ماهو افضل جهاز نقال لتصفح الانترنت ما رأيكم بالـ I phone ؟

[الجمبازي]

اريد اشتري جهاز نقال لتصفح المواقع

ما رأيكم بالبوكت بي سي ؟ احد جرب تصفح مواقع النت والمدونات العربية من خلاله ؟

ام انتظر جهاز الماك Iphone ؟
كم سيباع عندما يصل الكويت ؟!!
وهل اشتريه من امازون

هنا تصفح الويب عن طريق الـ Iphone
صراحة شئ عجيب عاجبني هذا النقال جداً
http://www.youtube.com/watch?v=7vBUjiG7e20&mode=related&search=

 

[Loyalty]

زميلي الجمبازي .
iphone واضح إنه بيكون جهاز جدير (( بالشراء )) ..
و أعتقد سعره بيكون مرتفع .. بالضبط كم .. ماأقدر أخمن !
لكن حسب رأيي بأجهزة البوكت بي سي .. O2 جهاز أنيق ومتكامل
و عن نفسي أستخدمه كثيراً بتصفح المواقع و المدونات ..
بل حتى بعض ردودي في الشبكه كانت عن طريقه .
و إذا ودك اتعرف سلبيات ال o2 فما عانيت من أي مشكلة لحد الآن ..
إلا مرة واحده سقط من يدي ، و الحمدلله بالكفاله تمت معالجته :>
يمكن لأنه استعمالي جيد و خفيف !!
اما i-mate فعندي عداوة معاه فما أقدر أمدحه لك أو أذمه ..
و باقي أنواع البوكيت بي سي ، ماعندي خبرة كافيه عنهم ..

بشّرنا بالجهاز إذا شريته iphone او غيره ..

أختك loyalty

 

[كرستال]

i phone جهاز حلو ومميزاته ممتازة ولكن في البدايه لن يكون معرب ثانيا سعره مو رخيص حوالي 500 دولار امريكي هذا سعر امريكا المتوقع فقيس عليه سعره بالكويت طبعا في البدايه راح يكون عالي السعر الي ان تتضح الرؤيا
وهناك جهاز بلاك بييريblackberry
وممكن الاطلاع عليه من خلال الرابط المرفق وهو جديد في السوق الكويتي ومقصور حاليا على الشركات وعارف ام تي سي

http://www.discoverblackberry.com/devices/

 

[It's Me]

والله شغل عدل هالـ Iphone

لأن الـi-mate مزعج .. و وبصراحة غبي و أبدا مو عملي ..

الجمبازي .. ما عندك فكرة متى راح يوصل الـIphone للكويت .؟؟
و جم تتوفع راح يكون سعره ؟

تحياتي لك

 

[الجمبازي]

حسب علمي الجهاز Iphone راح ينزل اخر 6

الجهاز حسب المحللين عبارة عن جهاز مالتيميديا ولكن فيه ميزة الهاتف النقال

عيب الجهاز ضخامة حجمة واذا طاح فهذي مشكله واجهزة الماك غاليه الثمن

ايضاً لن يكون معرب وطبعاً اكيد لن يظهر المواقع العربية مثل مدونة ام صده

هنا فيديو لطريقه التصفح المبتكره بالـ Iphone وبصراحه يتفوق بأشواط على
http://www.youtube.com/watch?v=jIhf0jpROwc

لي شخص اعرفه يشتغل بالـ MTC سألته على البلاك بيري يقول انه تم اعطاء زملائه بالعمل دورة خاصه بهواتف البلاك بيري
يقول ان زملائه مــا يـمـدحـون هذا التلفون و "مو زين" ، ولم يـبـيـن لي السبب ..؟

 

[الجمبازي]

للتو كنت اشاهد تقرير عن هاتف Iphone على قناة الحرة

وهم يحذرون ان Iphone يعمل فقط على شبكة امريكا AT&T ولا يعمل على شبكات اوربا والشرق الاوسط الحديثه "الجيل الثالث"

يعني لا تشترونه

 

[مواطن بسيط]

ممكن صورة لـ ( Iphone ) ؟

 

[IMSE]

راح يطرح الجهاز في آسيا في سنة 2008، عاد الله أعلم جان الكويت جزء من الخطة.

حاليا شركة At&t محتكرة في أمريكا لمدة سنتين. سعره 500 دولار هذا لمه تفتح حط وياهم، لكن سعره بدون خط من 800-900 دولار.

 

[الفراشة]

شفت جهاز Iphone

في برنامج ( انسايد ايدشين ) مميزاته حلوه بس حيل كبير

بس للأسف مومعرب يعني ماراح ينفع مع المدونات والا الشبكة الوطنيه

وانا الاسبوع الجاي ناوية اشتري لي جهاز

واشوف لويالتي تمدح البوكت بي سي .. O2

ياليت اللي عنده معلومات اكثر يعطينا ...

 

[the man]

جهاز I-Phone حاليا فقط متوفر في امريكا ومحتكر من قبل افشل شبكه هواتف نقاله لمده عام كامل. سعر 4 جيجا 499 دولار وسعر 8 جيجا 599 . بعد سنه سيتم طرح نسخ معدله غير مقفله لأسواق اوروبا و الشرق الاوسط. ايظا احتمال زياده السعه الي 14 او 16 جيجا. بس انا متوقع انه راح يكسر سوق النوكيا كسر مثل ماكسر النوكيا سوق الاريكسون المسكين عام 1996 .

السعر راح يكون خيالي اول مايوصل الكويت. نفس ipod شريته من الكويت بمبلغ 200 دينار عام 2005 في حين كان في امريكا بسعر 299 دولار.