ما يحلها إلا أوباما .. عين السيح :وردة:
أنا رجال تعبت .. كويتي بالتأسيس .. وأعامل كمعاملة زوج النائبة معصومة البحريني ..
ما أبي لا كوادر ولا علاوات ولا خدمات صحية ولا تعليمية ولا شئ .. أبي نصيبي من
النفط وبأشتري فيها منطقة كاملة وأفتح لي مدرسة خاصة وعيادة خاصة و وبأسويها
مقاطعة إنفصالية ..
تعبنا من هالحكومة .. نفط وخير ودنيا .. وعينك عين بووووق ومصالح شخصية تصرف
هنا وهناك كأن النفط وإيراداته ( ملكهم الخاص ) ..!
بتقولون الحكومة ما قصرت معاك .. لا والله كذبتم ..!
طلعت على الدنيا ..
ودخلت المدرسة ( يقولون إنها مجاناً ) طيب هل التعليم .. تعليم بحق ولا تحمير ( على وزن حمار )
لا والله إلا تحمير .. مدرسين فاشلين ومناهج فاشله وسياسة تعليم فاشله وكل
اللي أمسكوا وزارة التربية والتعليم فاشلين بعد
وتجي تتخرج بنسبة ممتازة وتتفاجأة بنسب الجامعة المرتفعة .. طيب يا مال الشحم
من زين جامعتكم يعني .؟!
حتى جامعتكم فاشله مع أحترامي لدكاترتها وطلابها .. عطوني إنجازات الجامعة
والمواهب والإختراعات اللي تسجلت بإسمها .. ولا شئ .. ما عندهم إلا الفلس ..!
إذاّ .. من ناحية التعليم .. الحكومة سرقت المواطن ولعبت عليه .. وأطالب أوباما
بالتدخل وإسترجاع نصيبي النفطي الذي صرف لي على التعليم .. !
للأن التعليم فاشل ولا يلبي طموحي مقارنةً بالمبالغ التي صرفت علي لتعليمي
.....................................................
ويقولون ( خدمات صحية مجانية )
هي النقطة الأكثر سواداً في الكويت .. تبدأ قصتك مع الصحة وخدماتها لما تولد
أمي تقول جبتك بمستشفى العدان وولدتك عند الممر بالطابق الثاني
سلامات يمه ..؟! ليش ما فيه مكان .. تقول لا .. إلا اللي عنده واسطه .!
ليييش هندي أنا ولا كلب .. وين غرفتي الخاصة وين العناية .. إسم الله علي
واحد مثلي كذا ينولد .. ونفطي الخاص ليش ما صرف علي بحفاوة عندما
أبصرت النور ..!
وبعدها تبدأ بقصة التطعيم .. كذابين .. أبره فيها ماي .. ويقولون تطعيم
بعدين ليش الممرض يعطيني الإبرة ويجرحني .. وين العناية ... أقعد أسابيع
وأنا أصايح مثل البنت ..
وبعدها تتوكل على الله .. لا مرضت شرفنا ذيك الساعة ..!
تجي مريض .. وأذكر جاتني جلطه في الرجل - جعلكم ما تشوفونها - ولا عندي
فلوس .. فلوسي سارقتها الحكومة .. رحت للعدان وعطوني موعد للأشعة على
الرجل بعد شهر .. طيب وإذا مت وش أسوي .. بتقولون لا تخاف بندفنك والكفن
على حسابنا ...
مو حجي ..
أنا رجال كاتب وصية من ألحين .. إذا مت أحرقوني وأنثروني بالبحر
يالله .. عطوني فلوس الكفن والقبر .. ..!؟
خدماتكم الصحية - دكاترها - قصاصيب وشهادات بيطرية مش بشريه - تلعبون
علينا يعني .. ليش ما ني مواطن حالي حال الحكومة اللي عسى ما ( كح )
واحد منهم عطوه طيارة خاصة فخمة وعلى باريس ولا لندن ولا عند الشيخ / أوباما
ويسوون له فحوصات طبية من حساب الدولة ..!
أوباما .. أنقذني .. فأن الخدمات الصحية لا تعالجني وإنما شوهتني ..!
أبي مقسومي من النفط واللي صرف على خدماتي الصحية ..!
............................
يقولون ( توفير وظيفة لك مجاناً )
بكالريوس محاسبة .. وسهرت الليل والنهار كله وأجتهدت للأني مو فاهم شئ
من تعليمهم ومع هذا حاولت بشتى الطرق إني أفهم تعليمهم عبر الإستعانه بكتب
وبحوث من الخارج .. وبالأخير حالياً بوظيفة حكومية غير تخصصي وإنما أقل منه
حالي حال الدبلوم والثانوي في المركز فقط ..!
ما عندي واسطة يا أخي وش أسوي
أوباما .. ما أبي معاشهم ولا وظيفتهم .. أبي نفطي الخاص
..............................
أركد أركد يا ولد .. بنعطيك لا تزوجت 4 ألاف دينار - ألفين هبه .. وألفين فتحية وأقساط .!
وبنمشي لك بدل إيجابر 150 وبدل علاوة زوجية ولا جبت عيال بنعطيك على
كل رأس 50 دينار بعد علشان تصرف عليه ..!
وبيطلع لك بيت بعد 15 سنة مثل البيت الأبيض لا وبعد بنقدم لك خدمات
بالمنطقة وتعيش حياة ملوك للأن ( نصيبك من النفط ) مو شوي ، وبنحاول
إننا نمسك نصيبك ونديرة لك بعناية وبحكمة ..!
تكذبون ( يا حرامية ) .. نصيبي من النفط أكبر من هالأشكال والخدمات والعلاوات
والكوادر اللي تخصصونها لي ..
علينا يا حكومة ..
طيب نجي للسواسية في الحقوق تحت ظل الدستور ..!
ليش أنتم بيوتكم 1000 متر وأنا بيتي 300 متر تقول بيت كلب ..!
وليش عندي الكهرباء بالصيف ( تفصل ) وعندكم لا ..
وليش الماي عندكم نظيف .. والماي اللي عندي سبب لي تساقط بالشعر
وحساسية بالجلد
وليش أنا أسكن بجنب مصانع كلها تلوث . وأنت تسكن في منطقة كلها هواء نقي
إذا الهواء ( برسوم ) علمونا . علشان أعلمكم تأخذون من نصيبي من النفط
وتجيبون لي هواء نقي
....................................................
نجي لسرقات الحكومة ..
أبي نصيبي من الـ 5 ملايين اللي سرقها وزير الداخلية وصاحب شركة الأعلانات
الإنتخابية على 150 لوحة معدنية حديدية مصديّـه ..!
أبي نصيبي من الوزير اللي سرق الـ 4مليون وحوله لحسابه الخاص قبل يوم
من ميزانية الدولة الجديدة ..!
أبي نصيبي حالي حالي أعضاء المجلس ووزراءها الحرامية ( البعض منهم )
اللي يأخذون مزارع وبيوت وشركات ومناقصات مقابل إيجار 60 دينار سنوياً
طيب أنا أبي مزرعة بإيجار 60 دينار سنوياً ..
أبي موتر مثل مواتر الشيوخ والنواب والوزاراء .. وأبي خط وطنية ولا زين بفواتير
مجانية ( عندي وحده أحبها وأبي أكلمها 24 ساعة ) كيفي
وأبي قروض مثل قروض رولا دشتي ( تبجي ) أبي سهولة بالقروض
والمعاملة .. أبي أحس إن بشر مش كلب ..!
ليش .. وش يفرق النائب ولا الوزير عن المواطن .. كلهم واحد
بتقولون هذا صاحب مكانة ووجاهه ومركز سياسي حساس ... أقول ( خسئتم )
وش نفعنا ( المجلس ) شنهو إنجاز الحكومة ..
رعاية صحية فاشلة
خدمات تعليمية تحميريه
كوادر وعلاوة تخديرية
حياة مستقبلية ( مظلمة )
ما نبي مجلس .. نبي دراهمنا ونصيبنا من النفط
........................................
أوباما .. يا أبو باراك .. تكفى يا عين السيح .. أنقذني .. أبي نصيبي اللي أعتصبوه
الحكومة ولعبت علينا .. أجل أنا آكل كاكاو أبو نجوم وهم يأكلون شوكلاته سويسرية .!
هزلت ..
اللي عنده إيميل أباوما يرسله على الخاص لو سمحتم .. :وردة: