المشكلة بتواير سيارتي:)

[جواهر*]

كنت اظن انه المشكلة بتواير سيارتي وهي السبب بتعرج السيارة يمين ويسار​

واصعد وانزل وفكرت اني اكلم اخوي يودي سيارتي للمصلح عشان يفحص لي ​

تواير سيارتي الجديدة ​

اكتشف انه المشكلة مو بسيارتي المشكلة بشوارعنا اللي مليانة حفر وتشققات​

بالشوارع هي اللي تخلي السيارة تترنح​

ديرتنا الكويت ربي يحفظها من كل شر ديرة غنية ولله الحمد والمنه​

وسباقة لعمل الخير والتبرع للمحتاجين بره الديرة بالملايين عسى الله يزيد ويبارك​

فهل تبخل كويتنا الحبيبة على اهلها بجم مليون عشان تصليح وتعبيد الشوارع​

فهل يعقل هذا الشيء لاشوارع سنعة ولا مواقف بعد؟؟!!!​

فصج معاناة لمى تمشي بالسيارة ومرة تميل يمين ومرة يسار ومرة فوق ومرة تحت ....​

من كثر الحفر مشكلة اذا السيارة صغيرة والله انا اخاف على سيارتي من الحفر ومع الوقت راح توسع وخاصة مع كثرة الشاحنات ​

نداء لاهل الاختصاص اهتمو بالشوارع ​

وعدلوها رجاء

اختكم فوضت امري لله​

 

[adilalroh]

حسب خبرتي.
مشكلة سيارتك في الهئيه الاماميه .
ويبي لها وزنيه+ سحكيه..علشان ما تتاكل التواير

 

[هورايزن]

نداء لاهل الاختصاص اهتمو بالشوارع ​

وعدلوها رجاء​

اختكم فوضت امري لله​

صــــــــــــــــــــــوتك وصــــــــــــــــــــــــــل

:إستحسان:​

 

[مجموعة إنسان]

أختي منهو أرخص تشترين تواير لسيارتج أو الدولة تسوي شوارع جديدة ؟
هههههههههههههههههههههه
طبعا اتقشمر
أنا أتذكر مسرحية لسعد الفرج مالتذكر متى ومن كم سنة بس اشوية قديمة فيها جملة لسعد الفرج قالت تجي سنة مادري متى هو يمكن ذكرها ( بشتك تحت ابطك نوطقك أبو الف بمخباتك تركب قطارك تمر جبرتك تجيب خظرتك) أن شاء الله يجي ذك اليوم الي الدولة تسوي سكك قطارات ونستقني عن السيارات

انت مو رايحة للمناطق الفقارة وشوفي شوارعهم أشلون صايرة مو بس الشوارع حتى الكهرباء شوفي بالصيف شيصير فيها كلها أنقطاعات بس لان ماوراهم ظهر مساكين
الله يعين
تحياتي لك عزيزتي ​

 

[جواهر*]

حسب خبرتي.
مشكلة سيارتك في الهئيه الاماميه .
ويبي لها وزنيه+ سحكيه..علشان ما تتاكل التواير

حياك الله اخوي وزنية + سحكية شنو هذا ماعرفت شيء؟!!

اخوي انا مره ماعندي خبرة بسوالف السيارة, بس اعرف أسوق

وانا اقصد البلا بشوارعنا اللي كلها حفر وتشققات

تحياتي لك:وردة:

 

[جواهر*]

صــــــــــــــــــــــوتك وصــــــــــــــــــــــــــل​

:إستحسان:​

حياك الله وشكرا للمشاركة

 

[جواهر*]

أختي منهو أرخص تشترين تواير لسيارتج أو الدولة تسوي شوارع جديدة ؟

هههههههههههههههههههههه
طبعا اتقشمر
أنا أتذكر مسرحية لسعد الفرج مالتذكر متى ومن كم سنة بس اشوية قديمة فيها جملة لسعد الفرج قالت تجي سنة مادري متى هو يمكن ذكرها ( بشتك تحت ابطك نوطقك أبو الف بمخباتك تركب قطارك تمر جبرتك تجيب خظرتك) أن شاء الله يجي ذك اليوم الي الدولة تسوي سكك قطارات ونستقني عن السيارات ​

انت مو رايحة للمناطق الفقارة وشوفي شوارعهم أشلون صايرة مو بس الشوارع حتى الكهرباء شوفي بالصيف شيصير فيها كلها أنقطاعات بس لان ماوراهم ظهر مساكين
الله يعين

تحياتي لك عزيزتي ​

ياهلا وغلا والله اضحكتيني بسالفة القطار الظاهر جذي مايبون يعدلون الشوارع

واله المستعان اغلب المناطق تعاني من هذا الشيء

والله يعين الجميع

تحياتي لج:وردة::وردة::وردة: