اهلا باخوي فهد
بما انني من سكان المنطقة ....
فاحب اعطيك هالخبر لانه من تخصصي:
*مدرسة سلمى بنت عميس اللي في صباح الناصر راح تتحول السنة الجاية لمدرسة متوسطة بنين
*والطالبات في هالمدرسة مع الهيئة التدريسية راح ترد لمدرسة ام حبيبة الابتدائية بنات ( والله يعينهم على الزمة اللي راح يعانون منها بسبب كثرة الطالبات ماشاءالله )
*مدرسة الوسطى المتوسطة راح ترد لمكانها القديم مقابل مدرسة ام حبيبة ( والله يعين بالفعل المواقف محدودة يعني ضغط مو طبيعي)
* وثانوية رزينة راح تكون بقطعة 4 بدل المتوسطة
( هالمعلومات من مديرة منطقة الفروانية التعليمية يسرى العمر )
بالذمة عمرك شفت مدارس تتبدل داخل منطقة على حسب اهواء مدير المنطقة
يعني شي مو طبيعي اللي يصير في صباح الناصر
والله الواحد يتألم لما يشوف منطقة مثل غرب الجليب توها جديدة
ومدارسها لاتعد ولاتحصى وبنيانها واسع وجديد
والضغط فيها اخف من صباح الناصر ...بينما صباح الناصر تعاني من قلة عدد المدارس وسوء التوزيع
واعتقد هالشغلة ترجع لوزارة التربية بس كنت احب يكون للنواب دور ايجابي في حل هالمشكلة
اللي قد يجدها البعض بسيطة بس ولله لها أثر كبيييير في نفسيات الطلبة والطالبات
كل سنة لهم مكان
اعتقد ان وفداً من منطقتكم برئاسة السيد سعران الفهد ذهب الى وزير التربية آنذاك السيد عادل الطبطبائي وشرحوا له معاناة المنطقة وقلة عدد المدارس وكثرة اعداد الطلبة ..
طبعا للوزارة برنامج عمل في بناء المدارس في المناطق الجديدة والتي تفتقر للمدارس بحسب خطة معينة ..
فكان رد وزير التربية السيد عادل الطبطبائي كالصاعقة على الوفد وقال لهم : احنا كان المفروض نبدأ بناء المدارس في منطقتكم ولكن قال لنا نائبكم مسلم البراك ، لاتبنون الحين ،ابنوا في جنوب السرة -طبعا كانت الخطة ان ينتهوا من منطقة صباح الناصر ثم يبدأوا في جنوب السرة لذلك حولت الوزارة خطة البناء لجنوب السرة- وفقا لمطالبة النائب ..