ما أعتقد بتوصل مواصيل قناة المنار اللي تضخم الأحداث
مابي ادش بنقاش عقيم واقولج المنار شكو وانا شكو فيها
بس الإعلام البحريني خاص لأهل البحرين قاطبة، إي ليش تسوون جذي، بغض النظر عن اللي قاعدين يسوونه، ليش تنحازون على فئة دون أخرى، وبعد اسبوعين من التجريح والتشويه، والشعب قاعد يكره بعضه وقاعده تصير مشاكل اوصلت حتى للمدارس !!
انا ما انحاز لطرف دون آخر وأدري أنه هذا شأن داخلي، بس يعني الواحد ينقهر لمن يشوف هالاشياء تصير جدامه ويقول لا زين يسوون فيهم، هذولي عملاء وهذولي بطيخ ومادري شنو
والله عيب علينا نقول مصر وتونس وليبيا اوادم واللي بالبحرين مو اوادم؟ مو بشر قاعدين يطلعون يعبرون عن اللي بداخلهم بحكم الدستور اللي كفل لهم هذا الحق، وبعدين استغرب الخطاب اللي قاعد يوجه ليش تسوون مشاكل وتقولون هذولي قاعدين يعطلون الشوارع وانتو مو قاعدين تسدون الشوارع ولا بحماية الشرطة، وهذولاك لهم الله بريحاتهم.
البحرين صايرة ديرة تخوّف الناس ما تشتهي بعض، ويصير سب وتحرش عيني عينك وقاعدين يدخلون عيالهم بالسالفة.
الله يسامحج اختي عقب كل هذا وتقوليلي قناة المنار، بالله عليج هذي عدالة اللي قاعدة تقولينه، انتي بنت الكويت وتعرفين شنو يعني الكويت وتعرفين شلون احنا عايشين والحمدلله ما عندنا فروقات بغض النظر عن الاطراف اللي قاعده تحاول تخرب علاقتنا من الحقد والحسد.
الله كريم، ويصلح بال البحرينيين ويهديهم ويعطي كل ذي حق حقه .. " )