاصل يومين ورديت استلم السيارة ...اخذت الفاتورة والا ..........الصدمه 450 دينار للسيرفس

الله ليش يا جماعه ...شنو سويتوا .. يقولون والله بدلنا زيت وفلاتر ( هواء وبانزين )

بلاكات وجم شغله ما تسوى شى ...زين كل هذا ما يستاهل هالمبلغ ...رد على مسؤول الصيانه

انه القطع كلها ب150 دينار وشغل ايدهم 300 دينار ...قلتله ليش جايين من امريكا ..

الحاصل عقب الحنه والنجرة نزلولى المبلغ الى 370 دينار ...دفعتها واستلمت السيارة ورحت البيت

ثانى يوم والا ............الصدمه الثانيه

الليت الامامى طايح ومكسور ..والا تصدقون كان ملزق بصمغ علشان يتثبت ...

يعنى داعمين فيها ومرهمين الليت ........ولما رديت للوكاله قالولى انت استلمت السيارة

وما كان فيها شيئا ...

قلت لهم ( حسبى الله ونعم والوكيل ) ...

ولعلم هالوكاله ما اخذ منها شى لا سيارات ولا اجهزة كهربائيه .......​
 
د

دسمان

عضو مميز
ماكو الا تراسلون شركة GM الام بامريكا وتشتكون عليهم وراح تشوفون الوكيل يبوسون ايدكم ويصلحون السيارات على حسابهم!!!
 
يجب تسجيل الدخول أو التسجيل كي تتمكن من الرد هنا.
أعلى