إخوان نوره يوم بيعات الأرواح
أهل العوايد مرخصة كل غالي
سم على كبد الحوثيين ذحاح
لاجالهً عند الطريح إجتوالي
ولاختلط عج الرمل رمي وصياح
وطار الحيا من لابسات الشيالي
يردون حوض الموت في شلف ورماح
عوق على حرز الذليل الموالـي
كم واحدً بسلاحهم عقب السطر طاح
خلوه ربعه رمــةٍ مايشالـي
خلو زعيم القوم بطروق صحصاح
يقنب عليه الذييـب بروس الجبالي
ربعي أهل العادات وافين الأشواح
على النقا مافيه نقصً يقالي
وخص سلطان كساب الأمداح
غيثً على البشر والحلالي
ولاهمني هرج المعادي والأمزاح
له بالفخر ياسيف تاج ومدالي
من مارده مشهور للجم مياح
يشرب من الجمات صافي زلالي
هو العوض وسراجنا يوم الوطن راح
الله يـديـمه للعروبه ظلالـي
وبختامها بصلاة ربي عدما بارق لاح
على شفيع الخلق اول وتــالي
صلو على المذكور ممسى ومصباح
وعداد ماتذري هبوب الشمالي
بقلمي ايام العدوان السافر على المملكة العربية السعودية من زمرة الشيطان