سؤال وجواب كم سعر اشتراك ( كواليتي نت ) 2 ميجا ؟ وكم الداونلود في الثانية ؟

[المتبحر]

كم سعر اشتراك ( كواليتي نت ) 2 ميجا ؟ وكم كيلوبايت في الثانية في الداونلود ؟

تنبيه :

أنا أستخدم برنامج ( داونلود إكسيليريتور ) في تنزيل الملفات والبرامج .

 

[Modest]

قسم على 8 يطلع الناتج ...

تقريبا 250 ...

سعر الاشتراك تقدر تعرفه عن طريق الشركة ( وكل شهر فبراير يكون معرض لشركات الانترنت )

واذا تبي تشترك تأكد من خطوط الهاتف بالمنزل ( او بكيبل المواصلات ) اذا يتحمل اشتراكك او لا...

لان من الممكن ما يعطيك سرعه 2 ميجا ...

وطبعا بعض الشركات بعد ما تشترك يقولك ما يتحمل ...

 

[JeNaN]

1804444 Q.NET


مثل ما ذكر زميلي معرضهم شهر 2 او نهاية شهر 1 ابتلقى عروض جيدة فلا تستعيل

 

[Edrak]

199 Kd

240
approximately

 

[عبدالله .]

توني كنت بقولك
انطر شهر 2 بالمعرض
راح تحصل عروض حلوة
وراح تبتدي معاهم عقد
ويصير موعد تجديدك هو نفسه موعد المعرض

​

 

[الساعة 6]

وشلك بال 2 مع كواليتي .. خليك طليق مع الفيفا ... 7.2

وانت و منطقتك ..

 

[المختصر المفيد]

وشلك بال 2 مع كواليتي .. خليك طليق مع الفيفا ... 7.2

وانت و منطقتك ..

حياك الله :وردة:

يقول لك بعد منزلين 21.6 mbps
و اشتراكه 36 د.ك شهريا

يعني الفرق عن الحالي =36 -24= 12 د.ك شهريا بمعنى 144 د.ك سنويا

كأنه ما يسوى ؟

 

[الساعة 6]

حياك الله :وردة:

يقول لك بعد منزلين 21.6 mbps
و اشتراكه 36 د.ك شهريا

اقصد 7.2 ، اسعاره بين 20-24 دينار ..

حسب العرض .

ومن واقع تجربة افضل من 2.0 عند كواليتي .

 

[خـالد]

وشلك بال 2 مع كواليتي .. خليك طليق مع الفيفا ... 7.2

وانت و منطقتك ..

طليق؟
القطع اللي مثل الايقو = ستالايت = ون وي داونلود او ابلود = زحمه بالهوائي = بطء بالاشتراك حتى لو كانت اعلى سرعه = مساحه محدوده في البادويث ومعلومه يمكن محد يعرفها مرات يحتاجون باندويث زياده من شركات الانترنت (كوالتي ، فاستيلكو) لانه اهم الشركات اللي تزودهم بالسرعه ، مثال ..الوطنية وفاست ..
متعتها باول تجربه ، بعد مايشوفون انك تنزل الشركة تحددلك الباندويث وبعدها يقصون عليك يقولون ضغط بالشبكه ، اصلا ماكو ضغط ولا شي بس مايبون يخلون كل واحد ينزل براحته لانه لو صار بيحتاجون باندويث اكبر ومايقدرون يغطون تكاليفها
ودام امطار الخير نزلت وهلت علينا والحمدلله ، الهوائي راح يتأثر بالسرعه مع اتصاله بالستالايت وراح تواجه مشاكل في السرعه اذا مطره قويه او غيرها ..

الاشتراكات الثابته = سرعه ثابته ، ماتتأثر بزحمه الشبكات ، تو واي سواء بداونلود او ابلود ، راحه بال ، مو مهم كثر ماتنزل او شنو تنزل الاشتراك بيظل ثابت سرعته

نصيحتي لصاحب الموضوع ، انطر عروض معرض جتكس شهر فبراير ، العروض بتكون ناريه ، كيمز وفاستلكو وكوالتي ناووين يسحبون اكبر زباين في فترة المعرض

موظف سابق في احد شركات الانترنت <-

 

[aramis9111]

نصيحة لوجه الله ابتعد عن كواليتي نت !!!! شركة اصبحت فاشله بخدمة المنازل ماصدقت اني افتك منهم لذا انصحك بشركات اخرى تحترم مشتركيها لا تطيح بمطب تكره النت مع كواليتي نت

 

[ابعتذر]

جددت اشتراكي ولا احلى مع شركة فاست لكو

السرعه 2 ميغا وبعد منتصف الليل 3 اضعاف السرعه

بسعر 169 دينار فقط

موفق خير