يالله عسى الكويت تسلم .....
وهذه أيضا لمسلم ....
عسى الكويت تسلم .....
يالله عسى ديرتي تعمر وتسلم ...
من كل حاسد لها بالشر ناوي ...
تسلم يمين اللي حموا سورها بدم ...
ويسلم صباح اللي على النوف ضاوي
ياديرتي ياعزوتي لا يلحقج هم ...
لا صار شعبج يفتهم للغطاوي ...
هذا ولد خالن ... وهذا ولد عم ؟؟؟
والكل منهم يفتديج ويداوي ...
لا صار وقت الصج.. من خان يندم ..
ولا صار وقت الطيب بالطيب ناوي
أدري الكويتي لا غضب مايتكلم ...
وقت الفعل يمناه تضرب كل عاوي
لاباس يامسلم ان سال منك دم ...
كفارة لذنوب ... الفتن والبلاوي ...
الكويت امك لا تأذيها .. مسلم ...
واذكر حضنها .. وانت بالمهد ذواي ..
لا يستثيرك من خبط مايك بسم ...
ولا يغرك من فزع لك مخاوي ..
ملعون من يفتن وطنا وانت أعلم
ياعسى سراج الوطن دوم ضاوي ..
ياخوي هد الرمي عسى الكويت تسلم
من كل حاسد لها بالشر .. ناوي ..
ياخوي هد الرمي عسى الكويت تسلم
من كل حاسد لها بالشر .. ناوي ..
لانملك الا النصيحة الصادقة ....