كاسك يا وطن
عضو بلاتيني
1- ليش صرنا انشوف اشكال غريبه .. في ساحة الاراده ..
ومن لبسهم ايبين انهم من دول مجاوره ؟
2- ليش السلف يعيشون في تناقضون ؟ بالوقت اللي يشوفون فيه عدم الخروج من ولي الامر ؟ نلقاهم يتسابقون في ساحة الاراده ؟
3- ليش في ناس يعتبرون الكويت دوله مؤقته ؟
ياخذون منها التموين ويروحون يبيعونه بدول مجاوره ؟
4- ليش محد فتح تحقيق بخصوص سقوط قطعة الرخام من مجلس الامه قبيل وصول الامير حفظه الله ورعاه ..؟
5- ليش الايرانين قاعدين يشنون - حرب - الكترونيه على الكويت ..
واخترقوا موقع الاسكان عشان شنو ؟
عشان اسم ( الخليج الفارسي )
اذا الحرب الالكترونيه بلشت .. طيب متى حرب السلاح ؟
** يا اخي سموه خليج المسلمين عشان الطرفين يرتاحون ! **
6- ليش صرنا انشوف ان الروبيضات يتحكمون بمستقبل اعيالنا ؟
7- ليش الاطفال في المدارس الحكوميه صاروا يرددون بالمدارس ( الشعب يريد اسقاط النظام ) ..
8- ليش صرنا انشوف الوقاحه بالاعلانات .. يطلبون بنات ؟
9- ليش في ناس حسبالهم ان اللي يربي لحيه ؟
يعني اهو الانسان النزيه مخلوق من نور وكأنهم نازلين من البيت المعمور من السماء السابعه ؟
10 - ليش صارت قمة الوقاحه ان بعد مرور 20 سنه على الغزو - العراقي - الغاشم .. انشوف مثل هالاعلان الماصخ بجريده محليه ؟
11- ليش قمة الغرابه بالكويت ؟ ان المحامين اللي يدافعون عن الخونه والحكومه المؤقته بالغزو؟
صاروا اعلاميين بارزيين ؟ ويتكلمون عن الوطنيه بقناة الوثن !
12- ليش الاضراب صار بكل مكان بالكويت .. لدرجه انها صارت هايد بارك العرب .. مظاهرات مسانده لسوريا وليبيا واليمن
واذا البدون رفع العلم مع صورة الامير .. والقرآن ؟ دزولهم القوات الخاصه ..
** ماكو فايده ، حتى لو رفعت التوراه .. والانجيل .. والقرآن **
13- ليش انشوف ان الآيه انعكست بالكويت .. لدرجه صرنا انشوف شباب يلبسون دشاديش ورديه .. وبنات يلبسون غتر وعقل !
14- ليش الكويتين ملوا ووصل فيهم الحال انهم بسطوا بساحة الاراده ؟
ومعاهم قهوتهم وشاييهم ..
والكويت مثل ما اهي .. ما تغير فيها شي ..!
15- ليش قمنا انشوف العبط بالاعلانات ..؟
16- ليش النصب والاحتيال صاير من التجار بالكويت .. بس على الناس الفقاره المساكين ؟
17- ليش الكويت لها حوبه ؟ من قال ادخل الجيش والشرطه والحرس الوطني .. بداخل الدوله ..
من ثاني يوم ؟ طاح مريض ؟
18- ليش احس ان الكويت قاعده تسترجع ايام دواويين الاثنين ؟
19- ليش قمنا انشوف وقاحه من اعضاء مجلس الامه ؟
ليش .. وليش ..
مليون ليش ببالي ..
وللحين ما لقيت الاجابه ..
اللي يعرف الاجابه ؟ لا يبخل علينا ..!
تحياتي لكم ..
كاسك يا وطن