سؤال وجواب أشرطة بلاي ستيشن 3

[جواهر*]

السلام عليكم ورحمة الله​

خدمة يا اخوان ماعليكم امر​

في محل يبيع أشرطة اصلية وصيانة وتصليح البلاي ستيشن 3 في محافظة الفروانية؟​

أسعار الأشرطة لها سعر معين ؟

ولا كل محل يبيع بالسعر اللي يعجبه؟​

وشكرا لكم ​

 

[تشالنجر]

السعر من ١٣ و انتي طالعه بسس انتبهي للعمر لانه كل لعبه لها عمر محدد

 

[جواهر*]

امس شارية شريط 20 دينار بعد الخصم

ومن فترة ب17 دينار

وين القى بسعر ارخص اي محل؟
وشكرا لك

 

[تشالنجر]

اوله ليش ٢٠ اله اذا الشريط توه نازل ... العاده الاشرطه مو اغلا من ١٨ بس بقوولج شغله ركبيي للعيال اون لاين وشرط تشوفيهم ٢٤ ساعه جدام التلفزيون و مايلعبون اله شريط واحد

 

[جواهر*]

والله كان ب28 واخذته ب20 من نزلي بالسعر عرفت انه مو سعره الاصلي

بس ماعندي محل غيره وين القى محل باي منطقة سعر الاشرطة عنده مو غالية

زين بصراحة مافهمت شنو اللي اركبه اون لاين؟؟؟

 

[إسبآنيول]

والله كان ب28 واخذته ب20 من نزلي بالسعر عرفت انه مو سعره الاصلي

​

بس ماعندي محل غيره وين القى محل باي منطقة سعر الاشرطة عنده مو غالية​

زين بصراحة مافهمت شنو اللي اركبه اون لاين؟؟؟​

مجمع الرحاب بحولي ورا المحافظة صوب المهلب ومطعم البطريق وهابي برجر​

اغلى شريط توه نازل امريكي بقراطيسة او حتى اوروبي واذا كان خوش شريط بعد ما يتعدى 18 دينار​

واذا صارله اسبوعين او ثلاث اسابيع نازل تحصلينه ب 16 وبعد المكاسر يوصل 13 او 12 اذا كان المحل يبي يبيع وطايح حظ لان الرحاب حزة الاختبارات والمدارس ما له زباين فا يضطر يبيع بسعر الجمله او بربع نص دينار او دينار عالشريط​

ولو مستعمل ونظيف كانه جديد ب 5 دنانير جذي​

اون لاين يعني اشرطة تنلعب عن طريق الواي فاي وايرلس يلعبون مع ناس من كل الدول بالانترنت​

اوله ليش ٢٠ اله اذا الشريط توه نازل ... العاده الاشرطه مو اغلا من ١٨ بس بقوولج شغله ركبيي للعيال اون لاين وشرط تشوفيهم ٢٤ ساعه جدام التلفزيون و مايلعبون اله شريط واحد

​

خآصه لو شريط مودرن وار فار ثري أشهدنهم بيطخون طخة لمدة سنه بس خوفك هالشي ياثر على دراستهم ​

​

 

[جواهر*]

مشكور اخوي اسبانيول على الافادة والمعلومة ماقصرت عرفت يعني شنو اون لاين

ابي محل ماعليك امر اقرب من حولي الفروانية الرقعي خيطان

قريبة هالمناطق

امس شريت شريط لولدي مصارعة 2012 وبعشرين يقول لانه توه نازل

ماحصلت ارخص ,,,,

وشكرا لحسن تعاونكم

 

[إسبآنيول]

مشكور اخوي اسبانيول على الافادة والمعلومة ماقصرت عرفت يعني شنو اون لاين

ابي محل ماعليك امر اقرب من حولي الفروانية الرقعي خيطان

قريبة هالمناطق

امس شريت شريط لولدي مصارعة 2012 وبعشرين يقول لانه توه نازل

ماحصلت ارخص ,,,,

وشكرا لحسن تعاونكم

مصارعة حتى لو نازل قبل دقيقه ما يتعدى 15 لان مو مرغوب مثل بيس 2012 ولا كولفديوتي والاشرطة الي عليها كلام الي توصل 18 كحد اقصى​

ما انصحج بالفروانية والرقعي وخيطان اسعارهم غاليه وفي نوع من الاستغلال لان ماكو مجمع بلاي ستيشن ومحلات تنافسهم مثل مجمع الرحاب الي بحولي​

وبعدين من بعد حولي حذفة عصا مسكي السادس 8 دقايق واصلة جسر مشرف صباح السالم​

صعدي الجسر اخذي يسار جنج رايحة مشرف​

سيدة اول اشارة تجيج يمين​

سيدة تجيج اشارة منطقة سلوى وجسر الدائري الرابع اخذي يسار بعد الاشارة وصعدي الرابع​

وسيدة تشوفين مركز وذكر يمينج بعد بشوي تشوفين مخرج يودي السالمية بعده على طول مخرج يودي الجهرا اخذيه​

هذا طريق الفحيحيل السريع اول ما ادشينه حولي على يمينج والجابرية يسارج​

مو اول دشة يمين ثاني دشة الي تحت الجسر وفيها الاشارة اخذيها ​

لا اتوقفين للاشارة اخذي يمين​

كملي سيدة اخر شي عند الاشارة الي جمب مبنى محافظة حولي اخذي يمين​

وفي دخله قبل المحافظة تودي مجمع الرحاب ​

وفي مسافط قبل الدخلة هذي لمجمع الرحاب اذا ما فطنتي لها اخذي يمين بعد الاشارة بيمين وكملي سيدة بتشوفين مجمع الرحاب عند المدرسة الوطنية​

ولما بتردين الدائرة الرابعه سقاها السيل ردي مثل طريقج واخذي يمين عند اشارة المهلب​

وكملي سيدة اول صعده على ايدج اليمين اخذيها​

بعد ما تصعدين خليج يمين بعدها بجم متر بتشوفين دخلة الصليبيخات يمين اخذيها​

كملي سيدة سيدة هذا الدائري الرابع خليج سيدة لين تشوفين الهيئه العامة للشباب والرياضة ​

اخذي يسار ودشي بالاشاره الي عند الهيئه​

وبعدين دشي الرقعي​

تجيج اشارة الرقعي​

سيدة يجيج جسر الدائري الخامس فوقج تعدي الجسر سيدة​

تشوفين العارضيه يمينج وستاد جابر بادن على هاك الضواحي ​

وصلتي خيييير هذي الدائرة الرابعه ​

واي سؤال واستفسار حاظرين​

 

[جواهر*]

مصارعة حتى لو نازل قبل دقيقه ما يتعدى 15 لان مو مرغوب مثل بيس 2012 ولا كولفديوتي والاشرطة الي عليها كلام الي توصل 18 كحد اقصى​

ما انصحج بالفروانية والرقعي وخيطان اسعارهم غاليه وفي نوع من الاستغلال لان ماكو مجمع بلاي ستيشن ومحلات تنافسهم مثل مجمع الرحاب الي بحولي​

وبعدين من بعد حولي حذفة عصا مسكي السادس 8 دقايق واصلة جسر مشرف صباح السالم​

صعدي الجسر اخذي يسار جنج رايحة مشرف​

سيدة اول اشارة تجيج يمين​

سيدة تجيج اشارة منطقة سلوى وجسر الدائري الرابع اخذي يسار بعد الاشارة وصعدي الرابع​

وسيدة تشوفين مركز وذكر يمينج بعد بشوي تشوفين مخرج يودي السالمية بعده على طول مخرج يودي الجهرا اخذيه​

هذا طريق الفحيحيل السريع اول ما ادشينه حولي على يمينج والجابرية يسارج​

مو اول دشة يمين ثاني دشة الي تحت الجسر وفيها الاشارة اخذيها ​

لا اتوقفين للاشارة اخذي يمين​

كملي سيدة اخر شي عند الاشارة الي جمب مبنى محافظة حولي اخذي يمين​

وفي دخله قبل المحافظة تودي مجمع الرحاب ​

وفي مسافط قبل الدخلة هذي لمجمع الرحاب اذا ما فطنتي لها اخذي يمين بعد الاشارة بيمين وكملي سيدة بتشوفين مجمع الرحاب عند المدرسة الوطنية​

ولما بتردين الدائرة الرابعه سقاها السيل ردي مثل طريقج واخذي يمين عند اشارة المهلب​

ووقفلي للاشارة وكملي سيدة اول صعده على ايدج اليمين اخذيها​

بعد ما تصعدين خليج يمين بعدها بجم متر بتشوفين دخلة الصليبيخات يمين اخذيها​

كملي سيدة سيدة هذا الدائري الرابع خليج سيدة لين تشوفين الهيئه العامة للشباب والرياضة ​

اخذي يسار ودشي بالاشاره الي عند الهيئه​

وبعدين دشي الرقعي​

تجيج اشارة الرقعي​

سيدة يجيج جسر الدائري الخامس فوقج تعدي الجسر سيدة​

تشوفين العارضيه يمينج وستاد جابر بادن على هاك الضواحي ​

وصلتي خيييير هذي الدائرة الرابعه ​

واي سؤال واستفسار حاظرين​

وصف ولا احلى شكرا لك

ومالي عذر لو تهت عقب وصفك للمكان

حولي مو بعيد صح بس حبيت اعرف اذا في محل اقرب بالنسبة لي

والله الاسعار نار مثل ماقلت ومستغلين هالشيء

شكرا مرة ثانية لك وبارك الله فيك

 

[bujassim]

الفروانية عندج مجمع مناور

هم في محلات يم بعض

ترى نفس الرحاب

ولكن الرحاب ترى هم استغلال

ترى ماتفرق لوالشريط 17 18 المهم تلعبينه وخلاص

 

[جواهر*]

الفروانية عندج مجمع مناور

هم في محلات يم بعض

ترى نفس الرحاب

ولكن الرحاب ترى هم استغلال

ترى ماتفرق لوالشريط 17 18 المهم تلعبينه وخلاص

شكرا للافادة اخوي بو جاسم

17 او 18 مو مشكلة بس شريط 28 او 25 , 20فرق كبير

 

[إسبآنيول]

وصف ولا احلى شكرا لك

ومالي عذر لو تهت عقب وصفك للمكان

حولي مو بعيد صح بس حبيت اعرف اذا في محل اقرب بالنسبة لي

والله الاسعار نار مثل ماقلت ومستغلين هالشيء

شكرا مرة ثانية لك وبارك الله فيك

على الوصف هذا وشرط راح اتضيعين

انا اكره شي عندي اسواقة الحريم

كل يوم بالجامعه اتاخر عن المحاظرات ومرات عن الفاينل لان زحمة ودمج شعب بسبب البنات الي بالباركينج لازم انزل واعلم كل وحده شلون تكسر السكان عشان تطلع

بس صراحة حسافة مواااتر اتخدش من بنات رنج شارجر و جاكوار كبسولة وطوارق ​

 

[جواهر*]

على الوصف هذا وشرط راح اتضيعين​

​

​

صح كلامك

 

[جواهر*]

يعطيكم العافية ياخواني ماقصرتم في المشاركة

سؤالي الثاني ماعطيتوني اجابة عليه

ابي محل لصيانة وتصليح البلاي ستيشن لو قدر الله واختربت

وشكرا لحن تعاونكم

 

[bujassim]

يعطيكم العافية ياخواني ماقصرتم في المشاركة

سؤالي الثاني ماعطيتوني اجابة عليه

ابي محل لصيانة وتصليح البلاي ستيشن لو قدر الله واختربت

وشكرا لحن تعاونكم

مالج الا الرحاب :إستحسان:

 

[جواهر*]

شكرا لك مرة ثانية يابو جاسم