سؤال وجواب تظاهرة الاسكان (( ناطر بيت)) !!!

[مواطن طبيعي]

السلام عليكم


في اعتصام تجمع (( ناطر بيت ))


لاحظت بالجريده صورهم وادهشني شيء فيها


تشوف صوره ومكتوب تحتها جانب من التجمع ... وتشوف اربعه واقفين


وصوره ثانيه مكتوب تحتها جانب آخر من التجمع ... وتشوف حرمه كبيره بالسن بيدها مهفه و معاها طفل !!!!!!


سؤالي


هل الشعب الكويتي عندهم بيوت ومرتاحين

واللي يشتكون ويعانون من مشكلة الاسكان بس هذولا اللي عددهم اعتقد

كله على بعضه 14 نفر ؟؟؟؟!!!


ماكو مشكلة اسكان ؟؟؟

​

 

[سبع]

الشعب ماله خلق اى شى يبى ينام ويسهر بالجواخير والاسطبلات والدواووين ويبى ارقام مطاعم الزينه
ناس عندها نوع من التخلف الفكرى لايعلم ولايدرى انه لايعلم انه عنده مشاكل
اسكان وصحه وتعليم والمشكله الاهم والاكبر
محاوله وأد الديمقراطيه والدستور نص الشعب يشجع مع موضى علف والسطل والطشتى وابو الفاكسات
ناس مغيبه عن الواقع اهم شى لبن المراعى مع الغداء
كان الله فى عون كل شريف ومطالب بالحقوق والواجبات للمواطن
المتنفذين نهب بالمليارت ويسكنون القصور الفارهه
والاخوان حتى تجمع يطالب لــــ 100 الف عائله حضورهم يفشل
نص الشعب عايش عند والديه ومحاشرهم والا ساكن بالاجارات
اتكاليين لابعد الحدود ناس قاعده يبونك تطالب لهم وتجيبلهم حقوقهم وهم قاعدين
قد اسمعت لوناديت حيا لكن لا حياة لمن تنادى
وسلامتك وتعيش ​

 

[مواطن طبيعي]

اخوي سبع

وليش ماتقول الناس مشغوله وبلشانه بعمرها

طيب

سمو رئيس الوزراء هل عنده علم ان هناك 100 الف عائله كويتيه مشتته بالايجارات

؟؟؟؟؟؟؟؟؟؟؟

هل مستشاريه يظهرون له صوره مزيفه للواقع بأن ليس هناك مشكلة ولا شي

؟؟؟؟؟؟؟؟

ابي تفسير منطقي


لآن الارض موجوده وشكبرها ... والفلوس موجوده وشكثرها ... والناس موجوده وتحتاج سكن !!!


مو معقول الوضع هذا


ابي تفسير منطقي الحين الحين الحين

وابي جواب الحين الحين الحين

انا كمواطن طبيعي ابي افهم شاللي صاير


الحين الحين الحين
​

 

[bujassim]

الشعب ماله خلق اى شى يبى ينام ويسهر بالجواخير والاسطبلات والدواووين ويبى ارقام مطاعم الزينه
ناس عندها نوع من التخلف الفكرى لايعلم ولايدرى انه لايعلم انه عنده مشاكل
اسكان وصحه وتعليم والمشكله الاهم والاكبر
محاوله وأد الديمقراطيه والدستور نص الشعب يشجع مع موضى علف والسطل والطشتى وابو الفاكسات
ناس مغيبه عن الواقع اهم شى لبن المراعى مع الغداء
كان الله فى عون كل شريف ومطالب بالحقوق والواجبات للمواطن
المتنفذين نهب بالمليارت ويسكنون القصور الفارهه
والاخوان حتى تجمع يطالب لــــ 100 الف عائله حضورهم يفشل
نص الشعب عايش عند والديه ومحاشرهم والا ساكن بالاجارات
اتكاليين لابعد الحدود ناس قاعده يبونك تطالب لهم وتجيبلهم حقوقهم وهم قاعدين
قد اسمعت لوناديت حيا لكن لا حياة لمن تنادى
وسلامتك وتعيش ​

ياخوك هذا اللي باط جبدي

كل ماشفت واحد يقول احمد ربك لوبديره ثانيه ماتحصل مميزات وعيشه مثل الكويت

يذلك يذلك
موحاس بالقضايا اللي يعانون منها الشعب وربي هذول مثل تنابله السلطان ناكل ونرقص ونغني وننام

 

[الديفي]

اخي مواطن طبيعي
ترى عشرات الالاف من المواطنين يعانون ليل نهار من جراء الازمه الاسكانيه ومن الشقيق لغلاء اسعارها ولضيق المكان

نبي الصراحه الاغلبيه ناس متعففين لا تخرج بتجمعات لإحساسها بالحرج من نشر صورهم بالصحف والتويتر .. وهذا يسيء اليهم امام اقاربهم او اصدقائهم

ولدي صار يسئلني ويقول " يـبــا ليش ما عندنا بيت كبير مثل الناس"

الله ينتقم من اللي كان السبب بلازمه الاسكانيه.. هذي نتيحه سوء توزيع الثروه.. اسره حاكمه تعيش بقصور وسفرات لسويسرا وشعب مسحوق حاله بحال البدون لا سكن محترم ولا مستشفيات مثل العالم المتحضر

الله يرحمك يا زايد الخير
http://www.youtube.com/watch?v=kf3VhJNZLVs
​

 

[مواطن طبيعي]

اخي مواطن طبيعي​

ترى عشرات الالاف من المواطنين يعانون ليل نهار من جراء الازمه الاسكانيه ومن الشقيق لغلاء اسعارها ولضيق المكان​

نبي الصراحه الاغلبيه ناس متعففين لا تخرج بتجمعات لإحساسها بالحرج من نشر صورهم بالصحف والتويتر .. وهذا يسيء اليهم امام اقاربهم او اصدقائهم​

ولدي صار يسئلني ويقول " يـبــا ليش ما عندنا بيت كبير مثل الناس"​

الله ينتقم من اللي كان السبب بلازمه الاسكانيه.. هذي نتيحه سوء توزيع الثروه.. اسره حاكمه تعيش بقصور وسفرات لسويسرا وشعب مسحوق حاله بحال البدون لا سكن محترم ولا مستشفيات مثل العالم المتحضر ​

طيب اخوي الديفي​

والحكومه ماتدري يعني ؟؟؟ و ليش ما تبادر وتحل المشكله التي تعاني منها الكثير من الاسر الكويتيه ؟؟​

هل عندهم شعب غيرنا يصرفون عليه ؟؟؟؟؟؟؟؟؟​

السنا شعبهم ؟؟؟؟ اليسوا حكومتنا ؟؟؟؟​

شنو ؟؟؟​

هل نبحث عن حكومه في القطب الجنوبي المتجمد لتحل مشاكلنا؟؟؟


ما العمل ؟؟؟

شالدبره ؟؟؟

​

 

[bujassim]

طيب اخوي الديفي​

والحكومه ماتدري يعني ؟؟؟ و ليش ما تبادر وتحل المشكله التي تعاني منها الكثير من الاسر الكويتيه ؟؟​

هل عندهم شعب غيرنا يصرفون عليه ؟؟؟؟؟؟؟؟؟​

السنا شعبهم ؟؟؟؟ اليسوا حكومتنا ؟؟؟؟​

شنو ؟؟؟​

هل نبحث عن حكومه في القطب الجنوبي المتجمد لتحل مشاكلنا؟؟؟


ما العمل ؟؟؟

شالدبره ؟؟؟

​

لا مايتعبرونا بشر


اهمه يصرفون على الاردن وفلسطين والسودان والمغرب وجيورجيا ومصر وجزر واق واق
يبنون لهم مستشفى نوادي بيوت

احنا لا مايصير لان احنا يالشعب نسبب عجز بالميزانيه

 

[الديفي]

طيب اخوي الديفي

والحكومه ماتدري يعني ؟؟؟ و ليش ما تبادر وتحل المشكله التي تعاني منها الكثير من الاسر الكويتيه ؟؟
شكو الحكومه تراهم عبد مأمورين قول شيوخنا ما يبون يحلون مشكله الاسكان .. بسبب سوء توزيع الثوره
السكن والصحه والسفرات للشيوخ وحاشيتهم وللتجار .. الشعب عليه الازمه الاسكانيه والبحث عن الواسطه للصحه

هل عندهم شعب غيرنا يصرفون عليه ؟؟؟؟؟؟؟؟؟
عندهم شعوب يصرفون عليهم اولى من الكويتيين عندهم اللبنانيين والمصاروه والافارقه
عندهم ملك البحرين يرسلون له مليار ونصف لتقويه عرشه

السنا شعبهم ؟؟؟؟ اليسوا حكومتنا ؟؟؟؟
الاجابه تلاقيها بالدقيقه 2 وبالدقيقه 3:10 من هذا الفيديو

http://www.youtube.com/watch?v=xwjllrsTeK8​

 

[سبع]

اخوي سبع​

وليش ماتقول الناس مشغوله وبلشانه بعمرها
لامشغوله ولا شى اغلب اوقاتنا فراغ الاوربيين دوامهم مايتنهى الا بعد العصر ويلقون وقت للمطالبه والاعتصامات وتقويم حكومتهم للطريق الانسب والاحتجاج على القوانين اللى يشوفنها ظالمه لهم والتقصير بحقوقهم
الاخوان هنى بيقعد بقهوه والا دوانيه بيهايط ويبى النواب يطالبون لهم وجم واحد يطلع لتجمع ناطرين بيت االاخوان يبون جاهز بس بيقشرون ويكالون ويبون غيرهم يتعب للمطالبه بحقهم مشكله ثقافه قديمه صعبه تغيرها وتفهمهم انها مطالبه بحقوقهم ويجب عليهم المشاركه بالمطالبه ​

طيب ​

سمو رئيس الوزراء هل عنده علم ان هناك 100 الف عائله كويتيه مشتته بالايجارات​

؟؟؟؟؟؟؟؟؟؟؟
يعروفون النمله اللى تمشى واللى يدش واللى يطلع ويعرفون حال كل كويتى ومايدور بالتجمعات والدواوين عندهم خبر بكل صغيره وكبيره ​

هل مستشاريه يظهرون له صوره مزيفه للواقع بأن ليس هناك مشكلة ولا شي​

؟؟؟؟؟؟؟؟
المستشارين الله اعلم لاندرى عنهم شى بس مو كل الناس زينه فيهم الزين والوطنى وفيهم المتنفذ والتاجر وصاحب مأرب اخرى ​

ابي تفسير منطقي​

لآن الارض موجوده وشكبرها ... والفلوس موجوده وشكثرها ... والناس موجوده وتحتاج سكن !!!
صعب تلقى جواب عجز قبلك وقبلنا كل من حب يعرف وين المشكله لانها بالاصل لاتوجد مختلقه لسبب ما
او لفرض وضع ما​

مو معقول الوضع هذا​

ابي تفسير منطقي الحين الحين الحين​

وابي جواب الحين الحين الحين​

انا كمواطن طبيعي ابي افهم شاللي صاير​

الحين الحين الحين​

اتمنى انى وضحت لك لاتوجد مشكله كله مختلق شعب تعداده مليون وميتين الف
يمتلك بلد 95% فاضيه وبترول ويدخل باليوم 360 مليون دولار بالسنه 131 مليار دولار
غير الاستثمارات الخارجيه اللى ماندرى كم والاريادات الداخليه وصندوق الاجيال اللى ماندرى كم
المشاكل فى معضمها مختلقه او متروكه للمشاريع علشان المتنفذين ياكلون المشاريع هذا يبى تصليح وهذا يبى بنيان وانتى ماشى بس ماتشوف اى شى مشاريع ورقيه ونهب للثروه وتدور فى حلقه مفرغه
اذا كل شى مشى سليم وعال العالم مافيه مجال ونقص يحدثون فيه عقود ومليارت للنهب ​

 

[غيث]

أخي الكريم فيه مشاكل بالاسكان بس الشعب الكويتي صبور
فان شاءالله انها تخفيف ذنوب :وردة:​

 

[مواطن طبيعي]

مع كل احترامي للمشاركين​

الا أنني لم اجد ضالتي الى الآن !!!​

الميزانيه موجوده ... الارض موجوده ... الشعب مشتت بالايجارات ومحتاج فعلاً للسكن !!!​

اين المشكله ؟؟؟​

لماذا من بيدهم الامر في الاسكان او غيرها لا يقومون بحل هذه المشكله وتوفير السكن للمواطنين ؟؟؟​

هل هم يعلمون بحالنا كشعب وعوائل تريد السكن ولا يريدون ان يساعدونا ؟؟؟​

هل هم غير مهتمين بنا ؟؟؟​

هل نحن عاله عليهم ؟؟؟​

وما ذنبنا ان ولدنا من اباء عاشوا على هذه الارض ؟؟؟​

وهل ذنبنا اننا ولدنا هنا ؟؟؟​

هل نهاجر ؟؟؟​

ومن جانب اخر​

البراك والسعدون ومن لف لفهم​

لماذا لا نراهم يتكلمون عن هذه المشكله التي يعاني منها الكثير​

من المواطنين ؟؟​

ام انهم كذلك مو فاضين لنا ​

ومشغولين بمتابعة دوري كرة القدم القطريه ​

!!!!!!!!!​

 

[عبدالله .]

للأسف هالمشكلة بالذات هي اهم اولوية المفروض تضعها الحكومة للحل والتنفيذ الجدي
والله الناس ملت تنطر 15 سنة على بيت العمر !!!! كلام فاضي هذا
اللهم لاحسد صادفت لي شخص قطري سألته عن مدة استلام الشخص للأرض
يقولي الحين صارو يطولون مو نفس قبل !!!
قلت له يعني جم المدة قالي سنتين اما القرض الاسكاني 6 شهور لا وهالشي مو المتعودين عليه هناك يعني قبل كان اسرع !!!​

المفروض نصير نفسهم إذا مو احسن بعد
مو قاصرنا شي
بس ذبحنا
جشع التجار - مماطلة الجهات المختصة مثل النفط ​

المشكلة هاذي محتاجة ناس تخاف الله وتبي فعلاً تنهي هالمشكلة المصطنعة
راتبك يطير منه 300 دينار عالراحة عالسكن
وإذا كبرت عائلتك ادفع ياحبيبي ادفع مايقل عن الـ 500 واللي راتبه ماتجاوز الـ 1000 شيسوي بالله​

لاحول ولاقوة إلا بالله
الحكومة ماراح تتحرك إلا بضغط شعبي كبير ومتأملين خير من حملة ناطر بيت ومنو اول تجمع بتشوفون الحضور الكبير
إن شاء الله الحضور يزيد بس اهم شي لايصيب الاخوان القائمين عالحملة الاحباط​

 

[مواطن طبيعي]

انا مو باط جبدي الا ممثلين الشعب ​

كله تمثيل بتمثيل​

طيب وسكن المواطنين اللي بأمس الحاجه الى منزل !!! ؟؟؟​

فعلاً شيء يقهر ويصيب بالاحباط​

المواطن البسيط ماله أحد يعني ؟؟؟

ليش ما يحبووووووونا ؟؟؟


وين نروووووووووووح ؟؟؟


​

 

[Q8 1]

الى مستغرب منه اعضاء مجلسنا مايطرون هلقضيه الكبيره الى تخص شريحه كبيره من الشباب​

احب افيدك انعزمت مره عند صديق اماراتى فى ابوظبى بيته حكومى الله العالم مساحته 1000متر وراقى ومصمم احلى تصميم
طبعا من ضمنه ارتداد داخلى حديقه كبيره حتى المظلات كونكريت حق سيارتين
والشوارع وااااسعه اقرب جار يبعد 70 متر تقريبا
النوذج الحكومى الى شفته لو عندنا بلكويت محد ياخذ ارض وقرض انسى
انا استحيت اتفاصل معاه عن مدة الانتظار وشنو القيمه الى تاخذها الحكومه عن المنزل
عن لا يقول فى نفسه شهلفقريه والشفاحه ​

اهو مو كبير بلعمر واسرته صغيره والبيت عووووووود
عسى الله يهنيهم بحكومتهم ويبارك فى منزله وعياله​

والله العظيم اخنقتنى العبره على حالنا وحال الشباب الى عياله صارو طوله وللحين اجار او فبيت الوالد
الازمة عندنا اجزم انه وراها شى وهذا واضح لكل عاقل بس شنو الله اعلم​

 

[بوعمر]

الزبده: شلون يبون اذلونا لازم يستخدمون هذي الطريقه ولا انت عبالك ما يدرون..!!! لا يدرون ونص والمصيبه مو بالبيت والله المصيبه بالصحه وارواح الناس راحت .. يعني هل يعقل اذا ابي اعلاج نفس الناس لازم اشوفلي واسطه حق العلاج بالخارج وقمه المذله عشان اسفروني ... مالنا الا الصبر وانا ضد الكمبارسيه ال 50 الي بالمجلس بجميع اطيافهم

 

[بن ذى يزن]

الله كريم

نبي اسعار العقارات تنزل بالكويت

يعني مو معقوله ارض بربع مليون وتطل على الحساوي

نتمنى توزيع الاراضي على الشركات
والشركات تسوي الخدمات وتبيعها باسعار معقوله

 

[مواطن طبيعي]

الى مستغرب منه اعضاء مجلسنا مايطرون هلقضيه الكبيره الى تخص شريحه كبيره من الشباب​

احب افيدك انعزمت مره عند صديق اماراتى فى ابوظبى بيته حكومى الله العالم مساحته 1000متر وراقى ومصمم احلى تصميم
طبعا من ضمنه ارتداد داخلى حديقه كبيره حتى المظلات كونكريت حق سيارتين
والشوارع وااااسعه اقرب جار يبعد 70 متر تقريبا
النوذج الحكومى الى شفته لو عندنا بلكويت محد ياخذ ارض وقرض انسى
انا استحيت اتفاصل معاه عن مدة الانتظار وشنو القيمه الى تاخذها الحكومه عن المنزل
عن لا يقول فى نفسه شهلفقريه والشفاحه ​

اهو مو كبير بلعمر واسرته صغيره والبيت عووووووود
عسى الله يهنيهم بحكومتهم ويبارك فى منزله وعياله​

والله العظيم اخنقتنى العبره على حالنا وحال الشباب الى عياله صارو طوله وللحين اجار او فبيت الوالد

الازمة عندنا اجزم انه وراها شى وهذا واضح لكل عاقل بس شنو الله اعلم​

ترا الامارات مثل وضعنا بالضبط


شعب قليل + ارض فاضيه شاسعه + ميزانية نفطيه قويه


بس الفرق بينا وبينهم


انهم هناك فيه اهتمام ورعايه للمواطنين والحرص على توفير الحياة الكريمه لهم


حنا هني مادري شفينا !!!


اهالي مدينة صباح الاحمد موزعه من سنتين للحين ماخلوهم يبنون ويستقرون


والله اكثرهم شياب اصغرهم اللي اعمارهم بالاربعين وتوهم يستقرون في بيت



وقطر والامارات المواطن الكريم مايجي عمره الثلاثين الا وهو مرتاح وعنده بيت




مانقول الا الحمد لله على كل حال

صبر جميل والله المستعان



​

 

[مواطن طبيعي]

الله كريم

نبي اسعار العقارات تنزل بالكويت

يعني مو معقوله ارض بربع مليون وتطل على الحساوي

نتمنى توزيع الاراضي على الشركات
والشركات تسوي الخدمات وتبيعها باسعار معقوله

شلون تنزل اسعار الاراضي

وعشرات الالاف من العوائل الكويتيه مشرده ومشتته بالايجارات ؟؟؟؟


عوائل خمس وست محشورين في بيت حكومه بالظهر والرقه كأنه علبة السردين


مو لاقين بيت يسكنونه


وتبي العقار ينزل سعره

​