المجد عربي
عضو فعال
يااخي مقطع الامير فهد بن سلطان كما يبدو مزح من سموه
لكن هالبدوان الخويااا بعضهم مو كلهم كرامته يهينها من اجل المال
لكن هالبدوان الخويااا بعضهم مو كلهم كرامته يهينها من اجل المال
هل تعتبر ال رشيد بدو اذا كنت تعتقد ذلك فاانك جاهل هم ذو اصول بدويه مثل ال سعود
هل تعرف ان عبدالله بن رشيد واخوه عبيد من سكنه عنيزه قبل استيلائهم على حكم حائل بمساعده ال سعود
ال رشيد كانت دوله سابقه وهزيمتهم للاهل القصيم كانت فاصله حتى ال سعود هربوا من
الرياض لاانه بعد تدمير جيش القصيم وكان حوالي 6000 رجل مع بدو القصيم المؤالين
لحاكم بريده حسن المهنا ابا الخيل وحاكم عنيزه السليم
اصبح الفاصل بين حائل والرياض مفتوح يااخي وذهبوا للكويت من جموع شمر العراق ونجد وكذلك بعض قبائل البدو الاخرى والتي يحرك بعضها المال وبعضها الخوف من تقدم
شمر للاراضيها مثل قبيله مطير والتي اصبحت قبيله قصيميه 100% بعد انتصارها على قبيله عنزه في مناخ كير
هذي الزلفي اللي تقول عنها من القصيم
محافظة الزلفي تقع محافظة الزلفي في قلب السعودية (إقليم نجد) وتتبع إداريا لإمارة منطقة الرياض، وتبعد عن مدينة الرياض مسافة 229 كلم تقريباً إلى الشمال الغربي وتبلغ مساحتها المدينة 5540 كلم 2 وترتفع عن سطح البحر بحوالي 600متر وعدد سكانهااكثر من ثمانين ألف نسمة تقريبا، ويحدها من الشمال والغرب منطقة القصيم ومن الجنوب محافظة الغاط ومن الجتوب الشرقي محافظة حرمة ,ومن الشرق محافظة الارطاوية وترتبط بمدينة الرياض بـ طريق الرياض - القصيم السريع. تعتبر الزلفي محافظة من الفئة (أ)وتعد الزلفي المحافظة الثانية بمنفنجطقة الرياض بعد الخرج وذلك من ناحية الكثافة السكانية وتبلغ نسبة التحضر فيها أكثر من 95% وذلك حسب تقرير الرسمي لـ الهيئة العليا لتطوير منطقة الرياض.
اخي العزيز لا تهتم بالتقسيمات الاداريه الحاليه فنجد تنقسم لعده مناطق مثل القصيم وحائل والعارض وشقراء وماحولها ووادي الدواسر والافلاج
والقصيم قديما تشمل منطقه القصيم الحاليه كامله بالاضافه لااقليم السر والزلفي ماعدا الغاط والتي تعتبر فاصل بين العارض والقصيم وكذلك ان غالب اهل الزلفي كانوا يعدون قصمان وراياتهم تبع اهل القصيم
قصيده للشاعر المرحوم طلال الرشيد رحمه الله
واتوقع طلال الرشيد يعرف نسبة اكثر مني ومنك
ياصغير مــــــا يكــــبرني لقب
وما يصغرني الى انكرني صغير
ماخذينا الصيت من جمع الذهب
ولانسابه شيــــــخ او قربه وزير
كاسبينه من هل السيف اـحدب
الجنايز كان مـــــــــاجاك النذير
صيتهم نجمٍ على راسه لــــهب
سمعوا الصقهان به واجهر ضرير
بالوفاء تـــاريخٍ ابيض ينتصب
لاحكوا بالحق حيـين الــــــضمير
ضيغميٍ لـلسنـاعـيـس انـتسب
لابتٍ طـلـنـابها عـــــــــرشٍ كبير
عند حدك يا كثير الهـــرج تب
ولاتــمر النار وثيــــابـــــك حرير
كان لـك عزٍ بــذلي فـتـعـقـب
والله الا تـبـطـي وحبــلــك قصير
احسبك انك من صناديد العرب
واثر ساترتك عباتك يــــــاغرير
ماحسب للـسـوس زراع القصب
والقــــراده ما درى عنها البعير
ولو حسبنا للـحسايف والتعب
ما بذرنا يالــعــصافـيــر الشعير
عن هـلك ابــراي لله واحتسب
الــرجال اللي مــجـاراهم عسير
من قريش المصطفى وابو لهب
والـدغالب ما غشت عذب الغدير
للــرجال من الرجاجيل انـعتب
والزكا’ تحل في حـــــال الفقير
لعنبو وقتٍ غـدينابه حــــطب
تـــحرقه نــــــــارٍ يـثـورها اجير
ماالومك والزمن سوىالعجب
هو بقى غيـــــر الكرامه بالجفير
ما اذل وراسي يشـــم المهب
لـــــــو بقى من شمرٍ طفل غرير
ما اهاب ولا يزلـزلـنـي غضب
الـشـجـاعه ورث والعاقل غزير
ياصغير مــــــــا يكبر باللقب
غـيـر منهو كان من دونه صغير
وسلامتكم ،،،
الله يهداك بس ..
تبي تكحلها . بس للاسف عميت إمّها ..
الامير الشاعر طلال الرشيد الله يرحمه
يقول عن نسبه من قصيدته المشهورة :
ضيغمي ٍ للسناعيس أنتسب
لابة ٍ طلنابها عـــــرش ٍ كبــــــير
* لاحظ
قال السناعيس / وهذا اللقب من الالقاب الخاصه في شمر
مثل الطنايا ، غلباء ، اللحيسه .. إلخ !
الى ان قال في آخر القصيده :
ما أذل وراســي يشـــم المهـب
لو بقى من شمّـر طفل ٍ صغير
الله يرحمه ..
ماقال عبيده ، ولا جاب طاري قحطان ..
قال شمّر يابعدّي ..
تركّد يالقحطاني ،
ولا تنسب الأسر على مزاجك ..
http://www.youtube.com/watch?v=N6uqVDKOFJo
اخي العزيز علي القحطاني اعتذر لك ان كنت احسست بااي حساسيه من كلامي
كل كلامك الذي قلته نفس ماقلته لك هم كال سعود ذو اصول بدويه ولكنهم متحضرين
وال رشيد ممثلين باابوهم علي واولاده عبدالله وعبيد واختهم نوره كانوا يسكنون عنيزه قبل ذهابهم
للسيطره على حائل ودليل ذلك الصداقه القديمه بين عبدالله بن رشيد وامير عنيزه يحي السليم
والتي انتهت في النهايه بمعركه بقعاء المشهوره
حنا الضياغـم واصلنـا بقحطانـي
وانتم بني وايل صحيحٍ بـلا ظـن
يمكن قصده من قبايل قحطان ابو العرب مو قحطان الحاليه لن الدارج ان شمر تنسب لطي وطي من قبائل قحطان
يمكن قصده من قبايل قحطان ابو العرب مو قحطان الحاليه لن الدارج ان شمر تنسب لطي وطي من قبائل قحطان
يمكن قصده من قبايل قحطان ابو العرب مو قحطان الحاليه لن الدارج ان شمر تنسب لطي وطي من قبائل قحطان
الرجال راح صوته وهو يقول يرجع لعبيده
لكن السؤال الي يطرح نفسه شنو الفرق لو رجع لعبيده او يرجع لحرب
الرجل تدسمه يمنااه وبن رشيد عود من حزمة شجعان الجزيره
أنا اضن هالشي الرجل اختلطت عليه الامور
معروف ان القبايل العربية كلها
قبائل عدنانية
وقبائل قحطانية
عدنانية كـ
قريش
عنزه
عتيبة
الدواسر ( وفي منهم من قحطان )
قحطانية كـ
شمر
ال مره
العجمان
القحاطين
الفضول
هذي هدية لك يالشمري والقصيدة لاابن رشيد مرسلها لاابن سعود والرد موجود في كتب التاريخ
ياراكـب هجنـن كبـار المثانـي
بين الحجر ومحقبه يـوم يرعـن
بنـات حـر ضربوهـن عمانـي
وجن البكار وصوفهن مثلهن هـن
مستردفيـن فوقهـن شيشخانـي
من قصر حايل فجر الاصباح مـدن
ومكلفـات مـن جميـع الاوانـي
كل الكلايـف فوقهـن مايخطـرن
وركابهن من عندنـا غـب ثانـي
بديار دسميـن الشـوارب يعشـن
شيوخ القبائل يوم ماض الزمانـي
لما غدا ببخوتهم هن وابـن هـن
تلفي محمد شـوق جـال الثمانـي
ولد السعود وخالط الزين في فـن
دنيـاك هـاذي ماتجـي بالتمانـي
كان انكسر مخباطها والسعـد كـن
شوري على كل الرجـال الذهانـي
وترى القلـوب الطيبـه مايغّـون
ومنـي عـدد مابالخفـا والبيانـي
وترى النصايح يافتى الجود يشرّن
حنا الضياغـم واصلنـا بقحطانـي
وانتم بني وايل صحيحٍ بـلا ظـن
اطعت شـور مريشيـن الاذانـي
وان جوك بيضان الغتر كنهم جـن
ينطحك ابو ماجد ليا جيـت عانـي
كان اقبلن عوج المراكيض واقفـن
كم مصعب خلوه جـاء مرجعانـي
بصيـارم بايمانهـم مـا يعـفـن
متسلحيـن الماطلـي والـردانـي
وشي مااعرف وصوفهن توهن جن
والزين ماينفع خطـات الحصانـي
لياصردن مثل العدن قفوهـن كـن
هذا الكلام اللي ظهر مـن لسانـي
والامر لله والسبـب واردن مـن؟
ورد عليه الامير محمد بن سعود (غزالان) قائلاً :
بديت ذكر الله علـى كـل شانـي
الواحد المعبود بالرشـد لـه فـن
وخـلاف ذا ياراكبيـن ٍسمـانـي
يشدن شياهين على الجول يهـون
قطم الفخـوذ مقولمـات الأذانـي
شقر ٍولون أذيالهن لونهـن هـن
بتر الفخوذ مـد خـلات الثفانـي
أكواعهن لازوارهن مـا ينوشـن
هجن هجاهيج ٍ خفـاف ٍ هجانـي
عوص ٍعلى هوز العصا ما يدانـن
أرقابهـن مثـل الجريـد الليانـي
يشدن لريم ٍ بالسهل يـوم ينحـن
إلى اعتليتوا فوق حيـل ٍسمانـي
داروا علـى عيراتكـم لا يخفـن
وإلى انتحن مع فـج دو ٍ دنانـي
ترى الزمل مالاج بقلـوب أهلهـن
ترحلـوا منـي حلـول الاذآنــي
قبل الطيـور لرزقهـن لايطيـرن
مدوا إليا شفتوا سنا الصبح بانـي
من دار جدي ياسعد وين يمسـن
بأسفل شعيب سدير عند الشبانـي
قرم ٍ يرحب بالنضـا حيـن يلفـن
وعند الفهيـد معـزب ٍ مرحبانـي
كل ٍ يقول بجيرتـي مـا يفوتـن
كل ٍ يجيب من الحطـب بالمكانـي
وسوالف ٍ يطرب لها البال وان جن
تلقـا رجـال ٍ يفهمـون المعانـي
مجالس ٍ يثنى بهـا رايـب البـن
سيروا لاخو نوره عريب المجاني
والـى لفـن ركابنـا لا يــردن
فلا يحسبني عـن بطـاه متوانـي
لازم نجيه بغيـر شـك ٍ ولاظـن
لو كان في برزان زيـن المبانـي
اجموعنـا وجموعكـم بيتـلاقـن
مثل صـلاة الشايـب المذرحانـي
اعرف ترى خمس الفرايض يصّلن
الناس مثل الناس ما غـط بانـي
ومن قال أنا الطيب يعييه ابن مـن
والزين مايدقـم شبـاة السنانـي
والشين مايقصر يديـن ٍ يطولـن
اليا اجتمع زيـن وفعـل اليمانـي
جنة نعيـم بالحشـى وان تلاقـن
والقاز يعبى للضـروس المتانـي
وإعرف ترى سن اللبن يقلعه سن
عليّ راس ٍ فيـه مثـل النوانـي
مثل البروق بليل غـدر ينوضـن
حتى أيش يا نقالـة الشيشخانـي
معنا فرنجي ٍ على البعـد يشفـن
إليا ركبنا فـوق بنـت الحصانـي
عيب ٍ عليّ إحرافها ليـن يقفـن
اضرب بحد السيف والعمر فانـي
لين العذارى ياسعـد لـي يعـذرن
ذا قول من لاهـو بولـدة هدانـي
ولد شجاع نـادر بـان لـه فـن
وهذا الجواب اللي ظهر من لساني
والامر لله والسبـب نفعلـه حـن
والقصايد
موجودة في كتاب كنز الانساب في مجمع الآداب ..
..
وال رشيد أكبر دليل هم : من الضياغم من عبيدة من قحطان نسباً
ومن قبيلة شمر حلفاً حتى أصبحوا أمراء حائل وشمر في نجد ..
كـ أغلب مشائخ القبائل التي تنتمي إلى قبائل نسباً
وهم شيوخ قبائل أخرى حلفاً .. الامثلة كثيره جداً ..
شكرا لك
يالقحطاني .
السالفه يابعد حييّ ماهي تحدّي ،
عشان ( تخطف لك ) كم معلومه من هنا ، وهناك .
وأترك عنك ( قوقل ) وخرابيطه .....
وتعقّل وإركد ..
لأن قوقل نفسه ينسب ( السيستاني )
لـ نسل الرسول صلى الله عليه وسلم !!
واعلم علم اليقين ان الناس ( مؤتمنون على انسابهم ) ......
عموماً ولا يهمك يالقحطاني
راح اعتبر ردك أعلاه .. بمثابة ( شطحه بسيطة )
واتمنى إنها ماتتكرر
تحياتي
.
الرجال راح صوته وهو يقول يرجع لعبيده
لكن السؤال الي يطرح نفسه شنو الفرق لو رجع لعبيده او يرجع لحرب
الرجل تدسمه يمنااه وبن رشيد عود من حزمة شجعان الجزيره
الشمري يقول بن رشيد يرجع لشمر وهذا المتعارف عليه والقحطاني يقول بن رشيد يرجع لعبيده من قحطان بس انت منين جبت انه يرجع لحرب
علم الأنساب دقيق وحساس وبالأخير اهل مكى ادرى بشعابها بن رشيد هو ادرى الناس بنسبه واكيد لو يدري انه قحطاني راح يعلنها للملأ لن الرسول عليه الصلاة والسلام يقول لعن الله من انتسب لغير ابويه
وبالأخير شمر وقحطان من اكبر القبائل العربيه الي لها تاريخ وبن رشيد سواء كان شمري او قحطاني ماراح يزيد القبيلتين قدر او ينقص من قدرهم