على طاري السفر ولعشاق السفر البري :
كم مرة في سفرة في طرق المملكة الحبيبة يكبسلي واحد ويحرقني بالعالي
وبكل خباثة ما يكبس إلا لما يقرب مني لين يخليني في غشاوة وظلمة –مدري شللي قدامي ---والله يستر
ليش البعض في الطرق البرية يسوي هالشكل ومثل ما يقول احبابنا السعاودة على وزن الكوايتة ليش كذا
مرة قاعد أسولف مع واحد من الربع عن هذا الأمر فقال لي : تدري ليش يكبسون ؟
قلت :ليش ؟
قال : علشان يشوفونك صاحي وإلا نايم !!!!!
يا سلام سلم !
حضرته يحرقني بالعالي وآآ آخ إذا كان غاز بعد علشان يشوفني نايم وإلالا
لا يمعود ( على قولة الكوايتة ) خلني نايم أحسن
والله مرات بسفراتي البرية قبل ما تقرب مني السيارة الثانية إلا يدي على الليت –نحن جاهز حالا !!
وبعدين –البعض الله يهديه --والله إني ماني مشغل العالي وهو ما غير يكبس لي حسباله إني شاب العالي ومعانده وليت سيارتي ماشاء الله قوي من وكالته:إستحسان: ----ويقعد يكبس يكبس لين تطلع روح سيارته الهايلكس ويقعد يبلشني ---شسوي بعد -- يبيني أصيح له في الظلمة وهو بعد كيلو عني وانقز من السيارة وأعلمه واقول له والله والله مو مشغل العالي يا غالي وأقوله نشيدة من معلقتي في الأسفار :
يا غالي يا غالي والله مومشغل العالي
يا غالي يا غالي وخر لا أحطك في بالي
لا تحدني أشغل العالي وإن شغلت خليتك في الرمالي
الله يعينا على التكبيس والكبسات