سؤال وجواب السلام عليكم تيقنت أن زوجي تزوج علي ........؟؟؟ ماذا أفعل

[دعاء]

تيقنت من أن زوجي المحترم المثل الاعلي للاولاد تزوج علي سرا ما فكر فيها يوم كنا شباب الحين فعلها بدون قصد فتحت الخزنه الخاصه به فوجدت عقد زواج من بنت تصغره ب 30 سنه فصعقت ورديت الاوراق في مكانها وهو لا يدري أن علي علم بعملته السودا هل علي أن اكست وارضي بالامر الواقع أم علي اطلب الطلاق وبناتي علي وشك زواج اهدم بيتي بيدي والمصيبه مش قادره استحمل وهو علي ذمته غيري انا في حيره ارجوكم لا تبخلوا علي بالنصيحه مع الاعتبار النار المشتعله داخلي ولا يحس بالنار الا من عاني ما عنيت اطلب الطلاق أم اصبر او او او او او ماذا مش عارفه اعمل ايه ؟؟؟؟

 

[آصال]

والله يعني الريال يتزوج عااااااادي ؟ مصخره شالريااايل يتزوجون على حريمهم وأنتو. اطبطبون عليها اكيد تطلق اعيالج على ويه زواج والزوج يتزوج وانا اجامله لا كلش ماله معنى انتي تطلقي منه وانا لو منج اطلق وأتزوج دوغري ال صبري ال افتكي افتكي يلا

 

[~ نوره ~]

دامج تيقنتي وعرفتي خلاص شي صار وانتهی
وعيالج كبار .. مو صغار فمعناته انتي مو صغيره
فالانفصال مو حيل مهم .. الا اذا كانت عزة نفسج كبيره
ابي اقولج شي مهم .. الرجال مو شي اساسي لا زعل بجيت ولا خان انهرت ولا تزوج انتهيت
الرجال محطه اخترتيها بحياتج وان كانت محطه رئيسيه واساسيه
ان قدرني قدرتج ماقدرني .. اخر همي
سعادتي مو موجوده بمخباته
انا مابي اشيشج
بس انا مااحب الزوج الي يعتبر زوجته مرحله او شي مؤقت متی مازهق استبدلها .. واحنا مانزهق من خشتهم يعني ؟
الزوج مايغير اهله مايغير وظيفته مايغير بيته
والزوجه يغيرها ؟ هذا دليل قلة غلاها ومكانتها عنده
لو يحبها مايرضا ينزل دمعتها
انا اقوول طاااف وعيشي واستانسي
اصلا منو عندها وقت لزوجها الحين عشان تفكر فيه لا وتزعل
وظيفه وصالون ونادي وسوق وجمعات وعيال نشوف احتياجاتهم
وقتج مو فاضي للحزن والضيقه عليه
اكشخي وحررريه
والله يعوضج كل خير

 

[~ نوره ~]

لحظه لحظه توني قريت ردود البعض
خل اعدل قعدتييي

ماشاالله الدين صار شماعه للبعض
اجل حلل اربع .. تحللت بطون حزب الله
الشرع حلل اربعه في حالة وجود عيوب شرعيه .. ك عدم قدرة الزوجه ع الانجاب .. ع مرضها .. ع سفر الزوج الدائم الخ

اسباب فعليه

مو اسباب جنك داش الجمعيه وتتفرج ع المنتجات واتنقی بكيفك

في تقدير للزوجه في احترام لها .. في تقدير لصبرها لحبها لتضيحتها

انت ماتجرأ تخون صاحبك وتستبدله .. ولا تسوي شي يضايقك
طيب مرتك اولی بهالوفا والتقدير والشهامه ياحظي

ذبحتونا بهالكلمتين .. ماحفظتو من الدين الا هي
ولو قلنا بطل زقاير تفلسفت ولو قلنا غض النظر تساهلت

يختج طااف واستانسي واكشخي
واقهرررريه .. واثقلي
والله يسعد قلبج قووولووو امين

 

[آصال]

اي والله صدقتي شخباري هالمسلسل الحزين جرح الزمن اقعد بالنادي مساج ريلاكس وحريه طلعات وسفرات ولا اذا بيظيق خلقها عز الله تموت قبله انا مستغربه من الريااييل يدش الخمسين الحبيب يبي يبدي حياه يديده ولا يبي ياهل بعد صغير عالحب انته ٥٠ سنه لك خلق تربي وتودي وتييب ما علينا نصيحه لكل وحده زوجها يتزوج عليها اطلقي وانطلقي لانه نظام ازعل وايد قديم وماراح يجدم ولا ياثر وانتي في مرحلة الزعل بيكون اهوه عنده منتخب اطفال ولا شرطي على زوجج انه زوجه تشتغل خدامه عندج تفكج من شغل البيت استفيدي من زواجه

 

[رَسـيـلْ]

دعاء إن شاء الله يكون لك من معرفك نصيب :وردة: مالك غير الدعاء اختي

 

[houdaalawi2000]

لا مو حل ياختي بالعكس هدا حيزيد المشاكل صدقيني انا اقولك من واقع تجربتي احمدي ربك انه تزوج تتصوري لو لقيتي زوجك يتكلم مع وحدة وطلبت منه طلاق واديني مشرفة فبيت اهلي هدا مو حل صدقيني

 

[q8_500]

اختي الكريمه ,, الموضوع جدا بسيط ,, وفي حالات كثيره مثل حالتج ,, الموضوع عادي

وقوليله مبروك وانشالله تتهنى وياها وعيشي حياتج عادي لا تطلقين مو حلوه بحقج ولا بحق اسرتج انج تتطلقين بعد هالعشره هذي كلها

 

[آصال]

لا تقصون عالمره يعني عادي عند زوجي انه يشوفني مع واحد اكيد لا عيل حتى المره ما ترضاها

 

[q8_500]

لا تقصون عالمره يعني عادي عند زوجي انه يشوفني مع واحد اكيد لا عيل حتى المره ما ترضاها

لا اجل تطلق احسن ؟ الله يهديج بس اختي

تذكري حديث النبي عليه الصلاة والسلام : ايما امرأة طلبت الطلاق من زوجها من دون حق حرام عليها رائحة الجنه

تقبلي تحياتي وتقديري اختي الفاضله امال

 

[mana]

دعاء ..
لاحظي تفاوت الآراء , و تأكّدي الموضوع هذا خاص جداً فيج .. و يعتمد على شخصيتج و طبيعة علاقتج مع زوجج ..
مسألة أنه يتزوج بدون علمج , هذي بحدّ ذاتها تُعتبر "خيانة" إن صحّ التعبير .. و بِما أنه تزوّج بنت أصغر منه بـ 30 سنة , فأعتقد واضح وضوح الشمس مقصد زوجج من هذا الزواج .
لو لا قدّر الله الموضوع يرجع لي , أنفصل عنه كُلياً بدون طلاق رسمي , لأنه الشي اللي صار بينكم مفروض ما يأثر على عيالكم .
نفس ما قلت لج في البداية , الموضوع خاص فيج .. أنتِ اللي بس تقررين شنو ممكن تسوين ؟

الله يهدّي سرّكم ياربّ .

 

[بحار بحار]

سكتي وسوي نفسي ماتدرين بموضوع زواجه لو تطلقتي العيال راح يضيعون وخاصه الصبيان
قعدي وأراضي بالواقع عشان العيال