ماكو فايده فيكم !
قلنا ان الزيادات خطأ من الاول ..... سوف تؤدي الى التضخم + ارتفاع الأسعار ! ولا احد يجي ويقول جشع التجار !!! هذه قاعده في كل الأنظمة الاقتصادية ...... الزيادة سوف يقابلها زيادة.
الوضع والبذخ من الموظف(ه) وصل لأعلى مستوى ، إليكم دليلي :
في السابق اذا بغيت اشتري هدية شنطة ماركة حق زوجتي الغالية .... اخلي البائع يحجزها لي لمدة أسبوعين لانها غالية ...... الحين نفس البائع يقولي بس اقدر احجزها يوم واحد فقط ! قلت له ليش ؟ يقول قبل الشنطة سعرها 800 دينار مش اي واحد يشتريها الا المقتدر .... الحين نفس الشنطة صار سعرها 1200 دينار تخلص بنفس اليوم !!
موبايل سعره 190 الى 230 دينار يطير وتخلص كميته بسرعة البرق !! صاحبات المعارض الرمضانية اتوقع الحين صاروا مليونيرية من جنون شراء حريمنا !! الجمعية ما صار لها بركة بالشراء والدينار صار ماله قيمة !
بدل ما الكل يطالب بالزيادة ..،،، يجب نسف هذه الزيادات المجنونة ..... ونرجع الى ما كنا عليه