العنتري والنعم بالرجل ماقلنا شيء عن أخلاقه .. لكن الانتقاد على كل مرشحي حدس بدون استثناء مو لعضو بعينه ليش ؟؟ لأن الحركة تسيطر عليهم كلهم ولانهم كلهم مالهم رأي بعد رأي المكتب الرئيسي .. الحركة تحركهم .. حدسي الرابعة هو حدسي الثانية هو حدسي الخامسة الخ ... الحركة هي من يحركهم وهي من يتخذ القرارات عنهم ..
عزيزتي حامض حلو ... انا مو ضد أن يتعصب الشخص لابن منطقته او لولد عمه ان كان في نظره مناسب لتمثيله و ان شاف انه كفؤ فهو بالتأكيد أولى بدعمه .. ولكن استنكر التناقض وعدم الثبات على المبدأ !!حدس في الخامسة شيطان رجيم وفي الرابعة ولي حميم؟ هذا ما أثار استغرابي !!! ثم كلامج بأن تعصبهم للحدسي في الرابعة هو بسبب كونهم أقلية في الرابعة فاقول اكو شكثر أقليات في الجهراء وبعضهم لهم مرشحين وان كانو مغمورين ومع ذلك أصواتهم بتتوزع بين مرشحين خارج قبيلتهم بحسب مايراه كل منهم وبحسب اقتناعهم .. فاذا ليش من أسقط حدس وشرشحهم وفضحهم يتغير مبدأهم ويوصلون الحدسي البصيري للمجلس ؟! هاذي مو فيها اساءة للقبيلة ؟؟ مو فيها وصول شخص بيسود وجيهم بالمجلس وياخذ مكان شخص اكفأ منه لمجرد انه مو من القبيلة ؟؟ مخرجات فرعيتهم في الخامسة ممتازة ويشرفون وبيرفعون اسم القبيلة ويمثلونها ... مرشح حدس في الرابعة شنو الفايدة منه ليش يخربون على نفسهم ؟! بس عشانه حامل لاسم قبيلتهم ؟؟ للأسف ان يكون هذا تفكيرهم أو تفكير القبائل الثانية !! اكون مقتنعة بمبدأ وأنسفه عشان شخص يحمل اسم قبيلتي؟؟ !! اذا الهدف حجز أكبر عدد من الكراسي لكل قبيلة مهما كانت كفاءة الشخص ومهما كان أداءه ؟؟!! كدينا خير !!
معلومة صغيرة اختي ... البصيري رغم وصوله للمجلس طول هلسنين تدرين انه عجمان منطقة الجهراء ليبغو شيء يروحون لطلال العيار ولا يروحون للبصيري ؟؟ دايما يردهم .. وهلكلام مو مني اسألي عجمان الجهراء هلكلام من رفيجاتي العجميات ... يعني لا هو صاحب مواقف يرفع فيها راس القبيلة ولاهو من نوعية " اخدمني وخلص لي معاملة ووظفني " فالرجل ماهو قادر يخدم عيال عمه ولاهو قادر يخدم ديرته شلفايدة يوصلونه للمجلس ؟؟ عشانه شايل اسم القبيلة بس ؟؟ سبحان الله
كلامك هذا يا اختي كلام المستقلة بانتخابات الجامعة والله
اتوقع إن اكبر مشكلة عند الكثيييير واخص بالذكر منهم االمناطق الخارجية غير متابعيين للبرلمان واخباره فقط يعلمون مسيريين ليس لهم رأي
ليش انتي ما تدرين إن الحركة تتكون من اكثر من 15 عضو ويتكون منهم الامانة العامة 6 اعضاء بالإضافة إلى نواب افاضل سابقيين ومن لهم خبرة في هذا المجال ومنهم مبارك الدويلة ونصار الخالدي ومساعد الظفيري والسالفة ترى مو إلي يتخذ القرار أهو الأميين العام ويفرض كلمته على النواب لأ لأ الموضوع ينطرح بالأمانة وتتم مناقشته والاتفاق على قرار الأصوب
الحركة نواة حزب وهذا هو حال الأحزاب الموجوده في العالم
سؤال لماذا الإشاعة هذه (ماله قرار ويمشي على الحركة (جنه أهو مو منهم) ) تنقال للحركة فقط ولا يخص بها أخوانا التجمع السلفي أوالتحالف الوطني الديقراطي!!!!
