سؤال وجواب ما هو أفضل مطعم لتوصيل الافطار للدوام؟؟

[غنيم الزعبي]

الآن وبعد انتهاء شهر رمضان المبارك..عادت وجبة الآفطار الصباحية..وبما ان أغلبنا يخرج من بيته مبكرا..محاولين تفادي زحمة الشوارع ( اللي شكلها ) ستكون بزيادة هالسنة..لذلك لا يتسني للجميع اكل وجبة الافطار إلا بالدوام..لذلك سؤالي لكم زملائي الكرام عن المطاعم التي توصل الافطار لمكان العمل..ما هو افضلها؟..مطاعم جربتوها..واعجبكم اكل الافطار الذي قاموا بتوصيله..مطاعم دقيقة بالتوصيل ولا تتأخر..مطاعم اسعارها معقولة خاصة إذا كان الدور عليك لاحضار الافطار وكان عدد الزملاء كثير...
ما هوافضل مطعم لتوصيل الافطار في الكويت..؟؟ أفيدونا..ولكم الشكر..

 

[فتووونة]

عندك مطعم 99 ومطعم شاى ونعنع ووووووايد اكلة طيب ونظيف​

 

[الـهـآرف]

مطعم جمعية جبد عندهم خوش آش

وقصر الزآد صوب مجمع المحاكم بالرقعي خوش فول وحليب عدني

ومطعم البستآن بالشويخ الصنآعية سوآلف مسبحة مآ مسبحة

​

 

[SAAD.SAAD]

مطعم ستيك عنده تشكيلة ريوق عجيبه !! والأكل نظيف

 

[غنيم الزعبي]

ههههههههههههههههههههه مبين انك تبي حلق الرجال الحين فطوره يبي يوقف التنميه

 

[السليطي]

أخوي غنيم

خلني أعيشك بجو الدوام عندي شوي..
أحنا مجموعة موظفين عددنا 12
7 موظفين و5 موظفات..
كل واحد فينا يقط مع وقت المعاشات 10 دنانير والقطيه عندي.​

بالنسبة لنا كشباب نشتري المعلبات والبيض والملح وعدة الريوق من الجمعية طقه وحده .
وكل يوم نخلي الفراش يبدع لنا بالريوق ..بيض بالجبن..بيض بدون جبن..بيض مفيوح..بيض مقلي..
فول بالبيض..فاصوليا..خضارمشكله..لبنه وزعتر..جبن كرافت..زيتون..مع الخبز الإيراني الطازج كل
يوم بالإضافة للشاي والقهوة العربية والتركيه وماي الصحه والكبشتينو .​

أما بالنسبة للزميلات فكل يوم نطلب لهن طبق باذنجان وفول وفلافل مع ربطة خبز لبناني وبصلتين
مع شاي أخضر لزوم الرجيم .​

المقصد بأن تجهيز الريوق بالدوام أوفر وأفضل وأنظف بكثير من المطاعم إلا في المناسبات كترقية
زميل أو زميله ..وهنا أنصحك بمطعم الديك الرومي بجانب مجمع المثنى .​

إحترامي .​

كل هذا بالدوام

اخوي كويتي في اي مطبخ تداوم !!!

 

[غادة الكاميليا]

وانا اختك تريق في بيتكم الله لا يهينك وماكو أنظف من شغل البيت وخصوصا من يد راعية البيت شغل المطاعم ما وراه الا الوصخ والامراض وترا هالكلام من انسان مجرب والريوق بعد ما يبيله شغل خدر لك غوري شاي سنجيل وربطة خبز ايراني من الخباز الي بقطعتكم وصحون بيض وزيتون وجبن أبيض فرنسي وجنك ما تدري صحن الخضره اشي طماط واشي خيار واشي بقدونس ولا تنسى وانا اختك صحين اللبنه بالزيت النابلسي وخل عنك المطاعم ووصخها وصحتين ع ألبك​

 

[غنيم الزعبي]

وانا اختك تريق في بيتكم الله لا يهينك وماكو أنظف من شغل البيت وخصوصا من يد راعية البيت شغل المطاعم ما وراه الا الوصخ والامراض وترا هالكلام من انسان مجرب والريوق بعد ما يبيله شغل خدر لك غوري شاي سنجيل وربطة خبز ايراني من الخباز الي بقطعتكم وصحون بيض وزيتون وجبن أبيض فرنسي وجنك ما تدري صحن الخضره اشي طماط واشي خيار واشي بقدونس ولا تنسى وانا اختك صحين اللبنه بالزيت النابلسي وخل عنك المطاعم ووصخها وصحتين ع ألبك​

اختي الكريم الوقت ما عاد فيه بركة...متي تصحي من النوم..متي تودي العيال المدرسة..متي تدق البصمة...تحول يومنا كله الي سباق فئران...انا ساكن صباح الناصر ودوامي في الشويخ..احتاج اربعين دقيقة للوصول الي الوزارة..وقت ما فيه..وانتي تقولين خباز ايراني؟؟؟

 

[غنيم الزعبي]

مطعم ستيك عنده تشكيلة ريوق عجيبه !! والأكل نظيف

اتفق معك اكلهم طيب بس ما ينفع حق الطلبات الكثيرة.

 

[غنيم الزعبي]

عندك مطعم 99 ومطعم شاى ونعنع ووووووايد اكلة طيب ونظيف​

تلفون؟؟ عنوان؟؟

 

[SAAD.SAAD]

اتفق معك اكلهم طيب بس ما ينفع حق الطلبات الكثيرة.

انا اطلب منه ريوق حق 15 شخص سعره مناسب جدا واكل محترم

 

[غنيم الزعبي]

مطعم جمعية جبد عندهم خوش آش​

وقصر الزآد صوب مجمع المحاكم بالرقعي خوش فول وحليب عدني​

ومطعم البستآن بالشويخ الصنآعية سوآلف مسبحة مآ مسبحة​

للاخوان المطيرجية والمشكلجية والبنشرجية..للعلم وأكل اللازم

 

[الـهـآرف]

للاخوان المطيرجية والمشكلجية والبنشرجية..للعلم وأكل اللازم

لووووووووووووووووووووووووول​

توك تصيد الحركة ​

,​

مآكو أفضل من مطعم ستيك بآلوقت الحآلي ..​

وإذآ مركز سلطان الشويخ قريب صوبكم مر اخذ لك جم صحن فطآير من مخبزهم وتشكيلة جبن مآلح وقيمر ومربى وزبدة وزيتون ورهش وكرنيشن وشاي توينيجنز وضبط أمورك .. ​

تحيتي :وردة:​

 

[غنيم الزعبي]

جرب Q cafe



حوالين مجمع دسمان بس مادري وين بالضبط

مطعم راقي و شغلهم امرتب وحاليا سايتهم امسكر بس حطيتلك رابط ثاني فيه المنيو مالهم..



اتفضل


http://www.kuwaitpaperdump.com/food-restaurants/q-cafe/

مطعم نظيف جدا..وقعدته ( محفوفة )..وكان واضح أن الطلبات الخارجية كثيرة عليه عندما جلست قيه لمدة نصف ساعة.ومكانهم شارع احمد الجابر..مقابل عيادة الكتورة فوزية العوضي

 

[سهالات]

قبل لاتطلع الدوام مر المطعم الهندي اللي في صباح الناصر ق2 خلف فيلا صحن سابقا ومقابل بيت صغير يشد الياء الزعبي ....اكل ولااروع وبالعافية عليك

 

[غنيم الزعبي]

قبل لاتطلع الدوام مر المطعم الهندي اللي في صباح الناصر ق2 خلف فيلا صحن سابقا ومقابل بيت صغير يشد الياء الزعبي ....اكل ولااروع وبالعافية عليك

ياسلام عليك يا دكتور..مطعم بربيس..الشيئ الوحيد الزين فيه الجباتي الصبح..
3 شباتي+ شاي حليب ....الساعة 6 صباحا..

 

[غنيم الزعبي]

مطعم كناري الفروانية..بقرب المطافئ..الحمص طعمه غير..الفول عجيب..حتي الخبز..مالهم..له مذاق مختلف..