أبحث عن وظيفة بدوام جزئي .. Part Time .. ؟

السلام عليكم ..
يا جماعة الخير ما تدرون وين في شركات أو مؤسسات أو مهما كان .. في القطاع الخاص .. يطلبون وظائف بنص دوام أي Part time ..؟ وتكون وظائف بسيطه .. ؟

No Comment
Kuwait
​

 

وعليكم السلام

اخوي في وايد شركات تطلب نص دوام وكل فتره يقدمون طلبات حق الشركات الي توظف

بالقطاع الخاص وهم

برنامج الهيلكه في الضجيج

وشركة هيومن سوفت وهي الاسرع في التوظيف في شرق مقابل التأمينات عندهم مئات الطلبات

قدم والله يوفقك

 

حيالله بوكهرب .. أشكرك أخوي على هالإستجابه الطيبه عزيزي ..

بالنسبه لهيومن سوفت فشنو طبيعة العمل في هالشركه .. يعني شركة شنو بالضبط .. شركة استثمارية ؟ .. مقابل التأمينات الإجتماعية عدل ؟

يعطيك العافيه..

 

الله يعافيك عزيزي

الشركه هي مدعومه ومنشئه بامر من الحكومه مثل برنامج الهيلكه لتوظيف الشباب في القطاع الخاص

كل الشركات تقدم طلباتها حقهم وهي تقوم بختياركم وتقديم طلباتكم وتوظيفكم في الشركات والقطاع الخاص

مثل الغانم والخرافي والملا وشركات النفط ... الخ

اما موقعها عفوا مقابل (شركات التأمين ) حوادث السيارات ومقابل ادارة التعليم العالي .

 

بالNBK

غالبا ما يكون العمل بالكول سنتر كبداية

بس اعتقد شفتات مادري اذا يناسبك




اتمنالك التوفيج

 

no comment

عندك البنوك..
اما مثل ما قالت لك الاخت 7al6oma تشتغل بال Call Center ترد على المكالمات.. وشغلك يكون شفتات بما ان مركز الاتصال شغال 24/24
او ممكن يوظفونك بالافرع دوام عصر.. حلو خفيف.. يكون دوامك بالكثير 3 ساعات يوميا ما عدا الخميس.. تقريبا من ال 4:30 الى ال 7:30 او من 5 الى ال 8 حسب البنك..
والمعاش في البنك قوي حلو..

 

شكرا جميعا للمشاركة .. وقد راجعت بنك الخليج وبنك الوطني والتجاري والدولي والأهلي ومحد فيهم طالب Part time للأسف .. الخليج طالب عدد قليل جدا لدوره معينه وكله واسطات بواسطات .. والأهلي طالبين للـOutdoors Sales فقط ..

بو كهرب شسم الشارع ترا ما دليت :\ اللي خابره التعليم العالي بالمنطقه الحره ؟

 

..............................

 

انا مثلك قاعد ادور وظيفه من ورى الساعه 4 ومو محصل

اذا لقيت بلغني

 

بإذن الله إن لقيت أعطيك خبر .. وانت نفس الشي ان لقيت بلغني .. موفق

 

يعطيك العافية

وشى حلو الواحد يشغل روحه بشى مفيد

والاهم انك ما تيأس

حتى لو ما لقيت اليوم صدقنى راح تلقى باجر

وشد الهمة وتوكل على الله

تحياتى لك

 

no comment



شارع احمد الجابر

بجانب مبنى البنك التجاري

قدم بشركة الخليج للتأمين بس مشكلتهم لازززم target وتعال دور عملا مادري اذا تناسبك طبيعة هالعمل او لا

 

http://wikimapia.org/#lat=29.3829837&lon=47.987085&z=18&l=0&m=a&v=2

 

أتمنى لك أن تجد أنسب وظيفة لتحقق ما تصبوا إليه

و أنصحك لوجه الله بتجنب بنوك محاربة الله و رسوله بالربا و كذلك شركات التأمين التي لا تتعامل بشرع الله .

بالنسبة للكويتيين دوام المساء أصبح نادرا و لكن لم لا تفكر أن تعمل لدى جهة تطلب دوامين من الأساس لتحظى بما ترغب ؟

دمت بخير و عافية

 

شركة المخازن العمومية ( Agility ) أو فيلا مودا .
بالتوفيق

 

هالكلام قبل فترة، حالياً يوجد شواغر للبارت تايمرز بالـ Call Center ..

يوم الأحد هذا تم توظيف 2 كويتين ..

22411112 - اطلب التحدث مع الأخت فاطمة أو مبارك من الـ HR ، و إذا ما حاصلتهم عندك مديرة الـ Recruitment الأخت منى العبدالرزاق ..

بالتوفيق ..

 

الشركة التي ذكرتها في هيومن سوفت ..هي شركة توطين..

وهي شركة خاصة تابعة لهيومن سوفت..عملت على مشروع توظيف الكويتين في القطاع الخاص في قطاعات معينه عن طريق مشروع الهيكلة..وتوظيف عام عن طريقهم كوسيط...و التوظيف للشباب الكويتي فقط

الذي اعرفه...انهم توقفوا عن هذا المشروع..ولم يكونوا يهتمون بتوظيف الPartTime..فقط Fulltime..
لأن اغلب الشركات تهتم بتوظيف الfulltime وذلك لضمان تكملة الكوتا المقررة من الهيلكة للشركات..بنسبة الكويتيين....
لكن يكون لهم انجاز بتوظيف اكثر من 2000 إلى 1500 شاب كويتي في القطاع الخاص بالتعاون مع اغلب الشركات..

لكن راجعهم....لعلك تلقى ما تهتم به..مكانهم شارع احمد الجابر..بالقرب من فرع البنك التجاري..بالقرب من مجمع دسمان..(على يسارة..في الشارع المقابل..وكأنك آتي من قصر دسمان)..و المبنى عليه علامة الجامعة الامريكية..تبع هيومن سوفت

و على العموم..اغلب الشركات لا توظف بارت تايم..لأهتمامها بالتوظيف الكامل و مثل ما سبق ذكرة بملئ الكوتا المقررة عليهم..

تذكرت..
شركة انفوسنتر..عملت مشروع مشروع مشابه لتوطين..وسمته تكويت..تعمل على توظيف الكويتين بالقطاع الخاص..عن طريق مناقصة من قبل الهيكلة..كما كانت توطين.....مكانهم الخليجية..

لكن..لعل و عسى ان تلقى...و بالتوفيق انشاء الله

 

يعطيكم العاااافيه جميعا بدون إستثنااااء ..

الأخ الكريم مستر فرايدي .. سأقوم غدا صباحا بالإتصال بالبنك الأهلي وسأطلب الإخت فاطمه أبو طالب أو مبارك وذلك سؤالهم عن توفر وظائف شاغر للـCall Centar

يعطيكم العافيه جميعا ..

 

http://www.q8cv.com/

سجل وحط مؤهلاتك و شروطك ومواصفات الوظيفه المطلوبه
والله يوفقك​

 

عزيزي من سبوعين .. دعم العماله للتوظيف افتحو مقرهم للتوظيف بالرايه ..

وانا قدمت .. واتوقع اذا قدمت لهيومن راح تنقبل وترى معاشهم حلو ودوامهم بسيط ..

واذا حاب تاخذ دوره ويمشي لك معاش سجل ويتصلون عليك .. ويوظفونك على طول ..

والله يوفقك