سؤال وجواب استشاااره تجاريه

[الخاطر]

السلام عليكم ..
اخواني الاعزاء ...
يقولوون الاولين من الشباب الطيبين ( من استشارك دخل ذمتك ) ..
انا عندي مبلغ 100 الف وأبي استثمرهم ..
شرايكم وش المشروع الناااجح ..
ولكم مني دعوه في ظهر الغيب ..:وردة:​

 

[شمري كويتي]

افضل مشروع مضمون هو انك تشتري شقة تمليك
تأجرها وتستفيد من اجارها الشهري
واذا حبيت تبيعها بعد فترة راح يرتفع سعرها
الشقق التمليك تبدأ أسعارها من 70 ألف دينار
انصحك تشتري شقة جديدة ومساحتها كبيرة
وفي مناطق مافيها زحمة مثل ضاحية صباح السالم
اذا تفكر تسكن فيها في المستقبل وماتبي منطقة فيها زحمة
واذا ماتفكر تسكن فيها تقدر تشتري في منطقة الشعب البحري
او الجابرية او حولي او السالمية او الفروانية

 

[الخاطر]

:وردة::وردة::وردة::وردة::وردة::وردة::وردة::وردة:

افضل مشروع مضمون هو انك تشتري شقة تمليك
تأجرها وتستفيد من اجارها الشهري
واذا حبيت تبيعها بعد فترة راح يرتفع سعرها
الشقق التمليك تبدأ أسعارها من 70 ألف دينار
انصحك تشتري شقة جديدة ومساحتها كبيرة
وفي مناطق مافيها زحمة مثل ضاحية صباح السالم
اذا تفكر تسكن فيها في المستقبل وماتبي منطقة فيها زحمة
واذا ماتفكر تسكن فيها تقدر تشتري في منطقة الشعب البحري
او الجابرية او حولي او السالمية او الفروانية

رأيي طيب وونتظر بعض الارااء والاقتراحات ,,,,
نورت صفحتي .. واسعدنـي مرورك ومشاركتك ,,, :وردة:​

 

[بحار بحار]

تشتري شقتين مقابل بعض واحده تأجرها والثانيه تسكن فيها

أو تشتري بيت بجليب الشيوخ وتأجره واللي راح تستفيد منه إن في يوم من الأيام المنطقة كلها راح تثمن ويسوونها قسايم ومنطقة أسواق تجاريه ماكو شي يظل على حاله

يعني انت تقدر تشتري القسيمه بنص المبلغ وبنفس المنطقه وتبنيها طابقه واحد وبعدين الطابق الثاني والثالث مو شرط الأرض كلها فرض عندك 400 متر تبني ب 100 متر يعني بصير نظام شقق أربع تحت وفوق كل شقه يتحمل شقتين زياده 12 شقه ثلاث غرف وصاله ومطبخ وحمامين

 

[الخاطر]

نور المنتدى بحضورك اخوي بحار ...
واول مشاركاتك الفزعه ...
وان شاء الله تفيد وتستغيد ...

لكن كم أسعار الجليب وين موقع البيع بالضبط​

 

[بحار بحار]

نور المنتدى بحضورك اخوي بحار ...
واول مشاركاتك الفزعه ...
وان شاء الله تفيد وتستغيد ...

لكن كم أسعار الجليب وين موقع البيع بالضبط​

تسأل مكاتب العقار أهمه يفيدونك أنا ماعندي علم بالهشي وين صاير مكان البيع وجم الأسعار ولا عندي بيت بالمنطقة

أنا مجرد عطيتك الفكره مثل باجي المناطق إللي مثلها تثمنت من قبل هم بعد هذي إيها يوم وتثمن وتصير منطقة قسايم وتجاريه داخله مثل مناطق التنظيم الحديثه

 

[بوعزوز2000]

افضل شي العقار نفس ما قالوا الشباب .. بس بالنسبة للجليب مستحيل تحصل ٤٠٠ متر بمبلغك كله اذكر من فترة اخوي اشترى بيت ربع اخذه ب ١٢٠ الف .. نصيحه يا انك تحطهم بالعقار .. او انك توزعهم على اكثر من مشروع ..
عطني ٤٥ الف استثمرهم .. لمدة سنة بيردون لك ٦٥ الف شرايك؟

 

[بحار بحار]

افضل شي العقار نفس ما قالوا الشباب .. بس بالنسبة للجليب مستحيل تحصل ٤٠٠ متر بمبلغك كله اذكر من فترة اخوي اشترى بيت ربع اخذه ب ١٢٠ الف .. نصيحه يا انك تحطهم بالعقار .. او انك توزعهم على اكثر من مشروع ..
عطني ٤٥ الف استثمرهم .. لمدة سنة بيردون لك ٦٥ الف شرايك؟

أقصد مع فلوس التثمين طبعا بيطلع أكثر من المبلغ إللي إنشرى في البيت وبعد ماتطلع فلوس التثمين تنشرى الأرض في أي منطقة مو منطقة محدد يعني ال ( 400 ) متر أقصد الأرض تنشرى ب ( 400 ) متر في أي منطقة كانت في الكويت تنبني فيها طابق واحد أرضي وينقسم الدور الأرضي ل
( 4 ) شقق كل شقة ( 100 ) متر يطلعون ( 4 ) شقق الدور الأرضي بالمستقبل ينبني الدور الثاني وبعدها الثالث نفس الشي كل شقة ( 400 ) متر لو ( 3 ) طوابق كل طابق ( 4 ) شقق مجموع الشقق ب ( 3 ) طوابق ( 12 ) شقه يقدر الواحد يسكن ب بشقتين ويأجر باجي الشقق





سمعت من فترة إن منطقة الجليب السكني بيثمنونها أما التجاري ماراح تثمن

 

[الخاطر]

قواكم الله ياشباب بأرئكم الحلوه ..
بس الجليب مطول شوي على التثمين ..
واحتمال قوي مافـي تثمين ..

 

[بحار بحار]

بنايه بالشارقه أو عجمان ب 70000 أو 80000 ألف

 

[بحار بحار]

بنايه بالشارقه أو عجمان ب 70000 أو 80000 ألف

والأفضل مجموعة شقق في ألمانيا أو بريطانيا أو بنايه تشتري بناية كاملة في ألمانيا أو لندن 3 أو 4 طوابق وتأجرها مكان قريب من المستشفيات أو الجامعات أو داخل المدينة وتحت الشقق أو البنايه محلات مثل بقاله أو سوبرماركت كبير بس المهم أسأل شلون عالضرايب هذي نقطه مهمه وإللي أعرفه إن ألمانيا ضرايبها مو مثل بريطانيا


والأفضل إنك تشتري العقار بدولتين

في أوربا الأوضاع مستقره مو مثل الشرق الأوسط

 

[شمري كويتي]

بنايه بالشارقه أو عجمان ب 70000 أو 80000 ألف

كم دور فيها تقريبا
كم شقة في كل دور
كم الايجار الشهري للشقة الوحدة
كم الدخل الشهري الكلي بشكل تقريبي للبناية
هل سعرها 80 ألف درهم اماراتي ؟

 

[بحار بحار]

كم دور فيها تقريبا
كم شقة في كل دور
كم الايجار الشهري للشقة الوحدة
كم الدخل الشهري الكلي بشكل تقريبي للبناية
هل سعرها 80 ألف درهم اماراتي ؟

لا سعرها ب 80000 الف دينار

إللي سمعته عن هالسعر من شخص ما أدري جم الإيجار جم دور

وبعدين مو أي صاحب عقار الواحد يشتري منه في منهم نصابين أي شي يبي يبيعك بس عشان يربح وفي بعضهم أمينين وعن طريق معرفه أفضل وأحسن

الإمارات غير الكويت ، في الإمارات لو أجرت شقه يتعاملون بالشيكات يعني مثلا الشقه إيجارها سنوي 1500 دينار عندهم أربع دفعات لازم تدفعها يعني ال 2000 تتوزع على أربع شيكات كل شيك 500دينار وكل 3 شهور ينصرف الشيك يعني شهر ( 1 و 2 و 3 ) عدينا ( 3 ) شهور ، شهر ( 4 ) ينصرف الشيك ، ( 4 ، 5 ، 6 ) عدينا ( 3 ) شهور شهر ( 7 ) ينصرف الشيك

دبي الشارقه أبوظبي إجارهم غالي عجمان متوسط باجي الأمارات أرخص منهم


أي واحد يفكر يشتري عقار يا يشتري بديرته أو أوربا

لو الشخص حاب يشتري عقار بأي مكان الأفضل يوكل محامي يمكن يطلع العقار وهم

يمكن بعد مايجيك المحامي ويشوف العقار كله وهم والشخص إللي ببيع عليه يطلع نصاب

الشراي يدخل ويشوف مكتب وله شركه وآخر شي يوقع وبعد التوقيع يسلمه المبلغ والشخص إللي ببيع عليه يقب بالفلوس بعد ما خذاها من هذا وذاك وسيده عالمطار بعد مايحولها على أكثر من بنك أو التحويل عن طريق أكثر من شركه

 

[الخاطر]

ضعنا بالطوشه ..
ماتعرف الصادق من النصاب
الوضع اكثره مايطمن هاليومين ..
شرايكم شراء معدات ثقيله من المانيا ..
​

 

[شمري كويتي]

ضعنا بالطوشه ..
ماتعرف الصادق من النصاب
الوضع اكثره مايطمن هاليومين ..
شرايكم شراء معدات ثقيله من المانيا ..
​

اشتر عقار في ديرتك اذا تبي تضمن فلوسك
حتى لو تشتري شقة تمليك افضل من المغامرة في مشاريع غير مضمونة
الا اذا عندك دراسة جدوى اقتصادية فهذا شي ثاني

 

[الخاطر]

شكرا على النصيحه التي من القلب ياشمري ..
واسعدنـي مرورك العطر ومشاركتك .. ​

 

[كيفان]

اخوي الخاطري يعلم الله ما دخلت بحسابي الا علشان اسالك سؤال وافيدك ولا ابي منك الا الدعاء >>>>>>>>>> سؤالي ما هو اقل مبلغ تقبل فيه كمدخول شهري من مبلغك اللي هو الــ 100 الف دينار ؟؟؟؟ انا اتكلم عن مدخول شهري ثابت ومضمون ومستمر وفلوسك موجوده >>>>>> لا تستعجل بالحكم ما راح اقولك افتح شركة وغيره والـــخ من مخاطر الاستثمار>>>> سؤالي واضح ما هو اقل مدخول شهري ترضى فيه من الــ 100 الف دينار وانت حاط رجل على رجل ؟؟؟ بعدك جوابك راح اقولك الموضوع >>>>>> تحياتي

 

[شمري كويتي]

أنا بالنسبة لي أقل مبلغ أقبل فيه ألف دينار شهريا

 

[الخاطر]

اخوي الخاطري يعلم الله ما دخلت بحسابي الا علشان اسالك سؤال وافيدك ولا ابي منك الا الدعاء >>>>>>>>>> سؤالي ما هو اقل مبلغ تقبل فيه كمدخول شهري من مبلغك اللي هو الــ 100 الف دينار ؟؟؟؟ انا اتكلم عن مدخول شهري ثابت ومضمون ومستمر وفلوسك موجوده >>>>>> لا تستعجل بالحكم ما راح اقولك افتح شركة وغيره والـــخ من مخاطر الاستثمار>>>> سؤالي واضح ما هو اقل مدخول شهري ترضى فيه من الــ 100 الف دينار وانت حاط رجل على رجل ؟؟؟ بعدك جوابك راح اقولك الموضوع >>>>>> تحياتي

اولا مشكور اخوي كيفان على مرورك ومشاركتك ...
انت تسألني انا بودي اكثر مدخول ان امكن ...
لكن يكون عندي شوي قناعه ممكن 3 الاف ...
وعلى كل حال الله يوفق الجميع ولا يخسرمسلم ...​

 

[كيفان]

هلا اخوي الخاطر

بقولك الموضوع باختصار وراح اقولك المدخول اللي راح يجييك

والله وبالله وتالله قسم عظيم احاسب عليه يوم القيامة >>>>>>>> اني مواطن عادي وليس لي علاقة بشركة اعيان


شركة اعيان انا حاط فلوس عندهم من سنتين ونص

شركة اعيان عندهم صندوق عقاري اسمه صندوق عوائد العقاري

هذا الصندوق يعطيك ارباح 5.91 سنويا على المبلغ اللي تحطه بالصندوق >>>>>> والارباح تنزل شهريا

ممكن تقولي طيب انا شنو يضمن لي فلوسي ما تروح مثل شركات النصب المنتشرة بالكويت ؟؟؟

الصندوق تاسس عام 2005 ومستمر لغاية اليوم يعني 12 سنة >>>> وفي بدايته كان يعطي 12 % ارباح لكن الحين يعطي 5.91

والصندوق اسلامي وشرعي 100 % وعندهم لجنة شرعية

الاشتراك بالصندوق في اشهر محدده وهي شهر 3 وشهر 6 وشهر 9 وشهر 12 >>>> يعني لو تروح لهم الحين وتقول لهم ابي اشترك ما راح يقبلون وراح يقولون لك تعال شهر 12

وايضا سحبك لفلوسك يكون في نفس الاشهر هذي ,,,,, يعني ما يصير تجيهم شهر 4 وتقول ابي فلوسي حط حسابك انك ما راح تقدر تاخذ اي جزء من فلوسك او كلها الا في هذي الاشهر

طبعا في هذي الاشهر 3 و 6 و 9 و 12 يحق لك تطلب فلوسك كلها او جزء منها براحتك

انا اشتركت عندهم في صيف 2015 بمبلغ 10 الاف دينار وكانوا يعطوني شهريا 49 دينار بالضبط ,,,, طبعا كنت متردد بسبب انتشار شركات النصب بس لما قعدت معاهم وشرحوا لي الموضوع وانه من 2005 واسم الشركة ايضا ساعدني للثقة اسم الشركة لان شركة اعيان معروفة وقديمه في الكويت

المهم قررت اشترك واستمريت معاهم تقريبا 6 شهور وبعدها احتجت الفلوس ورحت قدمت طلب لسحب المبلغ وفعلا بعد اسبوعين تقريبا نزل المبلغ في حسابي طبعا لا تنسى لازم تطلب فلوسك في هذه الاشهر 3 و 6 و 9 و 12

ورجعت اشترك معاهم بعد فترة في منتصف 2016 ولا زلت استلم الارباح

واذكر اني سالت الموظف شنو اكبر مبلغ استثمر عندكم في هذا الصندوق من قبل عميل ؟؟؟ قالي مستثمر عندنا شخص من عائلة تجارية معروفة بالكويت تبدا بحرف الخاء بمبلغ 600 الف دينار ويستلم شهريا ما يقارب 3000 دينار

انت حاليا حاط المبلغ في البنك وزكاتك سنويا هي 2500 دينار سنويا لان نسبة الزكاة 2.5

اذا اشتركت في النصدوق ولانه استثماري في العقار راح تكون زكاتك .5 يعني نص بالمية يعني زكاتك السنوية راح تكون 500 دينار سنويا ,,,,,, والزكاة شي مهم لازم ما تنساه لان الزكاة ركن من اركان الاسلام الخمسة مثل الصلاة والصيام والحج اكرر الزكاة الزكاة سواء استثمرت فلوسك ام لم تستثمرها ولا تنسى نحن في اختبار من الله عز وجل في هذه الدنيا وبعد الاختبار يبدا الحساب

الخلاصة انت اذا حطيت عندهم 100 الف راح تستلم شهريا 492 دينار لان نسبة الارباح عندهم 5.91 بالضبط

ملاحظة اضافية : اقل مبلغ تقدر تستثمره فيه عندهم هو مبلغ 3500 دينار تقريبا
ملاحظة اخرى: مثلا انت استثمرت عندهم بمبلغ معين وبعد فترة جيت تبي تضيف مبلغ على المبلغ اللي حاطه عندهم علشان تزيد ارباحك ومدخولك الشهري تقدر حتى لو الف دينار او الفين ما في مشكلة بس في بداية دخولك للصندوق لازم يكون اقل مبلغ 3500 ددينار اما الاضافات بعدين براحتك عادي اي مبلغ

شرحت لك الموضوع كله من باب حب لاخيك ما تحب لنفسك ولكل من يقرا الموضوع ويستفيد والله على ما اقول شهيد ,,,,, يمكن لو اصحاب الصندق نفسهم ما شرحوا جذي هههههههههههههههههههههههه

في امان الله وحفظه وبالتوفيق