يقــولــون كفــانا شــر مايقــولون
................................
بالمناسبـــة الكلمة اللي فوق لهأأ ذكريااات جميلــة في أفضل مراحل العمــر
وهو عمــر الطفــولـــــة
هالكلمـــة هي دائما تتصدر قصص وحاكيات أمي إذا بغت تنومنــا
ومنها قصصهم وشخصياتها خيالية
وتعتبر كشخصيات والت ديزني حاليا
بس والت ديزني البدو غير
ويتصدر القصص
أبطالها وشخصياتهم المميزة (طبعا مافي غيرهم )
تريترة + أبا حصين
صج كلااااام ومن نسج الخيااااال
لكن في وقتنا تستحله أمهاتنا
خاصة إذا أرادوا تنويمنــا
وما أفضلــــه من استحلال
براءة الطفولـــة لاتعادلهــا براءة
وكذلك
الموقف إذا عطشنا تالي الليل وطلبت من الوالدة ماء
والمسكينة تعبانه من شغل البيت ( في وقتهم كانت هي الغسالة وهي الطباخة وهي المكناسة )
واللي تحمينا وتوكلنا وتشربنا
(والله ما نلحق جزاج يايمـــه )
المهم
كانت ترد علي إذا طلبت ماء
(نام ياولدي يجي ( أبو غزيّل ) يسقيك ماء وأنت نايــم )
وأنا اصدق وأنام
ومن فجر الله أقعد لا وأقول لأمي يمه تصدقين راح العطش
متى جاء أبو غزيّل وشربني ماقومني من النوم ولاحسيت فيه
وترد علي
(اسقاك وأنت نايــم ماحسيت فيه )
ما أجملها منذ ذكريات
وجائت الحاضرة ومعها شخصيات اخرى
كالطنطل وحمارة القايلــة
شخصيات وهميّة لإخافتنا من حرص والدينا علينا
علشان مانطلع نتسكع
ــــ
وأرجع للموضوع الرئيسي
اللي طمرت الرصيف عنه ودخلت جو مع ذكرياتي الحلوه
وكالة يقولون
قالنا الله يمتعه بالصحة والعافية الفنان سعد الفرج
أن الديرة بتصير طبقاااات
يقصد مبانيها
وعمرانها كمشهد تمثيلي ساخر
لكن حصل ماتوقع الفرج
من وجه آخر
وصارت عندنا طبقات فعلا
برّه السور وداخل السور
وعيال البطن وعيال الظهــر
ومزدوجين وطراثيث
شرذمة كفانا الله شرهم عاثوا في بلدنا فسادا عنصريا مقيتا
و
و
و
و
ويا لييييييت ماضينــــا يعووووووووود
:باكي: