بسم الله الرحمن الرحيم
انا عندي بعض التسائلات واتمنى الوصول للحل
الكويت تعاني من مشاكل وازمات عده خصوصا في الفتره الاخيره
ماهي اسباب هذه المشاكل ؟
ومن المستفيد منها ؟
وما هو الحل ؟
واليكم بعض هذه المشاكل
1- ازدواجية الجنسيه
2- المناطق الداخليه والخارجيه ( بدو و وحضر )
3- السنه والشيعه
4- القروض و صندوق المعسرين
5- الرياضه
6- البورصه
7- الاعلام الفاسد
وغيرها الكثير ....
هل تتوقعون كل هذه المشاكل بالفتره القصيره الماضيه ( ناتجه من الصدفه ) ؟؟؟؟؟
او هل هذا الامر طبيعي ويحصل في كل الدول ؟؟؟؟؟
انا الى توصلتله ان سبب هذه المشاكل هو ابليس لعنة الله عليه
وتقبلو احترامي
صبحك الله بالخير
بلخصلك بشكل سريع بوجهة نظري حلول للمشاكل أعلاه
1-ازدواجيه الجنسيه
الحل موجود بس محّد له خلق أو بالأحرى مو وقته لسبب ما !
ولا لو الحكومه تبي جان سوته من زمااااااااااان
مباحثنا لو يبون يطلعون ( قمله ) من راس هندي جان طلعوها
بتقنعني ماراح يقدرون يحصون من عنده جنسه ثانيه؟ ما أعتقد
لو بناخذ الجناسي المزدوجه بتكون بأربع دول بكثره بوجهة نظري وهي بالترتيب:
1- السعوديه
2- ايران
3- أمريكا
4- بريطانيا
وموضوع مزدوجي الجنسيه انا اعتبره هو ( الجوكر )
شلون؟
متى ما صارت مشكله عوده بالديره
يطلع( الجوكر ) ويشد الإنتباه بسحب جنسيه شخص أو أثنين ويهدي الشارع وتنحل المشكله الأوليه بسرعه بطريقه ما !!
2- المناطق الداخليه والخارجيه ( بدو حضر )
هذه المشكله بثقافه المجتمع ويساعد عليها الإعلام
والحل بتغيير الثقافه عند الأثنين
+ عدم تساوي الخدمات العامه عند الأثنين
3- السنه والشيعه
لا أحب التطرق لهذه المواضيع لأن هناك أشخاص لا يتحملون الحوار بهذه النقاشات
وأختصرها بــ ( لكم دينكم ولي دين )
4- القروض وصندوق المعسرين
هذا الموضوع يبيله قعده طويــــــــــــــــــــــــــــــــــــــــــــــــله
لكن بحكم عملي سابقا بالقطاع المصرفي سأدلوا بدلوي:
سبب المشكله :
1- تهاون البنك المقرض بقرارات البنك المركزي
2- ثقافه المجتمع الغريبه
3-ضعف رقابه البنك المركزي
4- جشع البنوك
بحكم اللي
شفته بعملي السابق من ثقافه المجتمع بالقروض
بقول أن نسبه 75% من اللي خذو قروض ماعندهم سالفه كلش
أكو شاب ياخذ 42,000 عشان يشتري فيراري؟
أكو بنت عاقله تاخذ 25,000 عشان تشتري رينج روفر ؟
ناهيك عن اللي تشتري ( ذهب ) ولا اللي يسافر ( إيطاليا و فرنسا وأمريكا ) !!
والأسباب التافهه الأخرى
والأدهى والأمر أنهم يمثلون 75% من المقترضين
اللي مروا علي
لكن هناك ناس تحتاج
تبني بيت ، علاج ضروري بالخارج، أمر طارئ لكنهم للأسف 25%
صندوق المعسرين :
أعتبره وضع ( الصقر ) بقفص !!
5- الرياضه
مالي فيها كلش إسمحلي
6- البورصه
مؤشر البورصه بسنه 2001 كان 1,700 نقطه تقريبا
وبسنه 2008 تعدي 15,500 نقطه
حصل نزول بالفترات السابقه وجني أرباح لكن لكل سوق دوره زمنيه
وبنظري إن فتره التصحيح نمر بها الآن مع أحداث الأزمه العالميه خصوصا بأننا لسنا مرتبطين بها ماديا بسنبه كبيره الا اننا مرتبطين بها نفسيا بنسبه كبيره
والسوق يمثل نفسيات المتداولين
7- الإعلام الفاسد:
أكتفي بهذه العباره:
من أمن العقوبه أساء الأدب !!
تقبل تحياتي
وجهة نظر