سؤال وجواب بيمع حق الزواج شلون؟

B

bujassim

عضو مميز
السلام عليكم

طبعا انا مطلق من فتره سنتين ونص تقريبا وماكملت بزواجي الا جم شهر
والحين نويت اتزوج مره ثانيه تدرون الواحد لي متى بيتم عزوبي وانا الحين عمري 27 قلت لازم من الحين افكر وخطط شلون لايروح علي العمر وقاعد جذيه عزابي

وعلي التزامات باقيها 14 سنه اخذتهم بظروف خاصه + زواج وغيره من امور

المهم يصفى من معاشي مابين 459- 350 على حسب الوضع

طبعا الاهل الله يسامحهم ما ساعدوني لان باعوا البيت و كل واحد فكر بنفسه

وانا الحين عندي 500 دينار من المنحه للحين ماجستها الحمدلله

وباجر بينزل المعاش وببدا اخش


بس شلون اصك على نفسي ؟

وجم الواحد يبيله حق الزواج

لان زواجي الاولي كلف 8000

وهالمره احتاج مثل هالمبلغ أو اكثر

تدرون الحين مافي اعادة جدولة او شي من هالقبيل حتى قرض المساند باليالله يعطوني 2000 دينار شسوي فيهم :confused:

والحل ؟


نبي واحد مجرب او يفيدني

بس من غير تجريح وخصوصا منزل الموضوع تالي الليل لاني موناقص هم وعوار راس

ابي احد يعطيني حل وفكره حلوه ويفيدني أو مجرب
 
ترتيب حسب التاريخ ترتيب حسب الأصوات
B

bujassim

عضو مميز
لا ياجماعه انا ريال انشالله ناوي ومازلت افكر بالكويتيه

ولو ادري ببعضهم والتجربه اللي مرت علي انهم دلوعات ومايتحملون المسؤولية
لو فعلا دورت ومالقيت مومشكلة ادورلي بنت من اي بلد عربي مسلمه على الاقل هذولاك فعلا يبون زواج صجي لادلع ولا شي ولايمكن افكر بوحده بدوله اجنبيه انسانه عربيه وبس

بس موهذا الموضوع

الموضوع اهو ميزانيه وبس :)
 
تأييد 0 تصويت سلبي
خ

خالد جاسم الم

عضو بلاتيني
أخي الكريم

على قولة المثل السوري .. ( كبرها بتكبر ... صغرها ابتصغر )

شخصيا تزوجت و أنا طالب و زوجتي طالبة سنة 97 و توضقت بعد الزواج بسنة و تدوبلت اعانة الجامعة لاني متزوج وصارت 200 و بدل الايجار 100

و مأجر شقة ب 150 دينار ... و قصد سيارتي 80 على الوالد

و مشت الامور على أحسن مما يكون و ما تسلفت من أحد

مهرها كان 4000 من الاهل هي و من عائلة كويتية قحة ... مثلي

تلقى كويتيات أصيلات ما يهمهم الا الريال السنع و الرجل المفروض كذلك ما تهمه الامور الزايده

و كلها 50 سنة ( بالغالب ) و تقوم قيامتك الصغرها و تفنقش و بعيدن تخلد بالجنة برحمة الله عز وجل أو تعذب بذنوبك و بعدين تدشها ..

أول و أهم شيئ للتوفيق بزواجك و كل حياتك أن تضعل كل شيئ بميزان الدين و هل الله سيرضى من عملك.. أي عمل ... أولا لا .... وهل في شيئ أكثر أجرا , احب الى الله ... أم لا

و احفظ الله يحفظك

فاعقلها و توكل و مد اريولك على قد الحافك
 
تأييد 0 تصويت سلبي
ا

(ابو عبدالرحمن)

عضو فعال
لانك عزوبي حاول ان مصروفك الاسبوعي مايزيد عن 30 دينار
ميخالف لازم تحاول لتحقيق هدفك
يعني مصروفك الشهري 120 دينار-450=330
قول 300
300*24 شهر(سنتين)=7200دينار

الموضوع يبيله نفس طويل بس مو مستحيل
اعقلها وتوكل​
 
تأييد 0 تصويت سلبي
ع

.. عصآمية *

عضو مخضرم
والله الحكومة لازم تشوف حل

مفروض تعين الشباب بالمهور ، حتى لو كان زواج ثاني ! << بشرط الطلاق من الاولى

لان حرام الواحد يتدبس صج !!

الله يعينك و يعطيك من خيره ،

قال صلى الله عليه و سلم : ما نقص مال من صدقة

عليك بالصدقة
 
تأييد 0 تصويت سلبي
A

abo_ahmad_k

عضو مميز
bujassim قال:
حبيبي الريال يبي الزوجة الصالحة اللي تحافظ على بيته وعياله وتصونه

لو هالمواصفات موفيها ليش ارجع لها ؟ اهي اللي ماتبي موانا

انا ريال ابي اتزوج مابي من بنات واي وأمبيه وقطيعه وبرستيجي مايسمحلي 24 ساعه لازم اسكن في فيلا على البحر ولازم كل سيف الوح جنيف واستلاليا وجزر كاريبي مثل صديقتي وطلبات تكسر الظهر عبالها الزواج سفرات ووناسه بس :confused:

عموما الله يستر على بنات الديره :)

وكل واحد يرزقه على قد نيته



انشالله مشكور على هالنصيحة الذهبية
أنقر للتوسيع...


في مثل يقولونه الشيبان الفرس على خيالها والمره على رجالها :)

والزوجه ان مارضت تعيش على قد معاش زوجها لا تستحق ان تكون زوجه :)
 
تأييد 0 تصويت سلبي
ب

بكل صـراحة

عضو
صك على نفسك ووفر 200 دينار شهريا حولها على حساب توفير ولاتحوشهم

200 دينار في 24 شهر = 4800 + الخمسمية الي موفرتها = 5300

المهر 4000 والحين شكثر بنات يتزوجون بهالمهر وبدويات بعد مع انه البدويات الاعلى مهرا ومع ذلك في منهم من تتزوج بهلمهر واشرط ماكو عرس واذا تبي هي عرس كيفها تسوي عرس على حسابها شكثر ناس يسوون جذي وفهمهم انك رجال على قد حالك وخل اهلك يصارحون اهل البنت بالخطبة وقبل الملجة بوضعك المادي والي تتشرط عاد تبي مهر شي وشويات وتبي عرس وهالخرابيط ماتشوف شر غيرها شكثر بنات يدورون الستر ويرضون بأقل القليل ودورلك مرة موظفة تشيل عمرها واخذ وحدة مقاربة لعمرك تكون طاخة وراكدة وتدور الستر وطلباتها قليلة يعني بو 25 الى 30 سنة وترى بنات الحلال واجد

يبقى عندك 1300 دينار وبما انك مطلق فيعني شقتك موجودة وجاهزة ومأثثة بس بدل اثاث غرفة النوم اخذ غرفة نوم بسيطة من ايكيا ماتتعدى ال 700 دينار تلقى شكثر بايكيا بهالسعر واقل يصفالك 600 دينار مش حالك فيهم سو فيهم عشا للرجاجيل وكان الله غفور رحيم واما المعاش بعد الزواج فلاتحاتي كل ولد يجي يجي معاه رزقه والحمدلله الله يديم العز بالكويت كل ولد يجي تجي معاه اعانته غير العلاوة الاجتماعية الي بتجيك يعني لاتحاتي من هالناحية خصوصا وانك بتاخذ موظفة يعني مفتك من طلباتها هي تشيل عمرها وانت بس عليك ماجلة البيت وحاجات العيال وحاول تحسن دخلك من خلال البحث عن مصدر رزق ثاني يدخلك جم فلس كل شهر
 
تأييد 0 تصويت سلبي
د

دسمان

عضو مميز
نصيحتي لا تاخذ كويتية اذا تبي توفر وعندك التزامات والله راح تعاني حتى لو متدينة الا من رحم ربي
كلها تذكرة 200 دينار على التركية للبوسنة وتاخذلك بوسنية مسلمة حافظة للقرآن ما تبي الا الستر ومهرها 500 دينار ولا تفكر تجمع فلوس ولا شي
وفوق هذا بيتوتية ما تطلع وما تعرف احد وما تثقل عليك وتقول رفيجتي فلانة تبي هدية نزالة ورفيجتي علانة تبي هدية توها طلعت من الاربعين واذا حملت ابي اولد بمستشفى رويال حيات وانت تدفع ويطلع عليك الداس !!
واذا مصمل بعطيك رقم بوسني عالخاص يجيبلك احسن بنية من احسن عايلة في سراييفو وضواحيها
 
تأييد 0 تصويت سلبي
B

bujassim

عضو مميز
دسمان قال:
نصيحتي لا تاخذ كويتية اذا تبي توفر وعندك التزامات والله راح تعاني حتى لو متدينة الا من رحم ربي
كلها تذكرة 200 دينار على التركية للبوسنة وتاخذلك بوسنية مسلمة حافظة للقرآن ما تبي الا الستر ومهرها 500 دينار ولا تفكر تجمع فلوس ولا شي
وفوق هذا بيتوتية ما تطلع وما تعرف احد وما تثقل عليك وتقول رفيجتي فلانة تبي هدية نزالة ورفيجتي علانة تبي هدية توها طلعت من الاربعين واذا حملت ابي اولد بمستشفى رويال حيات وانت تدفع ويطلع عليك الداس !!
واذا مصمل بعطيك رقم بوسني عالخاص يجيبلك احسن بنية من احسن عايلة في سراييفو وضواحيها
أنقر للتوسيع...

لا ياخوي خل نشوف نصيبنا بالكويت عل وعسى ربي يكتبلي نصيب


بخصوص اني اخذ اجنبيه هذا اخر شي افكر فيه
 
تأييد 0 تصويت سلبي
م

منحاش من الانعاش

عضو
دسمان قال:
نصيحتي لا تاخذ كويتية اذا تبي توفر وعندك التزامات والله راح تعاني حتى لو متدينة الا من رحم ربي
كلها تذكرة 200 دينار على التركية للبوسنة وتاخذلك بوسنية مسلمة حافظة للقرآن ما تبي الا الستر ومهرها 500 دينار ولا تفكر تجمع فلوس ولا شي
وفوق هذا بيتوتية ما تطلع وما تعرف احد وما تثقل عليك وتقول رفيجتي فلانة تبي هدية نزالة ورفيجتي علانة تبي هدية توها طلعت من الاربعين واذا حملت ابي اولد بمستشفى رويال حيات وانت تدفع ويطلع عليك الداس !!
واذا مصمل بعطيك رقم بوسني عالخاص يجيبلك احسن بنية من احسن عايلة في سراييفو وضواحيها
أنقر للتوسيع...

دزلي رقم الرجال ابي زوجه تعيني على الدين والدنيا
 
تأييد 0 تصويت سلبي
د

دسمان

عضو مميز
bujassim قال:
لا ياخوي خل نشوف نصيبنا بالكويت عل وعسى ربي يكتبلي نصيب


بخصوص اني اخذ اجنبيه هذا اخر شي افكر فيه
أنقر للتوسيع...

المشكلة الكويتية لو تشوف واحد معاشه يصفاله 300 او 400 دينار وعليه قرض ما توافق وراح تتعب نفسيا حتى لو رضت فيك
القوانين اهني ما تشجع على الزواج وبنات الحين مو نفس بنات قبل اغلبهم من جيل الماك تشيكن
اذا منحد على كويتية خذ مطلقة وعندها عيال لانهم يرضون
ترا مهر الكويتية ما تقل عن 3 الاف الى 4 الاف وفوق هذا لازم تكرمها بشبكه وعرس ما صار ولا استوى وتأثث الشقة واجار الشقة كله عليك يعني 10 الاف دينار
نصيحتي تزوج من بره او خذلك بحرينية من ال4 الاف عايلة اللي هاجروا الكويت عشان تسوون مظاهرة بدوار البدع لوووول
 
تأييد 0 تصويت سلبي
س

سنـين التّيــــهـ..

عضو بلاتيني
دسمان قال:
نصيحتي لا تاخذ كويتية اذا تبي توفر وعندك التزامات والله راح تعاني حتى لو متدينة الا من رحم ربي
كلها تذكرة 200 دينار على التركية للبوسنة وتاخذلك بوسنية مسلمة حافظة للقرآن ما تبي الا الستر ومهرها 500 دينار ولا تفكر تجمع فلوس ولا شي
وفوق هذا بيتوتية ما تطلع وما تعرف احد وما تثقل عليك وتقول رفيجتي فلانة تبي هدية نزالة ورفيجتي علانة تبي هدية توها طلعت من الاربعين واذا حملت ابي اولد بمستشفى رويال حيات وانت تدفع ويطلع عليك الداس !!
واذا مصمل بعطيك رقم بوسني عالخاص يجيبلك احسن بنية من احسن عايلة في سراييفو وضواحيها
أنقر للتوسيع...


يا خوي لايصير تفكيرك حيييييل مادي..

تخلي الكويتيه..وتاخذك اجنبيه..

تخلي بنت ديرتك...؟

في بنات مايهتمون بالمظاهر...ويبون الستر..

ما فكر بالعيال شلون بيطلون..

مافكرت نظرت الناس لهم باجر..

والعرق ترا دساس..ياخوي..

اخذلك وحده تعرفها امك او اختك عز المعرفه..

الفلوس تروح وتجي..هذي وصخ دنيا..مانتحسف عليها

اهم شي الذريه الصالحه..
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى