سؤال وجواب أريد علاج فعال للسعال

[شجون الكويت]

عاجل جدا جدا أريد علاج فعال للسعال

اخواني احتاج مساعدتكم في ايجاد علاج فعال وسريع للسعال حتى لو كان طب عرب .. لي اخ في التاسعة عشر من عمره يعاني لمدة شهرين من سعال متواصل وعلاجات اشكال والوان ولا وقف السعال عنده .. للعلم هو يدخن من ورا الوالد طبعا بس محد يدري بس انا جاكته .. ودوخني بصوت كحته المزعج ودي اقتله بس اخوي بالنهاية وكاسر خاطري .. ابي حل سريع تكفوووووووووووووون .. thaks >> ولكم الأجر. ماسكة الورقة والقلم .. جاهزة

 

[سوزان 1]

ترا حدي مخترعة والله
راح ادور ورق جوافة طازج .. بس اذا مالقيت عادي جاف اخاف مفعوله مو ذاك الزود او ماكو مفعول خصوصا العطار الورق عنده قديم ,, يعني لو حصلت اشكثر ورق احط بالكوب ؟؟ بجرب انشاء الله وبنوديه باجر خاص ثاني .. وماقدر اعلم عليه ابوي يطقه ويطقني بعد وياه .. هو الحين موقفها تقريبا مو قادر ياخذ نفس غصب عنه ماياخذها .. يمكن يجذب علي ..

الاحسن يكون طازج بس ازا مافيه مو مشكلة من العطار مجفف على الكوب 7 ورقات:وردة:
شجون لما تودوه الدكتور خليه يتأكد انه الالتهاب مانزل على رئتينه وماتخافي حتى لو نزل عادي عادي اله دوا بس المهم مايتاخر حتى مايكون الالتهاب حاد
انا بنتي قبل 3 سنوات كان عمرها سنتين وجوزي مسافر صار معها نفس الشي كل الادوية ماجاوبت معها وضلت سعال لشهر ونص متواصل وديتها على الدكتور وعملها فحص دم شاف التهاب في الدم عرف انه التهاب الصدر نزل على الرئة وعملها صورة وتاكد دخلتها المستشفى 4 ايام بيعطو الدوا بالوريد مشان تستفيد بسرعة وبعدها صارت متل الغزال الحمد لله

التهاب الرئوي كمان معدي للاسف ديري بالك,الالتهاب الرئوي ازا ماتعالج بسرعة بتحول لمي على الرئة لاسمح الله لهيك الاحسن بالعلاج السريع
ومشافى ان شاء الله
طمنينا عنه بكرة

 

[شجون الكويت]

انا طالعة بعد اذنكم ؟؟ مع السلامة

 

[سوزان 1]

انا طالعة بعد اذنكم ؟؟ مع السلامة

شجون ماتخافي مافيه الا العافية:وردة:

 

[سليل السيف]

شوفي اختي انا عندي علاج ممتاز وفوق الممتاز بس جربته حق عيالي اللي فيهم ربو وييمكن يفيد حق السعال

عيالي كلهم استفادوا منه لدرجة إن احد اولادي صار في تنك من شهرين وديته الطبيب الدكتورة قالتلي لازم
ياخذ كرتزون لمدة ثلاث أشهر احنا الصراحة خفنا وقلنا حق الدكتورة علاجنا قالت والله ما أدري فقلنالها احنا
بنجرب إذا ما فاد راح نرجعلج
وفعلا ثلاث أيام وطاب بلا كرتزون ولا خرابيط
العلاج اهو

سوي شوربة ويفضل شوربة ماجي وطحني فيها ثوم طازج فصة وحدة وخلي يشربها مرتين في اليوم وشوفي
النتيجة العجيبة​

 

[ابعتذر]

السلام عليكم ورحمة الله وبركاته

بعد التوكل على الله سبحانه خلي اخوش يتبع احدى الطريقتين وإن شاء الله عقبها العافيه

1 - قلاص ماي دافي + ملعقه كبيره من العسل الأصلي لاحظي الأصلي قريتي الأصلي والا اعيدها عسل اصلي

الطريقه توضع ملعقه كبيره داخل القلاص ويصب الماء الدافي فوق العسل ويحرك بالملعقه ويزطه زط قبل لا ينام واول ما يقعد وراح يدعي لي

وهذا عسل اصلي عندي جاي من شخص غالي بالحيييل

الطريقه الثانيه وهاذي سهله

يروح لمستشفى العدان او اي مستشفى حكومي ويطلب هاذي الحبوب klacid 500mg

طريقه الاستعمال حبه كل 12 ساعه

وعسى الله يشفي اخوش وجميع المسلمين والسموحه عالاطاله​

 

[صالح]

ماتشوفون شر
اختي اي علاج ماراح يفيده
السبب الرئيسي للسعال عند اخوج اهو التدخين
الابتعاد عنه علاجه الاول
ودام كريات الدم مرتفعه وبين معاكم بتحليل الدم
يعني يوجد عله .. التهاب .. فطريات بالمريء .. التهاب القصبه .. الخ
دامعه يكح ويرجع يعني لازم يسوي اشعه للقصبه الهوائيه والرئه واغلب الظن من مثر السعال صار عنده توسع بالقصبه وبالتالي يرجع
وعلى فكره السعال امر مو هين .. اسئليه اذا كحيت تحس بعوار بظهرك ؟
لازم اشعه ظروري جدا
وعندج دكتور كويتي بمستشفى الهادي اظن بهبهاني اسمه خوش دكتور
وماتشوفون شر وخطاكم السو

اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين

 

[أنا رايق]

أنا صار لي نفس الشي وماخليت شي .. حتي ورق نبات الجوافة..
شي عجيب ما شفيت الا من رب العالمين وماي النخي ... خل يأكل نخي مع ماي النخي الدافي صج
نصيحة من عجوز جزأها الله خير فادتني وراح تفيد غيري بإذن الله..
مو المعلب ويمكن يصير ماجربت .. تعرفين النخي والباجلا والجريش اللي دايم نشوفهم بالافرع مالت الجمعيات
اشتروا النخي وخل يشرب ماي النخي
الظاهر العملية تعتمد علي المادة النشوية .. ومايشووف شر

 

[ابعتذر]

ماتشوفون شر
اختي اي علاج ماراح يفيده
السبب الرئيسي للسعال عند اخوج اهو التدخين
الابتعاد عنه علاجه الاول
ودام كريات الدم مرتفعه وبين معاكم بتحليل الدم
يعني يوجد عله .. التهاب .. فطريات بالمريء .. التهاب القصبه .. الخ
دامعه يكح ويرجع يعني لازم يسوي اشعه للقصبه الهوائيه والرئه واغلب الظن من مثر السعال صار عنده توسع بالقصبه وبالتالي يرجع
وعلى فكره السعال امر مو هين .. اسئليه اذا كحيت تحس بعوار بظهرك ؟
لازم اشعه ظروري جدا
وعندج دكتور كويتي بمستشفى الهادي اظن بهبهاني اسمه خوش دكتور
وماتشوفون شر وخطاكم السو

اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين

الله لا يهينك انا كثيح مارلبورو احمر

يعني الله يفكني شره ويجعل من ورد الزقاير في النار

جتني هالحاله قبل شهرين والله ان الكحه تقعدني من النوم واكثر شي تجيني وانا نايم

ما خليت طبيب ما فاد عقب الله سبحانه الا العسل معي والماي الدافي وثاني شي حلست اسبوعين على هالحاله ليما راحت

 

[شجون الكويت]

الشكر العميق لكل اخواني واخواتي الي ساعدوني في هالموضوع .. للأمانه جربت علاج الأخت الغالية سوزان وهذا اول يوم .. بس مادري يصير نجرب معاه مثلا ماي النخي بعد انا بعد سمعت انه اوكي حق السعال ... ومنكم نستفيد

 

[ولد عطا]

أنا والله ماعندي غير >>>>اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين
اسئل الله العظيم رب العرش العظيم ان يشفي مريضكم ومرضى المسلمين

 

[بن ذى يزن]

يمكن حساسية صدر
اذا يدخن
وعلاجها كوارتزون وزيرتك

وما يشوف شر

 

[:0: عطر :0:]

الله يشفي مريضكم إن شاء الله ومرضى المسلمين ...

... قراءة سورة الفاتحه مرات عديده والنفث على مكان الوجع بعون الله شفاء


أيضآآآ أختي جربي الفكس ....

نعم الفكس يوضع على باطن الرجلين بكميه كبيره ومن ثم يلبس دلاغات وينام بصفه يوميه
أنا قريت عنه ويقولون فعال بإذن الله ...

توكلوا على الله وجربوهاااا ,,​

 

[افضفض]

علاج الطب الشعبى

معلومات عن علاج الربو
يتم علاج الربو بالفصد وذلك بفصد عرق في ظاهر كف اليد اليسرى وهوالمغذي للخنصر والبنصر .
وهي عملية بسيطة لا تحتاج إلى وقت ومفيدة لمن هو مصاب بالربو وناجحة بإذن الله ويرتاح بمجرد إجرائها .
لمن تجرى العملية :ـ
العملية تجرى لكل الأشخاص كبير كان أو صغير وفي أي وقت ماعدا من هو مصاب بأحد هذه الأمراض
السكري
الضغط
أمراض القلب والشرايين
ما يجب الإمتناع عنه بعدها
الفلفل ومشتقاته بجميع أنواعها
الحوامض بجميع أنواعها
المثلجات والمشروبات الباردة كالماء وغيره
مكان العلاج
مزرعة على طريق حائل تبوك بعد مجمع إمداد الشمال للخدمات لبترولية بقرابة كيلومتر واحد أول مزرعة على اليسار بعد مفرق

الشملي
إحداثيات الموقع
N2657315
E04015241
من يقوم بالعلاج
عياضة بن رده العنزي
جوال 0502686020

 

[سنـين التّيــــهـ..]

علج لبان..ينقعه ويشرب منه...هذا دواك وعلى الله شفاك..​

 

[الدائرة الأخيرة]

مايشوف شر

في دوا كحه في الصيدليات

وماهو بالعين شي

سعره رخيص والصناعة ألماني

خلطة أعشاب مع عسل

ويحتوي على نسبة ضئيلة من الكحول

حاشة نوبة حساسية قبل فترة وأستمرة معاي لمدة أربعة أشهر

الصوت راح والنوم قليل جدا ولازم جالس من شدة الضيق في التنفس والآلام

راجعت الحكومي والخاص ولانفع

صدفة دخلت الصيدلية وقلت أبي دوا كحة زين

عطاني دوا اسمه بيكتورال

ومن يومها ولله الحمد والمنة كل ما رجعت النوبة شريت هالعلاج

ونصحت به الكثير من الإخوة ولله الحمد الكل يمدحه

توكلي على الله سبحانه واشتريه من أي صيدلية

والشفاء أولا وأخيرا بيد الله سبحانه​

 

[شجون الكويت]

اشكر كل الأخوان الي أفادوني بهالموضوع ... الله يجزاكم عنا ألف خير .. ممنونه لكم والله من كل قلبي ..​

 

[ICE BLUE]

انا مدخن واذا حاشتنى كحه تقد شهر او اكثر وازعج كل البيت

والمشكله مايوقف الكحه عندى الا مضاد اسمه "zimax " ثلاث حبات لثلاث ايام​

 

[ولد النفود]

اختي شجون ... مايشوف شر اخوك وباقي الاسرة الكريمه

افضل علاج للسعال ... هو عسل السدر الطبيعي ... المشكله وين تلاقينه بالكويت
واقصد بالطبيعي هو الاصلي مو المغشوش ... علاماته لووونه داكن مره كأنه اسود
مفعووووله مليون بالميه بعد امر الله ...

 

[شجون الكويت]

صحيح اخوي ايس بلو نفس علاج اخوي بالضبط .. بس مافاده كحته تخرع والله .. انا بس اسمعه افز من الخرعة عليه ..بس بجرب عسل السدر انشاء الله كأنه بالإعلانات .. تعبت وانا اسويله وصفات تخف شوي بس مااضمن مايدخن الله يغربله ... شكرا لك اخوي ولد النفوذ على النصيحة الطيبة ولكل الأخوان .. ​

 

[ذو الهمه]

اخت شجون اخوح ما فيه الا العافيه

هذي نوبة سعال تحوش الانسان مره او مرتين بالعمر وتستمر من اسبوعين الا ثلاثة اشهر وما تنفع معاها كل الادويه

وهى تزيد بالليل والترجيع شى طبيعي بسبب الضغط على الحنجره من الكحه الناشفه فتعطي امر بالترجيع يعني مثل اللى يحط اصبعه بحلجه للترجيع

نصيحه لا يكثر ادويه لانها ما راح تفيده وتسبب انعكاس على الكبد بسبب السموم مالتها

خليه يكثر من السوائل الحاره والشوربات والادويه الشراب البسيطه للسعال وانشالله تنتهى دورتها وتروح

اهم شى يبتعد عن الاجواء الفاسده كالمخيم ودوات الفحم اللى تطلع غاز الكربون بسبب انها مو مشتعله عدل او البخور والعطور و ملطفات الجو الكيماويه او حتى اجواء الغرف المغلقه وسيئة التهويه


وهم بعد يحاول يخللى وجبات اكله خفيفه وكثيره يعني ما ياكل لما تمتلي بطنه

بعد ما تروح وتخف الكحه بيتم صوته تعبان اسبوع ويرد طبيعي