ولا اغلب ولا يحزنون
لاتنسى ان الجهراء كانت برا المنافسه بسبب تضحية مسلم باناخيه الخليفه
ولاتنسى ان عنزه وشمر والظفير يرتبون صفوفهم من وقت نتيجة الانتخابات اللي طافت
ولاتنسى ان فيه 8 أعضاء جدد مدعومين بالاجماع من قبايلهم بالجهرا
ولاتنسى هدية عسكر لأهل الواحه بتثمين بيوتهم يوم راح حشر نفسه مع اعضاء الدايره الثانية واحمد الفهد لما اجتمعوا يبون تثمين الصليبيخات
واللي اثمرت عن دخول منطقة الواحه الجهراوية بسبب فرض عسكر لنفسه بالاجتماع
وربعكم لاهين بتوزيع المال العام على ربعهم بالجليب وخيطان ومنطقة العارضية الصناعية
اللعب على المكشوف
وراح زمن التعميم
الجهرا 8 أعضاء .. 6 باكتساح!!!
جهزوا 4 اذا تبون المنافسه
علما ان محمد هايف وعسكر مفروغ من نجاحهم لأنهم واحد راعي مبدأ وعقيده والثاني راعي واسطه وتنفيع بدون اهدار للمال العام
نبي منكم 2 بس !!!!
وأتمنى قبيلة الرشايده (مع غير الدغباسي اللي قط عباته) يفوزون بهالكرسيين لأنهم يجيبون طحين بدون جعجعه
بينما الآخرون .. جعجعه بلا طحين
وفي قول آخر : جعجعه لذر الرماد في العيون وخلط الاوراق لتمرير أجندة تثبيت الموالين في مناصب تفتح باب مغارة المال العام
وقبيلة الرشايده .. صرتوا تسمونهم بصامين مع انهم وبكل هدوء ينفعون ربعهم وينفعون باقي الامه بتصويتهم على المشاريع الحيوية
P.S. صج !!! شنو كان الموضوع؟؟!!!!!