اود اسافر الى دبي
وهذه أول مرة أسافر هناك
واود اسأل عن ارخص خطوط للسفر هناك وكذلك عن اي فندق تنصحوني فيه وكذلك اذا في مجال لبرنامج سياحي
شاكرا لكم حسن تعاونكم
وأي عضو يعطيني معلومات ذات قيمة
يبشر بهدية قيمة وعلى مقالوا ما ي يخدم بخيل ()
اهم شيء..
اسكن الشارجه ولا تسكن دبي للأسباب التاليه
1- تجنب الزحمه
2- غلاء اسعار الشقق والفنادق في دبي
وانصحك بالسكن في شقق اللى خلف مرور الشارجه القديم.. شارع الكويت
والمسافه بين دبي والشارجه تقريباً ربع ساعه او اقل وتجنب الذهاب في اوقات الذروه ( خروج ودخول الموظفين)
شوف اخوي لو موضحنا اكثر عشان افيدك عدل بس مدام جذي انا بعطيك اماكن ونت شوف
اول شي اذا بتروح عايله انصحك بفندق شقق الضيافه 3 نضيفه + قريبه من ستي سنتر بينهم شارع لكن عيبها غاليه واذا تبي رقمهم اعطيك اياه عشان تكلمهم بدال لاتروح سفريات تقريبا سعرها 1000 درهم حوالي 70 دينار الليله انا رحت هناك لاني مع عايله فلازم شي نظيف
دبي عندك مجمعات
1- سوق صيني شغل تقليد وماتقليد وفيه اشياء حلوه من الكترونيات وغيره وكبير المجمع
2- وافي مجمع
3- دبي مول يديد وفيه اكاوريروم حلو + صالة تزلج
4- الامارت مول احلى مجمع عندهم لسبب واحد وهو فيه سكيتي + تلفريك + ماركات عالميه وانصحك فيه وتقدر تدخله عايله حديقة ثلج زحلاقيات وهسوالف واكثرهم عوايل فيه + تصعد تلفريك وايد حلوه
5- تروح جزيرة النخله وتروح فندق الاطلانتس تتمشى فيه شوي وتشوف تحفه معماريه رهيبه + اكواريم + الاكوافنشر = الاكوابارك بس فرق عن الكويت وعن الامارات 100 سنه ضوئيه مو طبيعيه الاكوافنشر تروحلها الصبح لانها تصكر ساعه 5 دشتها 25 دينار اذا ماخاب ضني او 20 دينار متعه مابعدها متعه ولاتطوفك
6- مجمع ابن بطوطه مجمع بعيد عن دبي لكن فيه شي حلو السينما مو طبيعيه 3D وتفتح النفس
7- سنتي سنتر مجمع فيه مطاعم ان قتلك عن شقق الضيافه قريبه منه لسبب لان نطلع نتغدا ونرجع الشقه مانطول عشى غدا او حتى ريوق ايب اكل ورد الشقه حق العايله وعندهم كارفور اشتر ورجع الشقه مشي
هذي دبي اذا بتروح مع شباب نفس الاماكن بس فرق السكن شوفلك شقق ام 3 نجوم حق بس نوم
روح شارع الملك فيصل في الشارجه فيه فادق وايد وفيه فندق اسمه فيدرال حوالينه كل خدمات
ماكدونالدز ومحطة بانزي وبخلفه كورنيش الشارجه البحير ومطاعم ومجمعات الشارجه من برغر كنج وهارديز والسوق الاسلامي والمدمعات اللي علي البحيرة كلها خلفه يعني كل شغلق مشي بو عشر دقايق .
تبي تسكن بعد ما يبيله شارع الشيخ زايد حلو وفيه فنادق وايد وانا عن نفسي سكنت في روتانا تور شارع الشيخ زايد تقريبا صاير بالوسط هذا حلو للميزانية المتوسطة لكن اذا الميزانية مفتوحة عندك فندق برج العرب وفندق اتلانتس .
بالنسبة للتسوق والسياحة اذا نزلت بفندق من الفنادق الطيبة بشارع الشيخ زايد ولنفرض روتانا تور اغلب اذا مو كل الفنادق اهناك بشارع الشيخ زايد عندهم عروض شيقة في الاستعلامات الي بفندق منها رحلات ومنها توصيل الى مجمعات من طبعا ما تحضرني كل المجمعات اهناك لكن انا اعطيك منها مثل دبي مول امارات مول ابن بطوطة انفسيتال ما ادري يوفيستال مدينة العالم وغيرها .
اود اسافر الى دبي
وهذه أول مرة أسافر هناك
واود اسأل عن ارخص خطوط للسفر هناك وكذلك عن اي فندق تنصحوني فيه وكذلك اذا في مجال لبرنامج سياحي
شاكرا لكم حسن تعاونكم
وأي عضو يعطيني معلومات ذات قيمة
يبشر بهدية قيمة وعلى مقالوا ما ي يخدم بخيل ()