ياحكومه الكويتي عاوز لحمه

[ساهر الليل]

اخوي بسطويسي احنا صار لنا تقريبا 7 سنوات واحنا من ازمه في ازمه

اللحم يهون

الحين نبي السلامه على المعيش

انا اقول مدام الانتخابات على الابواب

اقترح على المرشحين يوزعون لحم عربي على الناخبين اذا يبون ينجحون في الانتخابات

وانا اول واحد اصوت للمرشح اللي يوزع لهمم ههههههههه

 

[بسطويسي]

الموضوع قديم وتم رفعه من الاخ معاذ يقول الاسترالي بخمسين دينار
زيدهم 15 واخذ مهجن او زيدهم 30 واخذ عربي
خلاص عود نفسك على هالاسعار والا قزرها دجاج

 

[معاذ]

الموضوع قديم وتم رفعه من الاخ معاذ يقول الاسترالي بخمسين دينار
زيدهم 15 واخذ مهجن او زيدهم 30 واخذ عربي
خلاص عود نفسك على هالاسعار والا قزرها دجاج

والله يا بسيوطي انا انصدمت وانا متصل الصبح اطلب خاروف قالي السعر اتغير صار ٥٠ والخاروف vip ٦٥ دينار قلت خلني احط حرتي بالمنتدي ابي افرغ اللي بقلبي

 

[بسطويسي]

جرب اشتر دجاجه حيه ولفها بصوف خروف وقطها بالجدر واطبخها وقص على نفسك ان لحم خروف
ترا المسأله نفسيه فقط

 

[نجلآء]

بسطويسي رح لحفر الباطن خذلك كم راس

تلقاهن يستقبلنك بالاحضان وبتراب البلاش ​

 

[بن بطوطه]

سوال

كم اسعار المواشي بالخليج ؟ الاسترالي والعربي

 

[معاذ]

سوال

كم اسعار المواشي بالخليج ؟ الاسترالي والعربي

بالخليج ما ادري بس انا قبل ثلاث اسابيع طالبه من المواشي ٢٣ دينار قبل يومين انصدمت السعر صار ٥٠ دينار

 

[سهار]

التيس الباكستاني في مجمع 360 ب 18 دينار
بالسوق المركزي تحت كل فتره اخذ 5 او 6 تيوس

 

[نيو كلير]

والله يا بسيوطي انا انصدمت وانا متصل الصبح اطلب خاروف قالي السعر اتغير صار ٥٠ والخاروف vip ٦٥ دينار قلت خلني احط حرتي بالمنتدي ابي افرغ اللي بقلبي

اسعار جدا زينه مقارنة باللي عندنا في السعوديه 1400 ريال

 

[sharifmakka]

سبحان الله عندنا في السعودية من 1200 الى 1500 يعني اغلى من السوق الكويتي بواجد وانتم الله يهديكم تشتكون من الاسعار !!​

 

[العثماني]

موضوع 100 %

 

[ام الخير100]

اخواني مو لازم كل يوم لحم او دجاج شوفوا بعمر الخمسين تجيك امراض الخشونه والمفاصل والكلوسترول ...خلوا الاكل متنوع طوال الاسبوع يوم سمك ويوم ربيان ويوم مكرونه ويوم عدس ويوم موش ويوم سبانخ او فاصوليا .مقلوبه خضرة  او اي صنف اخر وماشيه على هالطريقه وما اغير الا اذا كانت عندي عزيمه . 
وبجذي تكسب صحتك وتكسب فلوسك

 

[أبو مشعل]

الاخوان الي من السعوديه يقولون ان اسعارهم اعلا من اسعارنا

طبعا المقارنه كانت بين استرالي بالكويت وعربي بالسعوديه

ان جت المقارنه على العربي عندنا وعندكم نعطيكم اربعه صفر ونرجع خسارتنا منكم ببطوله العرب

 

[أبو مشعل]

الحين الي يجيله ولد اول مايفكر فيه التمايم .. يتسلف ولا يسوي باللجان الخيريه

 

[H M R]

استغرب من ان فيه مواطن كويتي يشتكي من غلاء الأسعار ...!!!

السكان بالكويت قليل والحكومه تدعم المواد الغذائية ولديكم جمعيات تساعد المواطن على التسوق...

بعكس ما هو موجود عندنا سكان فوق ال25 مليون ورواتب لا تقارن برواتب الكويتيين

واسعار مرتفعه جدا ...

أنا معلم والله والله اجلس بالشهور ما اقدر اخذ خروف اسعار الغنم طارت لدرجه جنونيه

هل يعقل خروف 1500 او 1700ريال....!!!

انا اقول احمدوا الله على النعمه اللي انتم عايشين فيها يا اهل الكويت ...

تحياتي للجميع,,,

 

[بسطويسي]

الحين الي يجيله ولد اول مايفكر فيه التمايم .. يتسلف ولا يسوي باللجان الخيريه

________________________________________
الاخوان بالمملكه يشكون من الغلاء المشكله ان حملاتكم ضد التجار ناجحه
وحنا تعلمناها منكم يعني بيدكم تغيرون الوضع حمله وحده تخلون التاجر يشحذ علف الغنم



_______________________________________

نجلاء تبيني اروح للحفر والغنم هناك توصل 1500 ريال!!
الظاهر عندج حلال بالحفر وبتصرفينه علي
دزي لنا ذبيحه بالدي اتش ال وان شاء الله نصير من زباينكم​

 

[نجلآء]

بسطويسي هههههههههههه

ايه عندي حوش غنم وطايح حظي مامشن قلت اسوق لهن

لا بس اشوف اهلي اذا صار عندهم مناسبه واحتاجوا ذبايح معاملين واحد بحفر الباطن مع توصيل مجاني خخخ

يقولون ارخص ، بس طلعتو بالكويت لحمكم ارخص من لحمنا بوس ايدك مقلوبه يا بسطويسي يا قدع

وش لك باللحم والكولسترول انا ماشفت الصحه الا يوم اطلقت اللحم

 

[معاذ]

استغرب من ان فيه مواطن كويتي يشتكي من غلاء الأسعار ...!!!

السكان بالكويت قليل والحكومه تدعم المواد الغذائية ولديكم جمعيات تساعد المواطن على التسوق...

بعكس ما هو موجود عندنا سكان فوق ال25 مليون ورواتب لا تقارن برواتب الكويتيين

واسعار مرتفعه جدا ...

أنا معلم والله والله اجلس بالشهور ما اقدر اخذ خروف اسعار الغنم طارت لدرجه جنونيه

هل يعقل خروف 1500 او 1700ريال....!!!

انا اقول احمدوا الله على النعمه اللي انتم عايشين فيها يا اهل الكويت ...

تحياتي للجميع,,,

يا حبيبي انتم لا عندكم غلا ولا شي وعارفين اسعاركم وثانيا احنا نتكلم عن الاسترالي وانتم ما عندكم استرالي ثانيا انتم البيبسي عندكم بريال وعندنا ١٥٠ فلس دبل سعركم ثانيا كل شي عندكم رخيص وارخص من الكويت وانتم ارخص شي عندكم اصلا الاكل وتتشكي يا حبيبي حليب الكي دي دي عندنا بالكويت اغلي من عندكم مرتين انا شارية بمايعادل ٧٥ فلس بالسعودية والمطاعم حتي الكمبيوترات انتم ارخص كمبيوتر لابتوب بالكويت ماك برو ٣٢٠ دينار بكويت ٥٨٠ دينار انا اشك انك سعودي اساسا احنا مو سعودين ونعرف الاسعار احسن منك

 

[كعضول]

مو بس الأسعار ارتفعت

الطليان هم اختلف طعمهم مو نفس أول

لاعبين فيهم لعب

 

[معاذ]

إذا لم تجد عدلاً في محكمة الدنيا فارفع ملفك لمحكمة الآخرة فإن الشهود ملائكة، والدعوى محفوظة، والقاضي أحكم الحاكمين والله ينتقم منكم يا مسؤلين الفلس انترنت سكة ومحدد السرعة ٢ قيقا واغلي من دول العالم كل زيادة تنزل يزيدون الاسعار دبلات الجمعيات غاليه الديرة بكبرها غالية المعاش يالله يكفي عشرين يوم حتي الخدم صارت اسعارهم ٨٠٠ الي الف دينار وتنحاش تشتغل بره بعد ما تنتهي الكفالة لا واذا مسكوها علي حسابي اسفرها ٢٥٠ دينار والمكتب اللي ماخذ مني الف دينار طالع منها لا حول ولا قوة الا بالله .