انزين شرايك بالكويت
و هي مو مهتمة بالسياحة بشكل قوي مثل الامارات و مصر
شرايك فيها كسياحة :إستنكار::إستحسان:
الصراحه انا الكويت زرتها عشان عندي ربع
يعني غصب تستانس يعرفون وين يودونك
وجي يعني يبسطونك من كل النواحي والكويت
كـ مقاهي ومطاعم وجي حلوة بس بعد كـ سياحة يعني
لو ماعندي ربع هني مستحيل اجي الكويت ومع ذلك اشوف
الكويت احلى من قطر احس فيها روح وحياة اكثر ..
بس مافي مقارنة يعني انت كويتي و انا قطري لو بسافر
ادفع فلوس وارتاح استحالة اجي الكويت وانت استحاله تيجي قطر
و دبي حذفه حصى جنبنا صح ولا غلظ ..
اضحكك انت لو جيت قطر ودورت منتجع محترم
بيقولون لك روح سيلين ولا الغارية ومافي غيرهم وطبعاً
بتروح وبتشوف شباب قطر هناك (الفرحه مش سيعاهم) على اساس
انهم في منتجع لاكن لو رحت دبي وشفت منتجع من منتجعاتها قسم
بالله بتقول شنو هالمنتجع اللي انا رحته بقطر اضحكك اكثر مرة كنا حاجزين
فندق بدبي وراح علينا الحجز غلطة من مكتب السفريات وكان موسم دورنا فنادق
مالقينا غير فندق 4 او 3 نجوم في منطقة تعتبر اسوء منطقة واقدم منطقة في دبي
اسمها المرقبات يوم دخلت الفندق ومن قبل شايف فنادق الدوحة الـ 7 ستار اقسم لك
بشنو انه هالفندق التافه بو 3 نجوم مايقل عن ال 7 ستار اللي عندنا كـ اثاث اما كـ خدمات
فاحسن منهم بمليون مرة فطور و نت مجاني وازيدك من الشعر بيت شفت منطقة ديرة وبر دبي
تعرف انها من اقدم المناطق في دبي يعني منطقة رايحه فيها تدري انه شوارعها
احسن من شوارعنا بقطر بمليون مرة ..
الكويت وقطر مهما اشتغلوا ولا رقدوا يمشون بوزهم الامارات وصلت القمر
ياعمي انت لو تروح سياحه بس عشان تشوف محطة بترول بالامارات وترد بلادك
ترتاح نفسياً احنا نشتغل بـ 100 سنة وهم يشتغلون بيوم اصلاً مافي فايدة لو نجيب
اليابانيين يشتغلون عندنا يدوب عقب 500 سنة نوصل ربع اللي وصلته الامارات الحين
وبتكون الامارات تقدمت زيادة ..
ياخي انت شتقول الامارات طلعها من الخليج قارنها باوربا ويمكن تتفوق عليهم
بعد احنا ليحين في العالم الثالث لا تقارنا بناس وصلوا فوق السحاب ويفكرون
الحين يبنون برج يمسكون من خلاله النجوم
والله اني ما استغرب اني اقوم بكرة الصبح اقرا خبر في الجريدة
انه الشيخ محمد بن راشد يفتتح برج في القمر كفوو عليهم
مثال يحتذى به وانشالله نشوف الخليج كله يوصل مواصيلهم مافي
شي بعيد عن ربك