تفرقنا ياناس واحوالنا تردت ..والتفرقه نخرت فينا وتعدت
كويتنا راحت فيها وتخدت ..والسبب تياراتنا السياسيه
هل تيارات اللي مامنها فود .. وشرها طايف خيرها بزود
ماعندهم غير حجي معيود .. وصاروا علينا اصحاب الحميه
فرقونا ما بين سلفي واخوانجي.. شيعي ليبرالي وتاجر كلكجي
كلن يقول ترى الزود عندي ..وحالتنا اصبحت حاله مرثيه
السلفي دش علينا بعنجهيته .. والاخونجي بالدجل اسس جمعيته
والشيعي يزرط الخمس بحسينيته.. والتاجر يلهط المشاريع الحكوميه
خلونا نبحث كل تيار لحاله .. ونوضح كل اعماله وافعاله
من غير تجني او جهاله ..وببدي مع الاخوه السلفنجيه
السلفي الي دش علينا بعنجهيته .. ماعنده غير بن باز ومعيته
ولايجوز مترسخه في عقليته ..ومتعصب حتى مع اهل بيته
نعم مخلص للدين و بامانه ..صادق ولكن علمه بضحاله
تلفهم بن عبدالوهاب باحلامه .. وحكرهم بدعوته العنصريه
قامت الحركه بمجموعة النياده...طشروا الناس مثل الذيابه
استغلهم بن سعود على خباثه...ومادروا عن اطماعه السياسيه
لكنهم لكلام ربهم متمسكين .. يغارون على دينهم وحريصين
شوية توسع بالعلم محتاجين .. ويبطلون من سوالف العنصريه
والاخونجي عاد سالفته غير .. حيال دمبكجي حرامي بوطير
يمكر ويصبر لما الاخير ..وان تمكن داسك بجوتيه
اسسهم البنا على النذاله ..وزرع بقلوبهم الحقد والخيانه
ميثاقهم خمبقه على زقاله .. وماخوذ من الافلام المصريه
تشوفه طيب وانسان راقي .. لكن مخادع ولحزبه وافي
متلون وجذاب بكل المعاني ..حتى يحقق اطماعه الرديه
والشيعي مسكين بكل المواضع .. وعلى التقيه متربي وقانع
وان جادلته بساعه ينازع ..عقب يقرصك مثل الحيه
الحسينيه صايره لهم بعبع .. والسيد فيها يلعي ويبنبع
بخزه منه قلوبهم ترمع ..ويرعبهم بجم لطميه
مايدرون وين الله قاطهم .. والسيد لاعن ابو اسلافهم
يزرط الخمس من عيالهم.. زين يسوي فيهم ولد العلويه
يدفع الخمس من غير سؤال .. ولا يدري وين تروح الاموال
وايران مخليتهم مثل اليهال .. تلعب فيهم لعبه سياسيه
يطيعون السيد بدون تفكير...وان عارضوا قلبهم حمير
مايهمهم اللي يصير يصير ..بركاته تغطي على بلاويه
والتجار صاروا علينا آفه ..فلوسهم ماتشيلها الكرافه
يمشي وحدره كود عجافه .. ويترس حساباته البنكيه
كل مشاريع الديره دش فيها ..والقوانين يقولك طز فيها
من تطرح مناقصه قال ابيها .. وانت يافقير انطر الترقيه
مقرود اللي يدوس له طرف .. يقلب طابوق بيته سعف
وتعال اسمع من السف و التف .. وعابل روحك من الاذيه
مابقلوبهم طيبه ولا رحمه .. بالنذاله صكوا على ابو مره
يسحبون من الفقير اللقمه...ويبلعها بكرشته الربويه
وشيوخنا بعد اشكال وارناق .. فيهم الزين وفيهم البواق
وان مدحته بسرعه ماق .. ويعطيك من عطاياه السجيه
هالعطايا من بيزات الشعب .. الاخ لاهطها من غير تعب
يعطيها للي يدوسه بالكعب ..واللي نفوسهم مثله دنيه
الوزاره تحت امرهم من الستين.. والديره نزلت تحت بالطين
يعني العيب فيهم من سنين ..وينادون بالاصلاح الكلكجيه
اي اصلاح ياعمي طير .. خليت الكويتي يصير فقير
حياته اصبحت امر خطير .. وعيالكم بالدول الاوربيه
والرياضه ماسلمت من شركم ..بواحمد البطل عفسنا وعفسكم
باسبانيا نزل روسنا وفشلكم ..بحركات ايده الخرائيه
عيال الديره وخروا عنكم .. والبدوي صار تحت امركم
عزت الله مايحبكم مايودكم .. لانهم صبيان وفداويه
وحمد مادري من وين يانا ..اكثر من صدام نهبنا وغزانا
اهوج عنجهي ابد مو تكانا ..وتشهدله الشركه الدنماركيه
والحين دور الاخوه الليبراليه .. يحسبون نفسهم فوق البشريه
شوية خمه وبرع وسرسريه ..ينادون باسمج ياحريه
كل شي ضد الدين يحبونه .. يعرفون كلام الله وينكرونه
مايحلالهم الا الديين يسبونه...صج انهم اسفل وزقمبيه
الخلط عندهم بكل احتفال .. يقلبون الحرام الى حلال
شرب ورقص جدام العيال .. تدرون هذي الحضاره المدنيه
ياسيئات المجتمع ياليبراليات ....ياعيايز النار يامتبرجات
ماتفيدكم الحفلات والسكبات .. لحقوا على اطباعكم العويه
ياهل الديره خلونا نتلاحق .. نبي ايد وحده ومانتفارق
ونرفع اسم الكويت والبيارق .. فوق كل المحافل الدوليه
صراحة استمتعت بقراءتي للموضوع..!
بختصار عـــــــالم ثاني..
الي اعرفه عندما يخطئ احد بحق عائله او قبيله..ترفع عليه قضيه لرد اعتبارهم..
لكني اكتشفت ان الاخوان يألفون اشعار على بعض !!!!!!!!!!!
لا و وموضوع طول بعرض بالمنتدى السياسي !..و "ينتف ريشه وينام ببطنه و مادري شنو "
صلوا على النبي بس..تحبون "تسوون زحمه والشارع فاضي"
تحياتي..
ولايعلم ذالك الجاهل ان الدويش لم يقاتل ولم يقتل منه احد انما حاصر القصر الاحمر ايام وانتهى الامر الى الصلح
حسبي الله و نعم الوكيل على هذا التخلف القبلي
الأن علمت لماذا الله لم يجعل نبي واحد له علاقة بها !!!