سؤال وجواب أحسن منطقة للمخيم العائلي في الكويت ؟

[شمري كويتي]

شنو احسن منطقة احط فيها مخيم

احسن مكان للتخييم في الكويت

سواء كان في شمال او جنوب البلاد

ماتفرق معاي المسافة

حتى لو على الحدود

مع توضيح الاسباب وليش اخترت هذي المنطقة للتخييم​

 

[العفار]

في النويصيب عند المركز احسن مكان فيه سعه بين المخيمات واغلب الي يخيمون اهناك عوائل او في الصبيه اما عن الاسباب هي البعد عن المصابن وازعاجهم وثاني شي المخيمات بعيده عن بعض وتاخذ راحتك

 

[مواطن طبيعي]

التخييم ممنوع في اغلب الاماكن



ماعندك مزرعه أو شاليه أو جاخور



لا يحق لك الاستمتاع بالجو الجميل



اجلس في بيتك وادفع الاقساط اللي عليك

 

[شمري كويتي]

منو قال ممنوع

التخييم مسموح في الفترة من 1-11-2011

الى 31-3-2012

هذي فترة التخييم المحددة من البلدية​

 

[مواطن طبيعي]

اهداء لك اخوي شمري كويتي


http://www.youtube.com/watch?v=aCfHgyTAaco&feature=player_embedded#!

 

[feed.back]

شنو احسن منطقة احط فيها مخيم

احسن مكان للتخييم في الكويت

سواء كان في شمال او جنوب البلاد

ماتفرق معاي المسافة

حتى لو على الحدود

مع توضيح الاسباب وليش اخترت هذي المنطقة للتخييم​

مراح يمديك الحين بالشمال لان اغلب المناطق صار ممنوع التخيم فيها بسبب عسكري او غيره

والجنوب اذا رايح مع اهلك وخر عن جليعة وشارع البقالات ..وبنيدر الحين مو اقل سوؤ بسبة البلاوي

احنا هالسنه خيمنا عقب ام الهيمان عند المحول ..المكان حلو وجميل واغلبه عوائل

وحاضر بالخدمة

وموفق خير

 

[رافع الراية]

الله يعينكم يالكويتيين

ماتقدرون تخيمون بالبر ولا على البحر

 

[الكتالوني]

انا اقول احسن شي تآجر مزرعه وتاخذ اهلك
احسن واستر من سكارى الجليعه وعموما المخيميات كلها صارت سشمه
والله المستعان

 

[شمري كويتي]

انا اقول احسن شي تآجر مزرعه وتاخذ اهلك
احسن واستر من سكارى الجليعه وعموما المخيميات كلها صارت سشمه
والله المستعان

شنو صارت شسمه وضح ؟

هل تقصد مخيمات فساد

مو كل الشباب فاسدين

في شباب على خلق ودين​

 

[باقي هواك]

ماني مصدق

شمري مايعرف وين يخيم كبيره

لكن انا اعلمك احسن مكان للتخييم في رأي العبدلي عند كيلو 33 قبال البنزين مكان حلو وهادي خيمت فيه اكثر من اربع سنوات

او الصبيه بعد محمية الشيخ صباح وقبال البنزين بعد المنطقه المشبكة خيمت فيها 3 شنوات يازينها ذيك المنطقه اذا جا ربيع انشاء الله


ودمتم سالمين

 

[الكويت تاج راسي]

اتوقـــع الجليعـــه

 

[شمري كويتي]

اتوقـــع الجليعـــه

والله احترت وياكم يا ربعي

واحد يذم الجليعة والثاني يمدحها

ننطر ونشوف راي الاغلبية​

 

[الشعلي]

نصيحة أخ هج عن الجليعة ..

أفضل المواقع للمخيمات العائلية " الصبية بعد محمية صباح الأحمد حتى توصل لـ بوبيان ..منطقة مثالية للتخييم العائلي .. أو اللياح " الروضتين " طريق السالمي " العبدلية بعد جبد " ..

هذي أفضل المناطق العائلية للتخييم .. غالبيتها عوائل ونادرآ الشباب بهذي المناطق المذكورة ..

والله يسهل دربك ويستر عليك
​

 

[مواطن طبيعي]

انا اقول احسن شي تآجر مزرعه وتاخذ اهلك
احسن واستر من سكارى الجليعه وعموما المخيميات كلها صارت سشمه
والله المستعان

ياعمي شنو يأجر مزرعه !!!


منو المينون اللي بيقط 50 و 100 دينار باليوم على مزرعه ؟؟؟؟


البر واسع وجوه احلا من جو المزرعه وخيستها

 

[المايسترو]

يالشمري اخذ الكلام مني

افضل واهدا منطقه هي ((الرتقه))

منطقه تقل فيها المخيمات بسبب بعدها وارضها حلوه والمخيمات بعيده عن بعض حيل

 

[ابو فهد العنزي]

احلى شي الصبيه .
وبالنسبة للجليعه واماكن السكر ابي اقول شغله
وش عرف الايرانيين والعجم على البر وطلعته ؟ هزلت حتى الايرانيه يطلعون بران ؟
وللاسف هم شوهوا سمعة اهل البر ..
تعال للصبيه يا بعدي ونتشرف فيك انك تسير علينا عند مسجد ابو الفتوح
واذا نويت تجي راسلني على الخاص يا الشمري
دمت بود

 

[de novo]

انصحك بالعبدلي او الصبيه وكل ما بعدت كان احلي ولادق خيامك قريب من الدرب

 

[شمري كويتي]

انصحك بالعبدلي او الصبيه وكل ما بعدت كان احلي ولادق خيامك قريب من الدرب

ليش قلت لاتحط خيامك قريب من الشارع​

 

[ولد الشراطين]

شمري مايعرف وين يخيم كبيره

لكن انا اعلمك احسن مكان للتخييم في رأي العبدلي عند كيلو 33 قبال البنزين مكان حلو وهادي خيمت فيه اكثر من اربع سنوات

او الصبيه بعد محمية الشيخ صباح وقبال البنزين بعد المنطقه المشبكة خيمت فيها 3 شنوات يازينها ذيك المنطقه اذا جا ربيع انشاء الله


ودمتم سالمين

:إستحسان::إستحسان:100%:إستحسان::إستحسان::وردة:


طلعنــا جيــران بعد أســبوعين خيــام العائله عنــــدك جهــزلنا مكــان لاهنـــت :وردة:

 

[الكتالوني]

شنو صارت شسمه وضح ؟

هل تقصد مخيمات فساد

مو كل الشباب فاسدين

في شباب على خلق ودين​

ماتعرف شسمه