تعبـت واتعبـت فكـري فـي تفاكيـره
اللـي لهـا داع واللـي مالهـا داعــي
اللـي لهـا فـي جليـل الملـك تذكيـره
في تالـي الليـل يـوم النـاس هجاعـي
الرابح اللي معه متواصل سيره
والثاني اللي رجع له عقب ما ضاعي
من ضاع له شي لـو كثـرت تحاسيـره
كد قيل مايحيـي الميـت بكـاء الناعـي
يامـل قلـب تقـل فـي داخلـه نيـره
مافيـه عـرقٍ متيـن وغـض ماماعـي
امسـى مثـل وادي خضـراء نواويـره
واصبـح مثـل واديٍ مافيـه مربـاعـي
حطيتنـي يازمـان الغـدر فـي حـيـره
ضيعتنـي بيـن مدخـالـي ومطـلاعـي
والهـم دقيـت فـي كـبـدي مسامـيـره
سـم الافاعـي تجرعـنـي تجـراعـي
الغيـب لـغـز ولا يعـلـم بتفسـيـره
ياكود مـن ترقـد العالـم وهـو واعـي
الملـك بيديـن راع المـلـك تدبـيـره
مايملكـه لاملـك دولــه ولا راعــي
ربي وانا ارجيه ماارجـي واحـدٍ غيـره
هو الذي في يـده تحسيـن الاوضاعـي
يالعبد لـو طـرت مالـك عـن مقاديـره
اليـا نـوى شـي مالـه عنـه مناعـي
لو تشلق الثـوب مـن ذيلـه لازاريـره
والا تقطـع مـن الفـرحـة تقطـاعـي
الوقـت لابـد لـه ضحكـة وتكشـيـره
متـعـرضٍ للتقـلـب والتـزعـزاعـي
اسري مع الهم مـن ديـرة الـى ديـره
والليا اصبح الصبح ضعت وضاع مرماعي