الى الاخوة المحترمين في هذا المنتدى الرائع
ماتشوفون انكم عطيتوا موضوع قيادة المرأه السعوديه للسياره اكثر واكبر من حجمه
ياجماعة الخير الموضوع ما يستاهل كل هالتشنج من الطرح
وعتبي على الاخوان سلطان زماني وانشكاحي وBMW
على مناقشتهم لاختنا ياصغير ما يكبرني لقب
لان النهاية ستكون من صالحها
فهي تتكلم عن امور تخصهم بالدرجه الاولى
حنا وش دخلنا ندخل في جدال مع اخواننا في المملكه
امورهم هم يحلونها مع بعض
الحريم ساقن ،،، عليهم بالعافيه
ما ساقن ،،، مايشوفن شر
وش دخلنا ككويتيين
الاخوان في المملكه يتبعون ولي امرهم
خادم الحرمين
عسى الله يحفظه
وهو صاحب القرار الاول والاخير
واذا سمح للمرأه انها تسوق
ذيك الساعه اللي تبي تقعد في بيتها والا تركب السياره
ماعلينا منها وما تشوف شر ان شاءالله
وعسى الله يحفظها
وعلينا جميعا الترفع عن الحوار الهابط
مثل كلام الاخ انشكاحي
للاخت ياصغير ما يكبرني لقب
بقوله لها
،،انتي غير محترمه،،
والاخر يقول هي مسألة عناد لا أكثر ولا اقل
فوالله الذي لا اله الا هو
لم اجد في كلامها مايسيء لأي شخص او يسيء لبلدنا
ولم اجد اي عناد في كلامها
وهل تكون غير محترمه لانها تخالف البعض بتوجهاتهم وافكارهم
اتمنى انها زلة لسان من الاخ انشكاحي
فهو رجل محترم وله كل الاحترام
ونقول زلة وعند رفيج
بعدين
هي وجهة نظر للكل
ولكن الموضوع شأن خاص بالسعوديه
ويجب علينا احترام وجهة نظرها ونظر غالبية الشعب السعودي
لان غالبية اللي نقعد معهم من اخواننا السعوديين رافضين الفكره هذي مرّه
تساؤل محيّر جدا
الكل منا يرفض تدخل الاخرين بالشأن الخاص فيه
و البعض يحب ان يحشر نفسه بأمور الاخرين
اليست مفارقه عجيبه
لنتق الله جميعا
ومن يتق الله يجعل له مخرجا
ودمتم بود