حاليا فية مزاد فاتح
( من الساعة ١١بالليل الي الساعة ٤ الصبح )
اتحصل طلبك عندة واعتقد اسمة مزاد الربيعة شنط ماركات ( تقليد) وشغلات كثيرة فيهم جملة وسعر بلاش
( الاربعاء والخميس السبت )
مكانهم في منطقة جبد صوب الجمعية وكنتاكي علي ايمينك بعد ٥٠٠ متر اشوفه علي ايمينك عندة سيارات زحمة .
شكرا
سوق البشوت كذا محل فوق
وبالسرداب في بعد
بالتوفيق
المحلات تدعي أنها جملة ولكن ما تفرق عن المفرد كثير
سوق السالميه من عند مرسيدس على يمينك
شوي قدام اصفط وانزل في كذا محل واغلبهم تصفيه عندهم
المحلات اللي هناك يعتبرون تصفيه لمحلات الافنيوز
واذا دشيت على المحل وسعرتها انت براسك سعر الجمله
قوله ابي راعي المحل وينه وكلمه قوله ابي كميه كذا
وانا عرض سعري جذي وهذا رقم تلفوني اذا موافق دق علي
في الغالب يبيعلك بالسعر اللي في بالك لانه يبي يصفي ويرتاح
ومخلص من الارباح من الافنيوز والمجمعات الباقيه
وفي عندك بحولي عند مجمع الايوب كذا محل نفس الطريقه
بعد
بس اهم شي حط سعرك للمدير مو للموظف
وبالتوفيق ان شاء الله
كل تجار الجملة في منطقة المباركية .
كان في مجمع خلف دنيا القطان اللي في بداية شارع الصرافين كله جملة جنط وملابس مدارس واكسسوار . لكن والله فاقده .. مادري اذا هدوه وبنو مكانه سوق السلاح .. ماني متأكد .
افضل لك .. وين المواقف مجابل البنك المركزي . توقف سيارتك هناك وتروح مشي للمحلات المقابله للبنك على الشارع مباشرة اللي فيه مطعم العقل ، هناك محلات الجملة وراح يدلونك على جملة الجنط والاكسسوار .
إذا بتتميز أترك سوق الكويت وشوف التجار السوريين اللي يحطون بضايعهم في شقق بحولي . ويفيدونك البياعه في المحلات كلم البايع وقوله اذا تعرف احد يبيع جمله بيعطونك ارقامهم لكن لا تروح لمحلات البهره لأن راح يعطونك ربعهم اللي بسوق الكويت .
البهرة أبي اعرف من جابهم الكويت يصراحة مافيا تذبحة الدولة إحتكار غير طبيعي
ما تقدر تشتري منهم شي يمكن محرم البيع لغيرهم جملة
السوريين بصراحة بديت أخاف منهم يمكن يطلعون تبع بشار
البهرة مصيبه حتى في بيعهم لو يربح على القطعه 100 فلس باع
الحين اتجهوا الى محلات الكمبيوتر في حولي وقطع غيار السيارات ومحلات بيع مواد الإنشاء في الشويخ وراح ياكلون السوق .
وبالنسبة للتجار السوريين الكبار تقدر تقول الأغلبية ضد النظام . واللي اشرت اليه حاله خاصه ومن واجب الحكومة تعرفهم وصدقني يبينون من سجل نشاطهم وارصدتهم البنكية .