معالي الوزير يبي آيباد على حساب الوزارة ؟! صورة القرار بالداخل

ع

عزيز نفس

عضو مخضرم
يحلبون المنصب حلب !!

لا وطالب أعلى مواصفات وسعة تخزين هائلة !!

يعني بالعربي عطوني أغلى شي بالسوق !!

واللي يقول عشان شغل الوزير أقوله إستريح

لأن الآي باد مو للشغل وخصوصا بأن الكيبورد إنجليزي ولازم تنزل برنامج عشان تقدر تطبع بالعربي ومعروف بأنه للتصفح وللتخزين !!

دنت نفسك على آي باد يامال الفقر !!
​
 
ع

عبدالله الراشد

عضو
اساهيم قال:
انا استغرب من الاخوان اللى يتساهلون بالموضوع ويقولون عادى ..؟؟

ليش عادى ..هذى فلوس مال عام ..اذا يبى يشترى شى لصالح العمل نقول له عليك بالعافيه ..ولكن الآى باد شنو موقعه بالعمل ..؟؟

يعنى هل وصل بنا الامر ان نستغل مناصبنا للحصول على اى شى ..؟؟... اهم شى انه من المال العام ..؟؟

تذكرت الوزير فلاح الهاجرى عندما طلب صرف ثلاثة دنانير لشراء شاحن موبايل ..

أخس على نفوس بعض الوزراء الدنيئه ..
أنقر للتوسيع...

:إستحسان::إستحسان::إستحسان:
 
L

louis vuitton

عضو
الوزير من حقه يطلب الاي باد لأن عنده ميزانيه ميزانية نثريات لمكتبه
مخصصتها له الوزارة يصرفها على راحته
وحاله حال اي شخص ياناس لاتفجرون بالخصومه ترى الي قاعد تسوونه والله فجور بالخصومه
يا اخي صيدو على الرجال شي يستاهل وافضحوه مافيها شي
هذا وزير دوله مو من حقه يطلب اي باد !!!!!
مستخسرين اي باد في وزير؟؟؟

بس المصيبه انكم اعتبرتوا شراء الاي باد خيانه امانه
وتصوير الموظف للورقة الي كان مؤتمن عليها مو خيانة امانه

والله صج عجيب امركم

انا اعتبر ان الموظف الي صور الورقة اكبر خاين​
 
ط

طموح

عضو بلاتيني
شنو المشكله يجوز يحتاجه لشغل الوزاره وبعدين الرجال طالبه بطريقه قانونيه وجان على ايباد عليه بلعافيه
 
M

Meridian

عضو ذهبي
إذا الآي باد على حساب الوزارة،
وإذا السفرات على حساب الوزارة،
وإذا السيارة على حساب الوزارة،
وإذا البنزين على حساب الوزارة،
وإذا التلفون وفواتيره على حساب الوزارة
وإذا المطاعم والعزومات على حساب الوزراة،
وإذا البشوت على حساب الوزارة.​

ممكن أحد يفيدني وين الوزير يفترض أنه يصرف فلوسه؟​
 
ي

يوزر انتحاري

عضو بلاتيني
والله يضحكوني الي يقولون عليه بالعافية !! والله حتى لو اهو ماخذ عود كبريت من الوزارة زقوم في بطنه ولازم يتحاسب على هلعود وماهو من حقه !........... الفساد شلون قايل حمر والا خضر ؟!! شنو حلال ابوه اهو ؟! هذا مال عام .... للأسف ليلحين في جهل بمجتمعنا شوفوا الأجانب وشلون وعيهم وشلون المحاسبة عندهم ..... هني من زود الوقاحة عندنا ناس تبرر للحرامية ! حلوة هاذي آي باد على حساب الوزارة !! يكفي انه لو مثل هلموضوع طلع على موظف حكومي في امريكا لقامت الدنيا وماقعدت عندهم !!! للأسف اكتشفت ان الخلل في أخلاقياتنا وقيم مجتمعنا مو في راعي الآي باد!!
 
ب

(بوحمد)

عضو فعال
يا ريت القصة بس ايباد

يا عزيزي الحين الوزراء حريمهم وعيالهم يركبون سيارات الوزارة وتيي تقول لي ايباد
 
ا

الطاحونة

عضو فعال
العن ام العفانه ... ردات حظ .... جعاصه .... تصدقون بس عندنا بالكويت التجار واهل الفلوس اللي نفوسهم رديه .... اعنبو دارك الدينار اذا ما طوعته يطوعك .... ليمتى شغلكم بلوشي وعلى حساب الوزارة
 
ا

انساب

عضو مميز
يمكن شغل الوزارة واقف ومتعطل على الايباد , يمكن بخاطره ايباد وما عنده مبلغ يكفي , ويمكن عنده وقت فراغ طويل بالمكتب ويبي يشغل نفسه بالايباد , أحسن الظن والتمس له العذر , وزير وكيفه , تقدر تقول له لآ .

ما قول إلا

انفخ البلالين يا نجاتي​
 
O

oaldawe

عضو فعال
والله انتو مشكله
الوزير يبي يلعب Angry Birds خلال الاجتماعات الممله علشان لاينام
لاتفهمونه غلط
لكن ليش اعلى المواصفات
الجواب لانه مو علي حسابه :)
 
A

Alazraq

عضو بلاتيني
oaldawe قال:
والله انتو مشكله
الوزير يبي يلعب Angry Birds خلال الاجتماعات الممله علشان لاينام
لاتفهمونه غلط
لكن ليش اعلى المواصفات
الجواب لانه مو علي حسابه :)
أنقر للتوسيع...

و عشان يقزّرها بالإستجوابات خصوصاً بعد سالفة الإستجوابات الثلاثه بيوم واحد و حالياً في إستجوابات قادمه ..

بطارية الآيباد تطوّل ١٠ ساعات :)
​
 
ح

حمدان القحص

عضو فعال
شنو المشكله


مو طلبة الجامعه عطوهم 250 دينار لشراء لابتوب , شنو المشكله لما وزير يطلب جهاز كمبيوتر ؟

انا اعتقد الموضوع ماله داعي
 
يجب تسجيل الدخول أو التسجيل كي تتمكن من الرد هنا.
أعلى