عادة السفر بالعيد! شنو هالمسخرة هذه؟!

[زنجبيل]

يا جماعة ظهرت عندنا بالكويت عادة خايسة اسمها السفر بالأعياد..أو الذهاب

للشاليه او المزرعة!

هل يعقل ان لا يرى الرجل أهله في العيد وعائلته ولا يسلم عليهم فيذهب هو وزوجته

وابناءه للمزرعة او يسافر قبل العيد بيومين ويرجع بعد العيد...او يذهب الى المزارع او

الشاليهات...



يعني العائلات بالموت تلتقي بالاعياد وهي مناسبة نادرة قلما يجتمع فيها الشخص بأقاربه

ويصل رحمه...فهل يعقل ان يكون هناك سفر بالعيد...

ورب الكعبة عيب

هالعيد سألت احد معارفي وهو مسؤول في منتجع وأخبرني ان كل الشاليهات محجوزة

بالعيد من الكويتيين فقط!!!

يعني المصريين والسوريين وغيرهم من اخواننا العرب يصلون بعضهم ولكن الكويتيين يذهبون

للشالية والمزرعة ويطنش العائلة واهله...

نبيه عيد حقيقي يا جماعة والله حرام تموتون هالعادة اللي راح تموت مع الزمن اذا ظلينا

جذي....عيب عيب عيب​

 

[k7elan]

عيب

حلاة العيد لما تعايد الربع و الجماعة و كبار السن و التواصل مع الاقارب بمناطق الكويت المختلفة

مو مثل العيد هالبارد بالشاليه <<<امحق

 

[عبدالله .]

هالعادات انتشرت من 5 سنين تقريباً او من بدت سنة 2000 تقريباً
قبل مانخبر احد يسافر بالعيد
شوف انا ما الومهم بصراحة​

العيد بالكويت يملل وين تروح يامجمع ياسينما يامطعم وبعدين !!! انت محتاج تغير
واللي عنده شاليه او مزرعة او جاخور الله يهنيه لقاله منتجع يجمع فيه اهله​

لكن في ضوابط بالنسبة لي
وانا راح اتبعها لو بسافر​

وهي اني اسافر باول يوم بالليل او ثاني يوم
لازم لازم لازم اكون يوم العيد بين اهلي​

هاذي عادة لازم مانتخلى عنها وللأسف الحين بدت الناس تسافر وتترك صلة الرحم وهالمناسبة الطيبة اللي يتزاورون فيها الناس​

انا مع السفر لكن بيوم العيد بالليل او ثاني يوم
بس غير هذا اشوف ماله داعي
وعلى قولتك​

عيب ​

​

 

[يوزر انتحاري]

لأسرة عدد أبنائها خمسة فقط , احسبها معاي:

- الزوجة تبي مبلغ وقدره حق العيد::::
(بدلة بدلتين + صالون تسريحة ومكياج وخرابيط + تكرمون جواتي + اكسسوارات ) ,,,,, فلنقل أقل شيء بيكلفها كل هذا مع هلارتفاع الجنوني للأسعار وان كانت خوش مرة ومسعنة بيكلفها مالايقل عن 150 الى 200 دينار

- البنات ولنقل أقل شيء عنده 3 بنات , كل وحدة منهم تبي نفس امها تجهيز للعيد :
3 * 150 = 450دينار

- 2 صبيان, والصبيان مايكلفون يطق لكل واحد دشداشة وجوتي مرتب ويمشي فخلنا نقول من 100 الى 150 دينار ,

- يبيلك تخرد عيادي وأقل شيء حق 30 دينار ,

يعني جم بتقط على كل عيد ؟؟

مالايقل عن 730 دينار بالراحة , اعرف ناس شكثر ينحاشون بالعيد من ضيق اليد , من وين له يلبس زوجته وبناته ويعطي عيادي !

 

[بلاط الشهداء]

اول شي عيدكم مبارك

بالعكس لاهي ومسخره ولاشي العيد من الصلاه لي صلاة الظهر ويخلص العيد شلي يمنع الواحد يسافر

او يطلع اهله المزرعه او الشاليه بالعكس اهني هي وناستهم ماهم كل اسبوع يجتمعون

انا الحين اكلمك من مزارع الوفره العامره وانا رايح بعد الغدا السيارات الي رايحين جنوب كنهم مسيره من كثرهم الله يستر عليهم

وكل عام وانتو بخير

 

[joreyaa]

يا جماعة ظهرت عندنا بالكويت عادة خايسة اسمها السفر بالأعياد..أو الذهاب​

للشاليه او المزرعة!​

هل يعقل ان لا يرى الرجل أهله في العيد وعائلته ولا يسلم عليهم فيذهب هو وزوجته​

وابناءه للمزرعة او يسافر قبل العيد بيومين ويرجع بعد العيد...او يذهب الى المزارع او​

الشاليهات...​

يعني العائلات بالموت تلتقي بالاعياد وهي مناسبة نادرة قلما يجتمع فيها الشخص بأقاربه​

ويصل رحمه...فهل يعقل ان يكون هناك سفر بالعيد...​

ورب الكعبة عيب​

هالعيد سألت احد معارفي وهو مسؤول في منتجع وأخبرني ان كل الشاليهات محجوزة​

بالعيد من الكويتيين فقط!!! ​

يعني المصريين والسوريين وغيرهم من اخواننا العرب يصلون بعضهم ولكن الكويتيين يذهبون​

للشالية والمزرعة ويطنش العائلة واهله...​

نبيه عيد حقيقي يا جماعة والله حرام تموتون هالعادة اللي راح تموت مع الزمن اذا ظلينا ​

جذي....عيب عيب عيب​

تبي الصج ولا أخوه ؟

أولا هذا يعتمد على العائلة ....في ناس المناسبات عندها مقدسة ....وفي ناس أصبح عندها عادي وتعودوا عيالهم على السفر ولا الطلعة مع ربعهم ويخلون الأهل في البيت ....يعني يستغلون العطلة للوناسة وبس ......

ناس ثانية تنحاش من المصاريف !

يعني إذا رب أسرة صغيرة وراح يجتمع بأسرته الكبيرة وكل واحد عنده 5 أو 6 أبناء .....راح المعاش على العيادي :باكي::باكي: وانت عارف ما أحد ياخذ عيدية 1/4 دينار هالأيام


أما اخوانا المصريين ما عندهم الفسق والتكاليف اللي عندنا....فالجمعة حلوة

بس ​

 

[BoOmarQ8]

خلها على الله ... الحين عيد ولا مو عيد ... اشكثر ناس قاطعة أهلها

الله لا يبلانا ... نَعََم هو بلاء!

 

[Org]

خلها على الله ... الحين عيد ولا مو عيد ... اشكثر ناس قاطعة أهلها

الله لا يبلانا ... نَعََم هو بلاء!

:إستحسان::إستحسان:​

 

[عندليب السياسه]

خلهم يسافرون ما تشوف المطر نزل علينا هههه

 

[ريميــة]

والله اليوم الأغلب ماخذ أهله ومسافر

حسافة شعري اللي مسويته بالصالون

بصراحة الكويتيين خربوا العيد يعني لبنان والشاليه عندكم طول السنة حبكت بالعيد تسافرون !!!!

والمشكلة العطلة كلها خمس أيام يعني مايسوى خبة السفر !!!

 

[Org]

والله اليوم الأغلب ماخذ أهله ومسافر

حسافة شعري اللي مسويته بالصالون

بصراحة الكويتيين خربوا العيد يعني لبنان والشاليه عندكم طول السنة حبكت بالعيد تسافرون !!!!

والمشكلة العطلة كلها خمس أيام يعني مايسوى خبة السفر !!!

أهم شي عطيتي الصغيرونه عيديه
ماشاءالله عليها
وعلى كشختج والصالون كاه حليمه بولند صالون وخابه روحها
وأخر شي عشان قناة شوارعيه سكوب
الحين عالقناه شوفيها ​

 

[ريميــة]

خلهم يسافرون ما تشوف المطر نزل علينا هههه

خخخخ يعني في أحد كان مقبس علينا !

 

[بسكوتة مالحة]

صح كلامك

بس اختلف معاك في نقطة ان الناس ماقامت تحط اهتمام لصلة الرحم

او نقدر نقول انها تغيير جو او الناس تغيرت عاداتها

بعدين خلهم يسافرون عشان تخف الزحمة شوي

 

[زنجبيل]

يعني اللي فهمته من ردود بلاط الشهداء وجورية ..

ان الكويتي لازم يكشخ عالآخر بالعيد اهو وعياله وبناته ويقط على بالعيد 720 دينار تقريبا...

وإلا الناس راح تقول عنهم عيال فقر...لان هذه اهي الثقافة الجمعية للكويتيين...يا تتفشخر

انت واهلك او بيقولون عنك ولد فقر ....

يعني معناها...ان الفشخرة مكلفة الكويتيين كما رأيت...وبالتالي الواحد ما يبي يجتمع مع

اهله بالعيد عشان لا يضطر يدفع تكاليف العيد من ملابس وعيادي...وبالتالي أدى هذا الى ان

الهرب أفضل وسيلة...وبالتالي قضينا على عادة العيد الاجتماعية الوحيدة التي كانت محافظة

على صلة العائلات الكبيرة......!

بصراحة شيء محزن للغاية....يعني عالجنا الغلط بالغلط...

يعني احنا مجتمع فسقان ومبذر اصلا ويصرف بلا حدود...ويروح أكبر وأغلى المطاعم ونشتري اغلى

الملابس..وبدل ما نحمد الله على النعمة ونتوقف عن التبذير والغرور نقوم نخلق عقيدة الهياط

والفشخرة وبالنهاية تنقلب علينا الآية وتقوم هذه العقيدة بقتل عاداتنا وتقاليدنا وأعيادنا وقطع

أرحامنا...

بصراحة حالتنا كسيفة جدااا .. مجتمعنا تعباااااااان للغاية ووصل مرحلة الموت السريري

 

[عبدالله .]

يعني اللي فهمته من ردود بلاط الشهداء وجورية ..

ان الكويتي لازم يكشخ عالآخر بالعيد اهو وعياله وبناته ويقط على بالعيد 720 دينار تقريبا...

وإلا الناس راح تقول عنهم عيال فقر...لان هذه اهي الثقافة الجمعية للكويتيين...يا تتفشخر

انت واهلك او بيقولون عنك ولد فقر ....

يعني معناها...ان الفشخرة مكلفة الكويتيين كما رأيت...وبالتالي الواحد ما يبي يجتمع مع

اهله بالعيد عشان لا يضطر يدفع تكاليف العيد من ملابس وعيادي...وبالتالي أدى هذا الى ان

الهرب أفضل وسيلة...وبالتالي قضينا على عادة العيد الاجتماعية الوحيدة التي كانت محافظة

على صلة العائلات الكبيرة......!

بصراحة شيء محزن للغاية....يعني عالجنا الغلط بالغلط...

يعني احنا مجتمع فسقان ومبذر اصلا ويصرف بلا حدود...ويروح أكبر وأغلى المطاعم ونشتري اغلى

الملابس..وبدل ما نحمد الله على النعمة ونتوقف عن التبذير والغرور نقوم نخلق عقيدة الهياط

والفشخرة وبالنهاية تنقلب علينا الآية وتقوم هذه العقيدة بقتل عاداتنا وتقاليدنا وأعيادنا وقطع

أرحامنا...

بصراحة حالتنا كسيفة جدااا .. مجتمعنا تعباااااااان للغاية ووصل مرحلة الموت السريري

:إستحسان::إستحسان::إستحسان:
من زمان يازنجبيل من زمان
هذا الواقع المر
مجتمع بو هبة والحق عالموضة لاتطوفك
مجتمع بلاك بيري وتأجير السيارات للفشخرة
مجتمع جناط ماركة بو 500 و 600
مجتمع بو نفنوف بـ 300 و400 وليلة وتقطه شافوه علي
مجتمع يطق قرض وياخذ سيارة آخر موديل وهو منتف​

مجتمع يسافر علشان يقعد بالقهاوي علشان الناس تشوفه ويقولون شفناه في .....
مايسافر علشان يبسط نفسه ويكتشف المكان
لو خليت خربت بس هذا حال الغالبية إلا من رحم ربي​

على فكرة ياحلو الحليب بالزنجبيل بهالاجواء ​

​

 

[الأصمعي]

عيد الفطر أكون فيه بالكويت أما عيد الأضحى فا ماسافرت فيه لكن غالبية معارفنا يسافرون فيه ..

حط أماكن ترفيه ماراح تشوف أحد بسافر أما مشروع ممنوع حتى الحفلات عليها ضوابط و منع منع منع ..

ليش بيقعدون بالله ؟! أما علشان لزوارة فالغالبية بس أول يوم يتزاورون فيه و بس خلص العيد ..

على كل حال عيد الأضحى أكثر من الفطر من ناحية السفر و العيادي في الأضحى أقل لليهال

تحياتي ..

 

[joreyaa]

يعني معناها...ان الفشخرة مكلفة الكويتيين كما رأيت...وبالتالي الواحد ما يبي يجتمع مع

اهله بالعيد عشان لا يضطر يدفع تكاليف العيد من ملابس وعيادي...وبالتالي أدى هذا الى ان

الهرب أفضل وسيلة...وبالتالي قضينا على عادة العيد الاجتماعية الوحيدة التي كانت محافظة

على صلة العائلات الكبيرة......!

آنا واحدة من الناس توقفت عن شراء ملابس العيد منذ سنوات طوييييييييييييييييلة .........والسبب قناعة ذاتية ...أولا دراريع بالكبت لا ألبسها إلا في مناسبات قليلة ومازالت جديدة .........النقطة الثانية ملابسنا كلها جديدة ونظيفة ....مو لازم نشتري بالعيد علشان نحس بالعيد .....وأن نتصدق بمال أفضل من تبذيره في سوق .... مثل ما قلت : العيد للأطفال يشعرون به بالملابس الجديدة والعيادي والألعاب ............غيره ماكو

بس والله العيادي تكسر الظهر......لازم يحددونها مثال غلاء المهور

نعرضها على جلسة المجلس القادمة

 

[مثقف جدا]

على هذا الجو الممطر الرائع ..ليش السفر ؟؟ جنك قاعد بلندن ولا في لوكسمبور

​

غ

كفايه بس مشاهدة هذا الخير الذي يغسل النفوس ومو مهم الطلعة والفشخره جدام الناس..

وعندكم المجمعات التجارية موجودة ..​

 

[زنجبيل]

آنا واحدة من الناس توقفت عن شراء ملابس العيد منذ سنوات طوييييييييييييييييلة .........والسبب قناعة ذاتية ...أولا دراريع بالكبت لا ألبسها إلا في مناسبات قليلة ومازالت جديدة .........النقطة الثانية ملابسنا كلها جديدة ونظيفة ....مو لازم نشتري بالعيد علشان نحس بالعيد .....وأن نتصدق بمال أفضل من تبذيره في سوق .... مثل ما قلت : العيد للأطفال يشعرون به بالملابس الجديدة والعيادي والألعاب ............غيره ماكو

بس والله العيادي تكسر الظهر......لازم يحددونها مثال غلاء المهور

نعرضها على جلسة المجلس القادمة

ما شاء الله عليج .. مغبون زوجج فيج موفرة عليه

على كل حال العيد ليس للصغار فهو للصغار والكبار معا

والعيادي انا اعطي عيادي بكرم طائي في عيد الفطر اما بعيد الاضحى ما اعطي احد

 

[زنجبيل]

على هذا الجو الممطر الرائع ..ليش السفر ؟؟ جنك قاعد بلندن ولا في لوكسمبور

​

غ

كفايه بس مشاهدة هذا الخير الذي يغسل النفوس ومو مهم الطلعة والفشخره جدام الناس..

وعندكم المجمعات التجارية موجودة ..​

كلام سليم :إستحسان::إستحسان::إستحسان: