عسكر العنزي ساترشح بالثانيه بدال دميثير

[شوارزكوف]

اذهب يا قبيض الى المريخ تاريخ كله دنانير حرام

 

[وين نروح]

النائب السابق عسكر العنزي تدور حوله الشبهات في قضية الإيداعات المليونية ولا يوجد هناك أي حكم محكمه يدينه أو أي شئ يدينة سوى أقاويل مرسلة , أحب أن أنوه أن السيد عسكر العنزي كارت رابح أو حصان رابح , فهو له القدر على إقناع الناخبين بالمال أو بأسلوبه الخطابي إلى حد مقدرته بالتحكم بأصوات الناخبين بخصوص السينقل أو أعطاء أحد غيره ..

هو ملم باللعبة الإنتخابية رغم كل ما قلت ألا إنني لا أحب ادائة البرلماني فما دار حوله من شبهات جعلتني من أشد المعارضين لإعادة إنتخابة لدورة جديدة ...​

 

[ra3eeha1]

اشاعه ..................

 

[عبدالله الثامن]

من خرج من داره قل مقداره ؟​

 

[kwt.store]

انا اقوله وفر فلوووووسك
فالسقووووط حليفك

 

[ابو فهد الكويتي]

من خرج من داره قل مقداره ؟​

هذا اذا كان عنده مقدار​

إِنَّ الزَمانَ وَما يَفنى لَهُ عَجَبٌ ** أَبقى لَنا ذَنَباً وَاِستُؤصِلَ الراسُ​

 

[الفرنسى]

الكويت أمانه بأرقابنا فالنحافظ عليها يكفينا ماجانا من قبيضه وعسكر عارف نفسه أهل الرابعه حارقين كرته والصليبخات بياعين ورايح ينجح مع ان ولد عمي بس مايشرفني اتقواالله بكويتنا

 

[abuaziz95]

نزل عليه المهندسان عبدالله فهاد العنزي وولد منيزل العنزي
اللي يخليهم ويعطيه ما عنده سالفة

 

[azizX]

عسكر العنزي راح ينجح بالانتخابات

اول عسكر صحيح حكومي لكن له شعبيه قوي بالجهراء >> بسبب الامعاملات

علاج بالخارج توظيف نقل شغلات كثيرة

بس بتقول للناس ياجماعه هذا مايصير هذا يوقف مع الحكومه ضد الشعب

الناس الى الان مالها بالكلام هذا الحكومه معاملتك سليمه ومافيها شي توقف لازم عضو يمشيها لك

خلت الكويت كلها واسطه

وهذا السبب الي يخلي عسكر يفوز

 

[ليبرالي^^مستقل]

الظاهر عسكر السكر قرر ينزل بالثانيه لانه حسبها عدل
وقال بدال لا اشتري 10 تالاف صووت اشتري 3 تالاف بس والفين من مخلفات القميير ويدش المجلس حسبه تجاريه وراح توفر عليه

بس الي اعرفه انه القميير اعلن انه بينزل بالثانيه فأعتقد انه عسكر السكر راح ينزل بالرابعه ويشتغل تشري بأصوات هالحريم واشباه الرجال

والغالبيه الكاسحه من الي يصوتون حق عسكر والقميير ناس ضعاف نفوس ماعندهم كرامه ف مو فارقه معاهم

 

[شمري كويتي]

الكويت تناديكم

يا رجال الكويت

يا نساء الكويت

طهروا ارض الكويت من دنس القبيضة

وتذكروا حديث الرسول صلى الله عليه وسلم

لعن الله الراشي والمرتشي

مال الرشوة حرام

مال سحت ملعون اكله وموكله​

 

[ركز معآي]

انا عنزي وجهراوي وسبق وعلقت ان مجال نجاح هالقبيض عندنا شبه مستحيل ​

ودخوله بدل القبيض الثاني دميثير لسبب بسيط ​

خلف عندة حكم فدخوله السياسه عاد مستحيل​

واعتقد تم الاتفاق بين القبيضه لأستلام عسكر تركه خلف ​

لكن الرساله المبعوثثة منهم للناس ان صليبخات اضحت بالجيب واقدر اجيب اين كان وانجحه بالدائرة​

او ان هم بالجيبب لأعلى سعر​

بكلى الحالتين هي مصيبه​

:إستحسان::إستحسان:

 

[محمد الخريصي]

مايشم الصوت نهائي سكر...

 

[التركى]

اشاعه يا اخوان عسكر حجز مكانه المعتاد عند مطافى الجهراء ونازل بالرابعه
ارجو اغلاق الموضوع لاتسون دعايه للقبيضه

 

[شمري كويتي]

اتمنى له ( عدم التوفيق ) في الانتخابات​

وذلك لسواد صفحاته ​

اجمل تعليق قرأته في الموضوع​

 

[الشاهين]

عسكر العنزي راح ينجح بالانتخابات

اول عسكر صحيح حكومي لكن له شعبيه قوي بالجهراء >> بسبب الامعاملات

علاج بالخارج توظيف نقل شغلات كثيرة

بس بتقول للناس ياجماعه هذا مايصير هذا يوقف مع الحكومه ضد الشعب

الناس الى الان مالها بالكلام هذا الحكومه معاملتك سليمه ومافيها شي توقف لازم عضو يمشيها لك

خلت الكويت كلها واسطه

وهذا السبب الي يخلي عسكر يفوز

نعم اخوي عزيز كلامك منطقي وواقعي عسكر خدم الناس وخلص معاملاتهم خصوصا التوظيف والعلاج بالخارج ونجاحه مضمون لان الناس بالكويت ميته علي الدينار وتبي اللي يدفع لها ويخلص معاملاتها وعسكر دفيع ومخلص معاملات من الدرجه الاولي اتوقع انه راح يحقق نجاح باهر وكاسح

 

[المتقاتلون]

نعم اخوي عزيز كلامك منطقي وواقعي عسكر خدم الناس وخلص معاملاتهم خصوصا التوظيف والعلاج بالخارج ونجاحه مضمون لان الناس بالكويت ميته علي الدينار وتبي اللي يدفع لها ويخلص معاملاتها وعسكر دفيع ومخلص معاملات من الدرجه الاولي اتوقع انه راح يحقق نجاح باهر وكاسح

اسمحلي اخوي الي يفكر بهالمنطق ماعنده سالفه يعني الي محتاج توظيف او علاج صدقني يكون منحد الله لايحدنا عليهم ومن هالمنطق لازم العضو يخلص اموره غصبن عليه مو طيب ولا له منه وهذا واجب العضو وحق المواطن ياخذ حقه الي الدوله تماطل فيه وتحد المواطن على العضو
ياجماعه خلوهم يمشون اموركم وبالتصويت اكسرو ظهورهم هالقبيضه والبصامه

 

[ولد وايل]

نسبة النجاح بالدائرة الثانية .. 3500 صوت فما فوق ..

بينما بالدائرة الرابعه 12000 وأكثر ..

لذا .. اذا ثبت فعلاً أنه سوف يترشح بالثانية .. فانه دخوله فيها .. سوف يؤثر نوعاً ما .. خاصة وأن له قاعد فيها منذ المجلس البلدي آنذاك .. والقاعده ليست مختصر بالقبيلة فقط لا .. بل في جميع القبائل ..​

 

[الشاهين]

اسمحلي اخوي الي يفكر بهالمنطق ماعنده سالفه يعني الي محتاج توظيف او علاج صدقني يكون منحد الله لايحدنا عليهم ومن هالمنطق لازم العضو يخلص اموره غصبن عليه مو طيب ولا له منه وهذا واجب العضو وحق المواطن ياخذ حقه الي الدوله تماطل فيه وتحد المواطن على العضو
ياجماعه خلوهم يمشون اموركم وبالتصويت اكسرو ظهورهم هالقبيضه والبصامه

اخوي انا اتكلم بالمنطق والواقع واعرف الكثير من توجهات ومبادئ ناخبين الدائره الرابعه ومبدئهم ضبطني وادفعلي وابشر بعزك طبعا الغالبيه العظمي منهم اللي تضمن لك النجاح واذا انت شخصيا عندك فلووووس وتدفع وعندك ظهر بالحكومه وتخلص معاملات الناس انا اضمن لك النجاح صدقني اهل دائرتي واعرفهم من الحين يسألون جم وصل سعر الصوت

 

[الشاهين]

نسبة النجاح بالدائرة الثانية .. 3500 صوت فما فوق ..

بينما بالدائرة الرابعه 12000 وأكثر ..

لذا .. اذا ثبت فعلاً أنه سوف يترشح بالثانية .. فانه دخوله فيها .. سوف يؤثر نوعاً ما .. خاصة وأن له قاعد فيها منذ المجلس البلدي آنذاك .. والقاعده ليست مختصر بالقبيلة فقط لا .. بل في جميع القبائل ..​

للعلم عسكر العنزي نفي انتقاله للدائره الثانيه وهو باق بالدائره الرابعه