سؤال وجواب فار كبير في البيت موراضي يموت

[kuw112]

فار كبير في البيت موراضي يموت

السلام عليكم

يخوان ابي حل لهاذا العله موراضي يفج عني ، بالبيت تحديدا مخزن السخان الماي المخفي فوق يكرم القاري الحمام ودائما اسمع صوت من الجبس بورد حركات الفار الكبير وهو له اسم بس ناسيه ، دخلت من فتحه صغيره فليت ورشيت مو راضي يموت ودائما مزعجني منذو شهر ، والثاني يطلطل من فوق الدوانية في فتره الليل وموقادر امسكه وعن نفسي خايف ماهو الحل للقضاء على فيران الكبيره مع العلم منتشره بمنطقه جابر العلي بكثره وهل هو يضر الانسان وماهو اكله


وشكرا 

 

[العارضيه سيتي]

اموووووت خوف من الزهيوي..

فما بالك ابوالعريص اللي ماعمري شفته وان شالله مااشوفه..

"...ابو العريص يعني ذكر الفيران..ترا جد اسأل..؟​

هذا سلمج الله فار بس على شكل لموزين
بس ابو العريص خطير. جداً خصوصا على الاطفال سجلت حالات. عض ونقلت لأمراض الساريه للتأكد من عدم انتقال فايرس
 

 

[شاطىء الأمان]

البعوض
يوضع النعناع بجانب الوسادة.

النمل
صابون حجرة زيت الزيتون+0.5 ل ماء + ملعقة إبزار ،عندما يغلي الماء نضيف له الصابون و الإبزارحتى
يذوب الكل ،ثم نخلط ملعقة صغيرة من الخليط في 50مل ماء ويرش بها.
اقوى طارد للنمل السمسم

العناكب
شبة مدقوقة تذاب في الماء و توضع في رشاش.

الصراصير
ملعقة كبيرة سكر+ملعقتان دقيق+ملعقتان حليب بودرة +ملعقتان حمض الفوليك يباع في الصيدلية+ماء،
تكور كويرات صغار و توضع في الأماكن الرطبة الممكنة ان يتواجد فيها.

الفئران والجرذان
عشبة البابونج توضع في الأماكن الموجود فيها.

الأفاعي
تبخر الدار بقشور الرمان.



البق و القمل و الباغيث
الحبة السوداء مطحونة و تغلى في قليل من الماء و يرش بها.

الذباب
ليمونة(حامضة)تقسم أطراف وتغرس فيها أعواد القرنفل
البيض قشرته تطحن ويرش على النباتات يذهب الحشرات عنها


رش الجنجلان في الثقب يذهب النمل ولا يخرج

وضع الريحان مع الفواكه يبعد الحشرات عنها
البراغيت ادا اردت القضاء عليها رش على المكان الدي به البراغيت بقليل من الخميرة او الثوم اخضر يزيله


الحامض يقطع وينثر في ارجاء المنزل يبعد النمل

تمسح ارضية المنزل بخل التفاح يبعد النمل






اتمنى الفائده للجميع​

 

[العارضيه سيتي]

فار كبير في البيت موراضي يموت

السلام عليكم

يخوان ابي حل لهاذا العله موراضي يفج عني ، بالبيت تحديدا مخزن السخان الماي المخفي فوق يكرم القاري الحمام ودائما اسمع صوت من الجبس بورد حركات الفار الكبير وهو له اسم بس ناسيه ، دخلت من فتحه صغيره فليت ورشيت مو راضي يموت ودائما مزعجني منذو شهر ، والثاني يطلطل من فوق الدوانية في فتره الليل وموقادر امسكه وعن نفسي خايف ماهو الحل للقضاء على فيران الكبيره مع العلم منتشره بمنطقه جابر العلي بكثره وهل هو يضر الانسان وماهو اكله


وشكرا 

الحل. الوحيد

ازرع الغام

لاتحارشه لانه يضر
اعتقد هناك حل عند البيطري تشتريه منه يقضي عليه
او. ام صجمه وتحط له اي شي فيه شكر بسكوت مثلا

 

[Meridian]

أقول تفاهم معاه أحسن من المشاكل
​

 

[كويتي وأحب السعوديه]

ههههههه الله يعينك اطلب من الحكومة مدد

 

[حمد-الراشد]

صحيح ملحوظ بالمنطقه انتشار القوارض بشكل ملحوظ قد يكون اهمل من اداره مكافحه القوارض بوزاره الصحه , اذكر قبل 6 سنوات كانت اداره ترش مبيدات للقوارض ولكنها بالاونه الاخيره انقطع عملهم مادري ماهو السبب

 

[مدريدي_ليفربولي]

بييييييييه ذكرتني يوم حديقتنا فيها دياي
الفيران صاروا اكثر من الدياي وكل واحد كبر القطوة وأسود يخرع و اللزقة ماتنفع وياه اذا لزقت فيه يوخرها
وما راحوا الا لما شلنا الدياي وانا كنت عايش بفلم رعب معاهم
الله لا يرد ذيج الايام

 

[Q8 1]

اخوي خذها مني من واقع تجربه كانوا مأذيني فيران بحديقة بيتي من كبرهم تقول أوادم وفيهم ​

ذكاء مو طبيعي ماينفع وياهم الا مصجمه من نوع قوي مثل (ديانا ) وحطله أكل وتقعدله قعده ​

وصخًه وبدون أي حركه، تلقاه يطلطل برويسه ،،حطها بين عيونه علي طول منسدح بمكانه ​

بس عاد يبيلها بواردي!!!​

هذا الى سويته عندى فى الاسطبل
ام صجمه واتصيدهم
وكل ماسدحت واحد يقوم الخادم يقطه يلحاويه برا < اجلكم الله

الشباب الى يقولون حط الصمغ هذا ماينفع مع بوالعريص لانه نشيط ويتخلص منه

اتذكر فى مصر شفته مكرش و يلحق قطو من رصيف لى رصيف
يخرب بيته جنه يقوله ولاااااااااا تعاااااااااااااالا ورينى حتعمل ايه
والقطو دازها حد الدعسه

 

[mr.3uidl]

هذا الى سويته عندى فى الاسطبل
ام صجمه واتصيدهم
وكل ماسدحت واحد يقوم الخادم يقطه يلحاويه برا < اجلكم الله

الشباب الى يقولون حط الصمغ هذا ماينفع مع بوالعريص لانه نشيط ويتخلص منه

اتذكر فى مصر شفته مكرش و يلحق قطو من رصيف لى رصيف
يخرب بيته جنه يقوله ولاااااااااا تعاااااااااااااالا ورينى حتعمل ايه
والقطو دازها حد الدعسه

ضحكتووني على سواالفكم هههههههههه

اتذكر تقريبن قبل سنتين في ابو عريض مجنن خوالي بالمزرعه ياكل فروخ الحمام عاد هم يدورونه ويتقعدووله عاد صادف بليل لقيناه والبندق ماخذه خالي ومافيه اله نباطة واحد من العيال وياخذها خالي ويحطها بخشمها لين طايح وميت

 

[المختصر المفيد]

أبو العريس يفتنن بتقرم خشوم النايمين أنا أبخصه زين سنعوه بسم جايد و الا اطرحه بسلاح ما أظن هالخسيس تطرحه ديانا الا ان نيشنت عليه بمنطقة قاتلة من قريب الله يفككم منه

 

[kuw112]

خوفتوني منه
ومشكورين ماقصرتوا
وأنا عندي أعيال وطلع صج بوعريس للحين موقادر أصيده والمرتي صارلها اسبوعين عند أهلها وقالت ماني راد البيت لما تصيده وتصوره
أنا رجل ليس بنت

 

[mr.3uidl]

خوفتوني منه
ومشكورين ماقصرتوا
وأنا عندي أعيال وطلع صج بوعريس للحين موقادر أصيده والمرتي صارلها اسبوعين عند أهلها وقالت ماني راد البيت لما تصيده وتصوره
أنا رجل ليس بنت

هههههههههههاي لو منك انتحر

تقعدله بليل و ان شاءالله تصيده

 

[Chartist]

اخوي عندي لك خلطه ( مجربه)
اتحطله خلطه طحين ( المطاحن) مع جبس ( بناء) وتخلطهم مع بعض لكن نسبه الجبس اكثر بشويه
المهم تخلطه وتحط يمه طاسه ماي
- راح ياكل من هالخلطه وبعط ما ياكل راح يشرب ماي هذا طبيعه الجرذي
اذا اكل من هالوجبه وشرب ماي راح يموت لان الجبس علي طول بعد ساعه الخلطه بتصير مثل الحجر داخل معدته ويموت

شكرا  

 

[المختصر المفيد]

اخوي عندي لك خلطه ( مجربه)
اتحطله خلطه طحين ( المطاحن) مع جبس ( بناء) وتخلطهم مع بعض لكن نسبه الجبس اكثر بشويه
المهم تخلطه وتحط يمه طاسه ماي
- راح ياكل من هالخلطه وبعط ما ياكل راح يشرب ماي هذا طبيعه الجرذي
اذا اكل من هالوجبه وشرب ماي راح يموت لان الجبس علي طول بعد ساعه الخلطه بتصير مثل الحجر داخل معدته ويموت

شكرا  

ههههههههههههههههههههههههه

والله ما قدرت أمسك نفسي على انه جرذ بس كسر خاطري أحس إنه بيتلوع على ما يموت تكفى لا تسوونها ليته يذلف و يفكنا من هالخطط

الله يعطيك العافية

 

[mr.3uidl]

اخوي عندي لك خلطه ( مجربه)
اتحطله خلطه طحين ( المطاحن) مع جبس ( بناء) وتخلطهم مع بعض لكن نسبه الجبس اكثر بشويه
المهم تخلطه وتحط يمه طاسه ماي
- راح ياكل من هالخلطه وبعط ما ياكل راح يشرب ماي هذا طبيعه الجرذي
اذا اكل من هالوجبه وشرب ماي راح يموت لان الجبس علي طول بعد ساعه الخلطه بتصير مثل الحجر داخل معدته ويموت

شكرا  

خلطة جهنمية

احسدك على ذكائك

 

[العارضيه سيتي]

خلطة جهنمية

احسدك على ذكائك

هذه. يسوونها اهل الجواخير بس ديربالك. ترا قبل مايموت يرجع اللي اشربه في المكان اللي شرب منه. وعشان جذي اهل الجواخير مايخلون حلالهم او حيوناتهم يشربون من نفس المكان طبعا يمكن يلوثه
كانه ينتقم. سبحان الله

 

[q8gym]

يبيلك جيري ولو توم الي اصغر منه جننه ههههههههههههه

 

[افضفض]

ما فية حل الا طريقة وحدة اخذ بندق ام صجمة ونيشن عدل علا راس واذبحة وقوى قلبك

 

[kuw112]

نشكر الاخوان على تفاعل معى ...

اليوم وبصدفه اكتشفته انه يدخل مع المرزام المطر ومشكله المرزام له 4 منافذ وكل دور منفذ خاص لتصريف ماي السخان او الغسيل وهو مخفي داخل الديكور .

اين احصل على السم الاسود وحسب استعلامي عنه خطر للغايه ...

وحادثه ضريفه حصلت معاي امس , كان الوقت الساعه 1 ونص ليلا , اسمع اصوات مثل حفر بالجبس البورد , وانا من كثر متنرفز منه , وقلت يا أنا يا بوعريص بالبيت , وفزيت من افراشي وفتحت فتحه الخاصه للسخان وشفته وهرب بوعريص الى دور الثالث عبر نفق الخدمات ..

 

[.. عصآمية *]

اخوي عندي لك خلطه ( مجربه)
اتحطله خلطه طحين ( المطاحن) مع جبس ( بناء) وتخلطهم مع بعض لكن نسبه الجبس اكثر بشويه
المهم تخلطه وتحط يمه طاسه ماي
- راح ياكل من هالخلطه وبعط ما ياكل راح يشرب ماي هذا طبيعه الجرذي
اذا اكل من هالوجبه وشرب ماي راح يموت لان الجبس علي طول بعد ساعه الخلطه بتصير مثل الحجر داخل معدته ويموت

شكرا

لآآآآآ حرآآآم لآ تسوي هـ آلطريقة :باكي:

جيب وآحد يصيد هالشغلآت و خل يصيده