سؤال وجواب شنو افضل جيب من بعد اليوكن 

[أنا رايق]

حاب اعرف افضل جيب عندنا بالكويت سهل الاستخدام
خاصة أني ولا مرة استخدمت الجيب
وطبعاً قررت اشتري جيب من بعد استخدامي لسيارتي الكروسيدا دق وكد من 7 سنين
شعرت وانا امشي بالسيارة كأني أدبي وامشي مشي النملة والجيبات ترس شوارع الكويت لا اله الا الله..

ارجو من من يتفضل بالاجابة بسرد اسباب الاختيار

وشكراً

 

[شمري كويتي]

نقلة نوعية ممتازة​

من تويوتا كريسيدا​

الى جيب شي طيب وممتاز والله يهنيك

ويبارك لك في مالك وعيالك وحلالك​

والله يستر عليك من عيون الناس​

دير بالك خل تحولك تحول تدريجي​

اول شي جيب صغير و مستعمل​

بعدين جيب اكبر حجم ايضا مستعمل​

بعدين جيب صغير او وسط جديد​

بعدين جيب كبير و جديد​

اما من كريسيدا الى جيب لكزس 2012

او لاند كروزر 2012​

او جيب اودي 2012

او رينج روفر 2012​

اتوقع راح يصكونك عين توديك بداهية​

او يتهمونك انك انبطاحي و قبييييييييييييض​

ولازم تحدد مصدر اموالك المنقولة والغير منقولة​

 

[_المطيري_]

جيب لكزز

يا ويل قلبي بس

اخ لو عندي 15 الف هههههههه

كتبت فيه بيتين

ودي على الجيب ومن الغرب

ما ينشرى اقساط ولا بدين

كشخه ورزه ومظهرذرب

لامن تمايل على الخطين

 

[سعد12]

جيب لكزس ...

 

[بقيييط]

الجيب العامر $​

 

[إنفصام]

جيب بنتلي ..اصدار جديد وثورة تقنيه وفخامه بلا حدود وأتعب كل الجيوب من بعده

بالتوفيق اخوي والف مبروك
وكيله الزياني
تم تحديد سعره تقريبا 120,000 دينار
يابلااااش ​

 

[الفيصلي]

​

جيب بنتلي ..اصدار جديد وثورة تقنيه وفخامه بلا حدود وأتعب كل الجيوب من بعده ​

بالتوفيق اخوي والف مبروك
وكيله الزياني
تم تحديد سعره تقريبا 120,000 دينار

يابلااااش ​

متئكد ان هذا سعره ومتى راح ينزل نبي ناخذ تست درايف

 

[إنفصام]

متئكد ان هذا سعره ومتى راح ينزل نبي ناخذ تست درايف

وانت تظن ان الزياني بيستورد هالجيب ويرزه في صالة العرض !
ياطويل العمر ..هذا النوع من السيارات يستورد بناء علي طلب خاص فقط

تست درايف للماكسيما واخواتها​

 

[أنا رايق]

[أخواني واعضاء المنتدى العامر
شمري كويتي
المطيري
سعد12
بقيط
انفصام
الفيصلي
سعدت وفرحت بردودكم الكريمة..وعسي الله يكتب لنا ولكم الخيرة

من كم يوم شفت جيب أودي يتمخطربشوارع الجهرااء العامرة
حبيت أعرف بكم تقريباً ومنو وكيلها؟؟
مادام كبت الوالدة الله يطول بعمرها موجود وزيادة المتقاعدين على وصول ليش ما نفكها بحري

 

[Maradona]

يولد خذ جيب لكزس عطيت الله

 

[أنا رايق]

يولد خذ جيب لكزس عطيت الله

ههههههه تسلم يا الاخو بحطة بالحسبة

 

[Q8 1]

الله كروسيدا من ذاك الوقت للحين اتوقع حوشت قيمة جيب البنتلى
الله لا يهينك مر الزيانى منطقة الرى مقابل الدائرى الرابع
وسو الطلبيه بمقدم 50 الف دفعه اولى < تميز صدقنى
انت قزرت نص العمر على سيارة متعبه ريح النص الثانى على Bentley EXP 9 F

 

[أنا رايق]

الله كروسيدا من ذاك الوقت للحين اتوقع حوشت قيمة جيب البنتلى
الله لا يهينك مر الزيانى منطقة الرى مقابل الدائرى الرابع
وسو الطلبيه بمقدم 50 الف دفعه اولى < تميز صدقنى
انت قزرت نص العمر على سيارة متعبه ريح النص الثانى على Bentley EXP 9 F

الف شكر اخوي على الأضافه الغالية
بس أنا وين والتحويش وين وانا معاشي تقاعد طبي ومدني على الدرجة السابعه
الله كريم
السيارة روعه بس بنظري أودي ااصمل وأحلى
اللي معجبني ومستغرب منة أخواننا العرب من وين لهم الفلوس
مدرس يدرس راكب يوكن
الله يرزقهم

 

[دبلوماسية]

برادو الجديد
زين ومعقول ..

باترول هم زين ..

وعالبركه مقدما ..

 

[ســـــاحـــــر]

الجيبات للمناطق الوعرة والجبال وليست للمدن وما وراها الا الحوادث وخصوصا الأنقلاب

نمودج حوادث امس
http://alwatan.kuwait.tt/articledetails.aspx?Id=183975&YearQuarter=20122​

 

[اليعربي]

بالنسبه للجيبات

على حسب ميزانيتك

اقتراحي

تويوتا فهي الافضل

خصوصا تتميز ان سعرها يبقا فيها وقطع الغيار سعرها معقول كما انها لا تحتاج الي اصلاحات غير الزيت واكفلك السياره خمس سنوات ما تمر على كراج

المهم

طبعا لانكروزر جي اكس سته سلندر ممتاز واكثر من ممتاز خصوصا اذا شغلك بالمدينه ومافيه سفرات

برادو اربعه سلندر جيد جدا وسعره مقبول

ما عندك فلوسهم

خذلك فره على جيبات الجمس والشيفروليه سعرها ارخص من التيويوتا لكن خراباتها واجد ولا بغيت تبيعها سعرها يطيح

 

[Q8 1]

أخواننا العرب من وين لهم الفلوس
مدرس يدرس راكب يوكن << بركات تدريس الخصوصى من الظهر لى بليل عندى بتناوب مرتين فى الاسبوع < ضيفهم على الراتب يصير تواضع منه راكب يوكن يقدر فوق بعد

(توضيح موحسد )

 

[شمري كويتي]

اذا ميزانيتك محدودة​

خذ جيب تويوتا لاند كروزر​

كد ومد وسعره فيه​

مثل الشيك المصدق فلوسه مضمونة​

ومايطيح سعره واجد بعد البيع​

او برادو يجي وراه بالجودة​

واظن اللكزس ماهو بعيد عنهم​

بس مو مرغوب مثل لاند كروزر​

وسعره ينزل عند البيع​

وابعد عن الرنج لانه حساس وصيانته مكلفة​

وقطع غياره غالي​

تخيل سعر المعاون يوصل 300 دينار واكثر​