سؤال وجواب ام العيال متمسكة برقم زين وانا لااريد دخول بيتي رقم زين ما الحل

[حمد-الراشد]

ام العيال متمسكة برقم زين وانا لااريد دخول بيتي رقم زين ما الحل , وانا اريد تحول الى فيفا ابرك من شركات الحرامية

 

[القرير]

إعرض عليها آيفون بشرط يكون خطه فيفا

 

[سنين مرت]

انت من صجك تشاورنا؟
طلقها وريّح راسك​

 

[ابن عثمان]

عليك بالدعاء لله ان يهديها , وتأكد ان الله ما يخيب عباده

 

[« غ ـريب الأطوآر »]

اخوي بين واشرح لها ان زين نصابين ومو حياديين بخصوص قطع المسجات عن قنوات صفا ووصال وخلوا قناة الظلمات ، واشتر لها رقم فيفا مميز
​

 

[عاقل ومجنون]

قلها يا انا يازين ترى الوطنيه وفيفا بيشهدون معك عند

دفع النفقه انك راح تخسر كثير فخلك على مجنونك لا يجيك اجن منه .

 

[لا تعليق]

سياسه الاغراء

خط افضل من خط زين مع زياده في المكالمات

واذا العذر الخط معروف للمقربين من الاهل تقدر تقول برساله تعرفينهم عن خطج الجديد


كل اللي عليك
تشوف خط حلو

تزيد المكالمات بالبدايه لها عرض تعويض او تثمن الخط

مع نشر الرقم الجديد للاقارب

وانتهت السالفه

 

[سمو ذاتي]

حمد الراشد كسر التلفون على راسها
واناا ازوجك ملكة جمال فيفا

 

[مقروده]

انا خطي زين و متمسكه فيه يعني اهي اكيد ما تبي الرقم يروح منها مو حبا بزين


وشنو هالنصايح الفاشله يمااا منكم يا الرياجيل حتى بخط المره بتتدخلون كيفها خطها واهي حره فيه

ياخوي انت ما ترضى اهي بعد تخيرك بين خطك ولا جهازك ولا دشاديشك ولا نعالك الزواج مو معناته تتحكم فيها جنها جاريه ..,.... الردود ترفع الضغط


واذا كلش كلش اشتري لها ساعه ماركة ولا سفرها تستاهل ام العيال دامك تحبها مو تطلقها ومادري شنوووو ترى اللي ينصحونك تلقاهم ما يرفعون عينهم قدام حريمهم هههههههه

 

[الحابوط]

انا خطي زين و متمسكه فيه يعني اهي اكيد ما تبي الرقم يروح منها مو حبا بزين


وشنو هالنصايح الفاشله يمااا منكم يا الرياجيل حتى بخط المره بتتدخلون كيفها خطها واهي حره فيه

ياخوي انت ما ترضى اهي بعد تخيرك بين خطك ولا جهازك ولا دشاديشك ولا نعالك الزواج مو معناته تتحكم فيها جنها جاريه ..,.... الردود ترفع الضغط


واذا كلش كلش اشتري لها ساعه ماركة ولا سفرها تستاهل ام العيال دامك تحبها مو تطلقها ومادري شنوووو ترى اللي ينصحونك تلقاهم ما يرفعون عينهم قدام حريمهم هههههههه

اختي هذا اسمه دلع الحريم الزوجه عليها طاعة زوجها لاتخالفه إلا فيما حرم الله
رجال مايبي خط زين يدخل بيته كيفه حر والزوجه متمسكه في هالرقم من شركه
فاشله اسمها زين عليها ان تقول سمعا وطاعه ولاتجادله في هذا الامر
ولكن صاحبنا قلبه خضر وطيب اكثر من اللازم وفوق هذا يعزها ويحبها لدرجة الجنون
شنوا الحل بالله
اذا اسعمل معها العنف اطمحت الزوجه عند اهلها وحطمة قلب الزوج العاشق
وان سايسها وجاها بالكلام الطيب ماكو منها فايده راسها يابس
انا اقول لصار مالك قدره عليها الله يعينك خلها على خط زين
او اختار من نصايح الاخوان اللي يتوالم مع شخصيتك وطبقه
بس نصيحه مني انخوك ترى بعض الحريم ماينفع معها الطيب
عليك بالعين الحمره وعلى العموم المره مخلوقه من ضلع اعوج
ان عدلته كسرته وان خليته لازال على اعوجاجه عجبي من حريم
هالوقت الاغبر لاصار للزوج ماله عندهن حشيمه ولا خاطر​

 

[Q8bdooon]

انا اقول روح لمارينا تلاقي تحت عند شارع سالم مبارك تابع لشركة فيفا
واطلب خطين مميزين اخوان
واحد لك واحد لها

وراح يكلفك 120 دينار الواحد وخلص عمرك غير هالحل ماكو اذا تبي رقمها انطر ليما يحولون ترى طلاق على شئ تافهة مايسوى

 

[مربي أجيال]

بما انك رجل رومانسي كل يوم لازم تغني لهاhttp://www.youtube.com/watch?v=yOLUxdbP11E

 

[الكاشونة]

عندي شور لك .. :-

تغافلها و دق من تلفونها على 113 .. أو أخبار كونا .. أو حالة الطقس ..

و خل التلفون مفتوح ساعتين أو ثلاث .. أو الليل كله ..

آخر الشهر تلقى فاتورتها صاكة " لك " ..

ذيك الساعة تعال لها بوجه الناصح الأمين و قول لها :

أنا تهمني مصلحتك و قصدي أفكك من هالحرامية " زين " .. و أنصحك تحولين

خط تلفونك للي يخافون الله الأجاويد " فيفا " ..

صدّقني بتقتنع حزّتها ..

شرايك ؟؟ ​

 

[سور الوطن]

بصراحة هذا القسم عجيب المفروض نغير الاسم من سؤال وجواب ونسمية قسم الضحك وساعة لقلبك

الحل بسيط وعملي قول لها انا حلمت البارحة باني اتزوجت وحده ملكة الجمال

شعر طويل وخصرها نحيف

وبالمناسبة كان اسمها زين

وشوف ردة فعلها،

تحذف التلفون بالقاع وتقول لك غير خطي الحين ما ابي اشوف زين بالبيت.​

 

[comrade]

لازم تشوف وتعرف منو اغلى انت ولا خط زين
واذا بس انت اللي تحب وبس طرف واحد مو طرفين
اجل لازم تحرمها من سفرات وغيرها ولو ماتقدر اجل ماكو طب
خلها على الله

 

[خالد جاسم الم]

بصراحة هذا القسم عجيب المفروض نغير الاسم من سؤال وجواب ونسمية قسم الضحك وساعة لقلبك​

عدال يا طه حسين

ونقترح على الادارة .... تثبيت الموضوع

لمصلحة الأجيال القادمة

 

[k7elan]

عندك هالموقع يفيدك

ما عندي خبرة في هالمجال لكن اشوف راي الكاشونة و مربي اجيال اقرب للصواب

 

[الحابوط]

عندي شور لك .. :-​

تغافلها و دق من تلفونها على 113 .. أو أخبار كونا .. أو حالة الطقس ..​

و خل التلفون مفتوح ساعتين أو ثلاث .. أو الليل كله .. ​

آخر الشهر تلقى فاتورتها صاكة " لك " .. ​

ذيك الساعة تعال لها بوجه الناصح الأمين و قول لها :​

أنا تهمني مصلحتك و قصدي أفكك من هالحرامية " زين " .. و أنصحك تحولين​

خط تلفونك للي يخافون الله الأجاويد " فيفا " .. ​

صدّقني بتقتنع حزّتها .. ​

شرايك ؟؟ ​

المشكله لصار الزوج هو اللي يدفع الفواتير
وبعدين هذا اسمه خداع وتحايل
مافي احسن من المواجهه والكلام الصريخ :وردة:
الكاشونه لايكون الفكره مسويتها في احد ​

 

[شوفير]

طلقها واخذ اختها

 

[kwt.store]

تزوج عليها

 

[الحابوط]

طلقها واخذ اختها

مانبي نكمل المثل
خلك على مجنونك :وردة:​