إلى أهل الجهراء الاعزاء .. ترانا وخذنا

[أبوعزام]

أنتهت فرعية مطير قبل قليل
بتزكية 4 من خيرة رجالات مطير

وقبلها أنتهت فرعية رشايدة
بتزكية 4 من خيرة رجالات رشايدة

نزول نواب سابقين مستقلين
مسلم - ضيف الله - حسين مزيد
يعتبرون مصب لأقليات الدائرة الرابعة

جميع هؤلاء من محافظة الفروانية !!

المجموع = 4 مطران + 4 رشايدة + 3 نواب سابقين = 11
والموجود هو 10 مقاعد فقط
يعني واحد من مرشحين الفروانية راح يسقط جبراً

لهذا أقول للجهرواية الأعزاء
ترانا وخذنا يا الربع ​

 

[أبوعزام]

الفكرة من الموضوع​

بأنه الناظر للواقع الآن
ولحال الدائرة الرابعة​

يشفق على محافظة الجهراء
التي كانت تخرج في السابق 4 مرشحين لمجلس الأمة
تعجز الآن عن الحصول على مقعد واحد في مجلس الأمة​

والسبب طبعاً هو التقسيمة الغير عادلة للدوائر
والفرعيات التي أغلقت الطريق على باقي الأقليات

قالها مطر طليحان
الجهراء وخذت​

 

[دي نيرو]

لهذا أقول للجهرواية الأعزاء

ترانا وخذنا يا الربع ​

يابوعزام ولا حولكم صبح الله لايبلانا ...طارت الطيور بأرزاقها وأنا أخوك خيرها بغيرها وتقبل تحياتي:وردة:

 

[أبوعزام]

أجل الوعد في مجلس 2012
نسوي تحالف جهراوي قوي وناخذهم مثل ما وخذونا

 

[جهراوي]

في بدايات القرن القادم نامل بقوة الله وحوله ان تعود مقاعد الجهراء الى ابنائها

 

[دي نيرو]

السؤال الصعب هل وصلت المعلومة الي الأخوة المحترمين من أمثال محمد الخليفة وأحمد الشريعان وخضير العنزي والا بعد ماوصلت؟؟

 

[رأي خاص]

الجهراء ستحصد ثلاث كراسي ..


و 17 - 5 سيثبت كلامي


والأقرب 1- محمدالخليفه 2- احمد الشريعان 3- علي دخيل

 

[أبوعزام]

ويستمر الإنتظار للقرن القام ​

 

[أبوعزام]

واقعي

خلك واقعي يا رجال
الطيور طارت برزاقها وربعنا نايمين بالعسل ​

 

[يوزر انتحاري]

ماراح الوقت في فرص للمفاجآت وظهور تحالفات قوية لكن وين اللي يلعبها صح ؟؟ أعتقد اهل الجهراء عندهم فرصة في علي دخيل فهو قوي وداخل المنافسة وله قبول عند مختلف أطياف الجهراء بحد علمي ... شدو حيلكم معاه ولاتضيعون أصواتكم وتشتتونها مع الحدسيين الجهراويين البصيري وخضير

 

[أبوعزام]

الحدسيين إذا يجيبون كرسي للجهراء
نصوت لهم .. أهم شي عندنا الأخلاق

علي دخيل أعتقد أنه وخذ مع قبيلة عنزة
مثل ماوخذت الجهراء !! ​

 

[دي نيرو]

لقد قالها المحامي مطر طليحان الشمري وسجلها التاريخ :الجهرا وخذت!!

 

[يوزر انتحاري]

ههههههههه الجهرا وخذت !! الله يوفق الكل وهاذي هي اللعبة والمنافسة ومعاكم حق الحقيقة الجهراء انظلمت بهلتوزيعة الغير عادلة واحتكروا الكراسي مطير والرشايدة

 

[صوت الوطن]

هنا يكون دور شباب الجهراء بنشر التوعيه واختيار من يمثلها

 

[الوسمي1]

؟؟


استغرب حقيقه الموضوع

وكأن الفروانيه والجهراء ماهي من الكويت ؟؟

اسألك بالله اعضاءك 4 اللي كانو ينجحون شنو فادوك فيه ؟؟


سواء نجحو اللي ذكرت ولا مانجحو عندك عشر اعضاااء

وابد اذا تبي شي منهم دزلي رساله وابشر بعزك بدون صوتك بعد

الطيب حنا اولى فيه وحنا اهله

تقبل ارق التحايا

 

[أبوعزام]

صوت الوطن

هذا بلا أبو ياعقاب
قبايلنا مختلفه وعوايلنا مطرفه
لا من حضرنا ولا من بدونا
وكل ماتروح لواحد جهراوي قالك الصوت الاول لمسلم ولا أبو رمية ولا حسين مزيد
وربعنا مساكين محدن درى عنهم بالفروانية

يارجال خلها على الله بس​

 

[الوسمي1]

صوت الوطن​

هذا بلا أبو ياعقاب
قبايلنا مختلفه وعوايلنا مطرفه
لا من حضرنا ولا من بدونا
وكل ماتروح لواحد جهراوي قالك الصوت الاول لمسلم ولا أبو رمية ولا حسين مزيد
وربعنا مساكين محدن درى عنهم بالفروانية ​

يارجال خلها على الله بس​

علي قدر ما تضحكني تبكيني ربعك منو اللي محد درى عنهم

العيار ولا السعيد الجهراء منعرفناها وهي بصامه الا من رحم الله محمد الخليفه والشريعان

اول فرحنا بنجاح عواد برد الله لا يعيد ذاك اليوم


عموما اخوي الغالي صوتك وانت حر فيه ترى مو الجهراء اللي علي قولتكم وخذت الا ربعنا اللي وخذو مسلم وحسين وبو رميه راح يصيرون اعضاء الجهراء مو بعيد ينزلون بفرعيتكم ههههه

 

[بو ماجد]

صراحه أذا الجهرا ينزل فيها عينة حمد الفارس وصالح السعيد أعتقد حتى جدتي الله يبيحها بتفلي فيكم

عزتيلكم والله

 

[ابن القبائل]

اخواني الحين الوضع صار الحهراء هي الفروانيه

واصوات رشايدة الجهراء و مطرانها لعيال عمهم

ماراح يحسون انهم من الجهراء

بس المقصود من الموضوع هو مرشحين باقي القبايل بس

 

[تشرشل]

عموما اخوي الغالي صوتك وانت حر فيه ترى مو الجهراء اللي علي قولتكم وخذت الا ربعنا اللي وخذو مسلم وحسين وبو رميه راح يصيرون اعضاء الجهراء مو بعيد ينزلون بفرعيتكم ههههه

ياولد اسكت تراني متروع خلقه لا تخرشنا مره وحده