رُبـّـمــا
عضو مخضرم
خلاص .. يعني ..
انتهت دنياج ؟ !!
انتهت مدة صلاحيتج بالحياة ؟!
غرّر ابليس بِــــــــ ذْنِج ..
وادّعى إنج هلاك ؟!
وَسْوِسَوا هالناس يمّج ..
(( هذي ذيبة انحلال )) !؟؟
خفتي من سمعة أهلج ؟
وإلا من أهلج واللي صار ؟
والا تذكرتي عزّج ومملكتج ..
وزاد في يوفج الانسكار ؟
اشمتت فيج ناسج ؟؟
ادفنوا راسج داخل احساسج ؟؟
وشنهو يعني ..؟ !!
دام ما يملكون
لا جنة و نار ,,
وشنهو يعني تطلّقتي ؟؟
هي مرحلة ,, وبتمسي ذكريات ..
حبّي نفسج وارفعيها بالوقار ..
ولا يتأثر نبضج ..
وتحرمينه لذة لانتصار ,,
سدّي إذنج عمّا قيل وقال ..
هالناس تعبد لعبة .. إنتي فيها كل الظلال
إبحثي عن رمز يرسم زولج ,,
داخل علبة محار ..
لا تخذلج أوراق تثبت ..
وحدتج في غيبة ( فلان )
هذا نصيب ,,
والحياة ما تخلا .. أبد ..
من كلمة ارجال !
لكن تأنّي ,, حتى ما يسوء الاختيار
واحفظي نفسج ..
عن زاير الليل والنهار ..
وشنهو يعني تطلقتي !! ؟؟
مات في الدنيا الأمان ؟
والا اعلنوا ردة ملايين من أهل الاسلام ؟!
ديري بالج على قلبج ..
واتبسّمي ,,
ترى محد في هالزمن ما قرر الانتحار !
__
للزمن نوثّق !!
في 8 / 7 / 2010 م
الكويت