سؤال وجواب عندي 20 الف دينار ما ادري وين احطهم...

[بدر الوحش]

السلام عليكم


هذا اول موضوع احطه بالمنتدى وان شاء الله ما يكون اخر موضوع


طبعا الموضوع الي بتناقش فيه اليوم ...شلون استفيد من الفلوس الي عندي ؟


يعني ابي استثمرها بمشروع تجاري مضمون وما فيه مجازفه


الصراحه انا فكرت بأكثر من مشروع وما ني عارف انقي الافضل


قلت اول شي راح احطهم بمكان مضمون ...فكرت اشتري شقه واجرها ...بس قالولي الاجار بالعافيه راح تتاجر

فكرت ابشي يوازي ميولي ...قلت اسوي نادي صحي ....طلعت الفلوس ما تكفي


قلت احطلي محل وابيع فيه ملابس ...الحكومه قالت لازم واحد متقاعد يسويلك رخصه



بالاخير قلت مالي الا الشبكه الكويتيه....


وناطرين اقتراحاتكم


انا الصراحه يمكن ما يهمني التعب ببداية المشروع كثر ما يهمني الضمان


و حاب الصراحه اقره افكاركم

 

[الكرملين]

الناس هابين باراضي بالنعيريه يسمونها قسايم

 

[سايروس]

لاتنسى الزكـــــــــــــاه​

 

[بدر الوحش]

النعيريه وين صايره ؟؟؟؟؟؟؟؟؟؟؟؟؟؟؟؟؟؟؟

 

[سليل الجود]

النعيريه وين صايره ؟؟؟؟؟؟؟؟؟؟؟؟؟؟؟؟؟؟؟

ما تدل النعيريه​

منت مزدوج عز الله​

المهم ياولدى​

اسمع منى النصيحه بارك الله فيك وفى ال20 الف اللى محتار فيهم​

هذا لو عندك مليون وش بتسوى​

اسمع منى يا شايبك​

لو كل من قال بصير تاجر صار تاجر ​

جان هالعالم اللى تشوفهم كلها تجار​

انا قبلك دشيت عالم التجاره ​

دشيت بالاسهم​

والعقار​

وباصات النقل ​

واستيراد وتصدير​

وتريلات واليات ثقيله​

وعطورات ودهن عود​

ووكالات عالميه​

ومحلات ملابس بالكويت وبالخليج​

وهذا انا جدامك الحين شايب وانا فى سن الشباب​

كله من هالتجاره وفكره انى تاجر كبير​

ياربى لك الحمد​

تأكدت من حقيقه واحده فقط​

التجاره لها اهلها​

واللى يبى يتاجر لازم ما يتاجر براس ماله​

لازم يكون عنده رصيد ضعف المبلغ اللى يبى يتاجر ويغامر فيه​

حتى لو خسر ما تحوشه سكته قلبيه​

وانصحك باقتراح اخونا كويتى منتف​

خلك بالسليم وحلالك موجود جدام عيونك​

والله يوفقك​

 

[0utsider]

مالك الا هيفا !!!!!!!!!!!!!!!!!.

 

[عمارالكويتي]

روح للصين و جيب بضاعه بثلاثة أو أربع ألاف دينار

و ما يحتاج محل أو رخصة

و خلك على التصريف من خلال المجلات الإعلانية معارف الأنترنت

أنا سمعت هاليومين هابين في موضة الشنط النسائية المصنعه من جلد التماسيح !!!!

روح جيب إجناط تماسيح و أستفيد من فرق السعر

 

[وجودى ضرورى]

اعرس فيهم ومتع نفسك خلك كل سنة زوجة جديده

 

[rightword]

بصراحه نسيت جم المبلغ اللى كاتبه ومالى خلق ارد للصفحات
بس انا قاعده افكر مو بالمشروع
افكر بنفس تفكيرك بمعاشات الصيف شلون استثمرهم
وبالنسبه لمشروعك اذا انت كويتى تأكد كل مشاريعك خسرانه:إستنكار::إستنكار:

 

[عبدالرزّاق السّنْهُوري]

20 ألف دينار رجعها إلى الله عزوجل في تبرع خالص بينك وبين الله لا تعلم شمالك ما انفقت يمينك ، حتى يظلك الله في ظله يوم لا ظل إلا ظله هذا هو الاستثمار الحقيقي يا أخي . وتذكر أن المال مال الله وسيرجع له بكل الاحوال :وردة:​

 

[بدر الوحش]

اهم شي كل سنه اتزوج



لووووول

 

[بدر الوحش]

نصيحة أخوية لك يالسمي​

بالعشرين​

تشتري فيهم أرضين في قطــر
لأن​

المشاريع والأنظار عليها
وخصوصا قرب​

العاصمة والأخبار تقول انها سوف تكون هناك طفرة عمرانية
فيها وأسعار الأراضي سوف ترتفع
أضعاف مضاعفة​

بشرط أن يكون لك معارف هناك ونفسك

طويل​

حبيبي والله ودي بس المشكله ماني عارف شسوي وما ابي اقط فلوسي اهناك

 

[وحده من الناس]

السلام عليكم


هذا اول موضوع احطه بالمنتدى وان شاء الله ما يكون اخر موضوع


طبعا الموضوع الي بتناقش فيه اليوم ...شلون استفيد من الفلوس الي عندي ؟


يعني ابي استثمرها بمشروع تجاري مضمون وما فيه مجازفه


الصراحه انا فكرت بأكثر من مشروع وما ني عارف انقي الافضل


قلت اول شي راح احطهم بمكان مضمون ...فكرت اشتري شقه واجرها ...بس قالولي الاجار بالعافيه راح تتاجر

فكرت ابشي يوازي ميولي ...قلت اسوي نادي صحي ....طلعت الفلوس ما تكفي


قلت احطلي محل وابيع فيه ملابس ...الحكومه قالت لازم واحد متقاعد يسويلك رخصه



بالاخير قلت مالي الا الشبكه الكويتيه....


وناطرين اقتراحاتكم


انا الصراحه يمكن ما يهمني التعب ببداية المشروع كثر ما يهمني الضمان


و حاب الصراحه اقره افكاركم

تبارك الرحمن​

من 18/5​

وللحين ماخلصو ال20000 دينار​

عيني عليك باردة​

 

[بدر الوحش]

لووووووووووووووووووووول

 

[ذيب الظفير]

بالجهراء كلها ما في الا ملعب واحد ( ثيل صناعي )​

التركيب من قبل الشركة ( 28 ) الف دينار مع صيانة سنوية مجانية ​

مع ساعة الكترونية ..........​

حسبة بسيطة .........​

الحجز بالساعة ( 25 ) دينار ..........​

باليوم ستة مباريات ........ يعني ( 150 ) دينار باليوم ​

وبالشهر ( 4500 ) دينار ​

بظرف ستة اشهر طلعة اصل المشروع .....​

وصدقني ترى عليه طلب مو طبيعي ......​

فالمطلوب منك انك تستخير ثم تبحث عن موقع مميز او اي موقع ​

وتاخذ رخصة ......​

حتى لو كان في مدرسة او اي ارض ليست املاك دولة .​

وتوديها للشركة

وتبلش فيه الفكرة الجهنمية ​

الله يوفقك انت وركازي .​

 

[رمح الشمال]

اخوي ما في شي بالتجاره مضمون الا العقار لانه يمرض ما يموت

وفلوسك ما تقدر تشتري فيها شقه صغيره

نصيحتي لك

سوق العملات الفوركس

هذا السوق كنز لكن بشروط .. واهم شرط القناعه وعدم الطمع

استثمر فيها 3000 دينار .. يكون راس مالك محترم بهذا السوق

وال 17 دينار حطهم بحساب الدانه وغيره عسى الله يرزقك فيهم

انصحك بالتدرب على سوق الفوركس لمدة 6 اشهر على الاقل وبعدين افتح حساب حقيقي

واحذرك ثم احذرك

القناعه تساوي راس المال واي لحظة طمع تعني افلاس المحفظه
موفق يارب​

 

[بدر الوحش]

اي والله العقار ما يموت


بس راح اخذ بال20 الف ؟

 

[سلمات]

مشاءالله على جميع اخوانى فى الله نصحوك بامور دنيوية عدة اكيد عادي لكن انا اقول شو رايك تشتري بهم بيت بالجنة بس لو مبلغ هزيل منهم اعرف محتاجين بامس الحاجة للمساعدة مثلا اسرة خراز 52 سنة بالمغرب فقير جدااا يروح للسوق لما يفضى من الناس يشيل ما يجد على الارض من احذية ممزقة اكثر من مرة يروح للدكان يحاول يرقع كم رقعة ويبيعه باقل من 1دولار // هو اب 3 بنات //2توام 16 سنة واخرى 9 سنوات ورضيع بصراحة اخى الفاضل الجوع هالكم الام تفكر فى الانتحار عرفت هذه الاسرة منذ اكثر من 3 سنوات سبب الام راحت للبحر ترمي نفسها والله العظيم بجد قلت لها ان شاء الله اجد لكي فاعل خير او جمعية يساعدوكم لكن ليومنا هذا ما فى محسنين اتصلت بى فالت لي ضاقت بها الدنيا الرضيع دون حليب ووووووووو حكاية هذا الخراز مع الفقر طويلة // من يريد يعرف حكايته وشوف صور لاسرته انا تحت امركم انه اخوكم فى الله // الله يفتح عليك وعلى الجميع ابواب الخير والبركة

 

[صوتك يناديني]

اخوي 20 الف وتبي تستثمر فيها صعبه والله يالغالي

انا عن نفسي لو اني مكانك بأثث بيتي

 

[الابجر]

شحباري للحين ال 20000 ماخلصوا
انا عندي حل مو طبيعي نفس الاولي تحجزلي انا وياك نسافر تونس اسبوع نفكر بمشروع علي كيفك
وبعدها اسبوع المغرب هم نعيد التفكير بصوره اوضح عن الاولي واسبوع ثالث بباريس علشان نفكر بمشروع بصوره جديه اقوي من الاوليات
وبعدها نروح عمره
واذا خلصن الفلوس تاخذ قرض 20000 الف والسنه الجايه نعيد الكره ماعليك التجاره ربح وخساره

 

[the-northgirl]

عطني العشرين افتح لك فيهم مشغل بدل ودراريع حق المناسبات وأأجر فيهم سرداب
واطلب اربع خياطين باكستانيين وفلبينية حق القياس بس واربع مكاين وطابات قماش ماتمر سنة بس الا وانت مطلع
ضعفهم لا وبعد تسوي خصومات للزباين واعلانات بعد تدري انت الحريم مقصه بالديرة وحق الكشخة والترزز وبس
شرايك؟ ---​