الصمت والمينا

ا

الغريب الذيب

عضو
تعال أفتح لك أزرار الحديث وغنني يامال ​

تراني مركب مل السفر وأشتاق للمينا ​


كن النهام وأصدح بالحنين لضايقين البال ​

عسى تقدر تعبرنا المدى في حزن أغانينا ​


كتبنا لين ملتنا القلوب وطول الترحال ​

كذبنا لين صدقنا الكلام وصار امانينا ​


خذ الأقلام والأحلام ما عادت تسر الحال ​

ولا تنفع ولا تشفع ولا تسمن وتغنينا ​


يا نهام الفجر نوره يفج الليل للغربال ​

وبكره مدري لوين القدر يبغى يمشينا ​


تطل الشمس في عيون السهارى تذبح الآمال ​

ويبعثنا المسا من قبرنا ونعيشنا فينا ​


كذا والفارغين أضحوا أهل الأراء والأقوال ​

كذا صارت مصيبتنا العظيمة في مبادينا ​


تركنا الأرض للسخف الكبير وضحكة الجهال ​

زهدناها بعد ملت من التربة خطاوينا ​


يا نهام الحديث يقلب الأوجاع لا من طال ​

وحنا حائط المبكى غدت مثله حكاوينا ​


فهل نستجدي الغيم الغثيث يبر بالهمال ​

أو نطاوع صلابة روسنا اللي ما تخلينا ​


على طرق الحنين وطاري الغالين واليا مال ​

دخيلك شوف لي عن هالحديث الصمت والمينا ​




نواف التركي​
 
M

Ms Rose

عضو مخضرم
كلمات جميله ​

بس تدري اول ماقريت عنوان موضوعك طرى علي​

اغنية الصد والهجران مدري ليه:p

بانتظار المزيد من ابداعاتك:وردة:​
 
يجب تسجيل الدخول أو التسجيل كي تتمكن من الرد هنا.
أعلى