ليش ...قولي انت ليش؟

[فاطمة حسين العلي]

ليش ...
الرجل يسوق باليسار عادي ومرتاح والمرة باليمين وتلاقيها حاطه ايدها على السكان والايد الثانية مسنده خدها فيها وتنافخ ..؟
ليش...
ما يحلى الواحد ينظف سيارته الا واهو ماشي على الحط السريع او يم الاشاره!!!
ليش...
الي عنده مرسيدس بانوراما لازم يمشي الحارة الوسطانية وبسرعة 80 !!!​

 

[غير البشر]

* ليش الناس تحب اللى ينافقهم ... ومااتحب الصريح واللى يبى مصلحتهم ؟؟

*ليش الساعه 7 الصبح الشارع مزدحم بسياارات ... اكثرهم حريم ؟؟؟؟ بس هم اللى يداوموون ؟؟؟؟

*ليش نطلب وجبات .... بس البيبسي نطلبه دايت ؟؟؟

 

[الفراشة]

ليش لما نكون حاطين ميزانية معينه لشيء معين ... تطلع الف شغله والمصيبه انها لاتحتمل التأخير ...

تحياتي لك

 

[فاطمة حسين العلي]

ليش ...
الكويت كل جيل يستلمها يكون اضعف من الي قبله ...؟
ليش ....
كل افلام هوليوود صارت عن اليهود ... حتى روبن هود طلع يهودي!!
​

 

[غير البشر]

* فترة الامتحانات تسبب لي أزمة ... مع انى عديت مرحلة الدراسة ؟؟؟

* ليش لما نزعل مع الناس اللى نحبهم .. نتلمس لهم العذر حتى لو انهم غلطانين علينا ؟؟؟

*ليش لي قرب المعااش ..كل شي يخترب فى البيت ؟؟؟

* ليش كلما قررت اشترى بالمكافآت اللى تنزل لي ... تعصلق ..معاى وماينزولها ويقولون اسمج سقط سهوا ... ؟؟؟؟

* ليش معظم البنات .. يعجبهم .. المذيع السعودي سعود الدوسري ؟؟؟؟

* ليش الحريم لما يسولفون لازم يحشوون ... ؟؟؟

* وليش الحرمة تحب تتحكم في زوجهاااا .؟؟؟

 

[فاطمة حسين العلي]

ليش...
الوحده فنانه في التعليق على الحريم قبل لا تتزوج....!
ليش...
اغلب الوزارات بدون مصافط وان وجدت ترابية ....!
ليش ....
اليهال يهبلون بس اذا كانوا نايمين ....!
ليش...
نتشفق على العطلة أيام المدارس ونتمنى المدرسة ايام العطل .. !
ليش ...
لا حبتك عيني ما ظامك الدهر ....!
​

 

[غير البشر]

*ليش البعض يناشبنااا على الاعمال اللى تكلفنااا فيهاا المديرة ؟؟؟تحلى بعينهم ؟؟

*ليش الوحده لما تسوى ريجيم ... قالوا اكيييد بتزوج ؟؟؟

*ليش الخصومات اللى يسونهااا فى الاسواق مااتتابعهااا وزارة التجارة ؟؟؟

*ليش الاسعااار برا ارخص من الكويت بوااجد ؟؟؟ مع انهااا نفس البضاعه ؟؟؟

* ليش البضااعه الجديدة لاى ماركة تنزل اول شي فى الامارات .. بعدين السعودية والكويت
اخر شي ؟؟؟

* ليش الخدم ان رحمنااهم على بالهم خاايفيين منهم ؟؟؟

* ليش الغيرة فى العمل .. مع ان كل واحد يشتغل ويستحق التقدير ؟؟؟

* ليش لما نلعب الاطفال ننسى همناااا ؟؟؟

 

[فاطمة حسين العلي]

ليش...
لما نوكل الياهل نبطل حلجنا مع انه اهو الي ياكل ...!
ليش ...
ما يحلا الريجيم الا قبل العرس باسبوووووع ...!
ليش...
الحريم تداحر بعض بالشارع ..وجنها شوماخر؟
ليش...
اول ما تبطل الاشاره خضرا الي وراك يطقلك هرن ...!
​

 

[فاطمة حسين العلي]

ليش ...
اي دويتو خليجي صاير بين الرياييل ....وطايحين له حب وغزل ...!!​

 

[غير البشر]

* ليش عيادات التجميل زحمه الحيين ؟؟؟؟ يقولون بيكشخوون قبل السفر ؟؟؟؟ شكو ؟؟

 

[فاطمة حسين العلي]

ليش...
المصلي اذا راح المسجد يروح ف بيجاما او دشداشه وجرينبه يعني كاشخ
واذا انعزم على عرس والا عزيمة ..الدشداشة والغتره وحتى العقال يروحون للمصبغه ..!​

 

[غير البشر]

*ليش الحرمة تصبر على زوجهاااا ؟؟؟ وهو اى غلطه او هفوة تزوج عليهاااا ؟؟؟؟

* ليش تتميزنااا قبل بالطيبة وصفااء النية ؟؟؟

* ليش لما يخطبون البنت ويوافق الاب يقولهم لو هي ذبيحه ماعشتك ؟؟؟ شكووو ؟؟؟

*ليش لي سافرناا برا ... بس نفر بالاسوااق ؟؟؟

 

[فاطمة حسين العلي]

ليش ...
غير بس انا وياج الي عندنا عقدة الليشات ...؟
كلهم مستانسين وماعندهم مشاكل ...!!! ​

 

[غير البشر]

ليش ...

غير بس انا وياج الي عندنا عقدة الليشات ...؟

كلهم مستانسين وماعندهم مشاكل ...!!! ​

بسم الله عليج .... انا اعااني من عقدة الليشاات

من صغري

​

 

[فاطمة حسين العلي]

ليش ....
الزوجة اذا زعلت مع زوجها قالت له عمري ما شفت منك شي حلو !!!​

 

[فاطمة حسين العلي]

ليش
كاكاو بو نجوم لا زال على قيد الحياة ....اكثر من القيم ؟​

 

[غير البشر]

* ليش للحين احب السيريلاك ... بسكوت الاطفال ؟؟؟

* ليش احب اكل كاكاو ابو نجووم وعصير سانكست ؟؟؟

 

[Ms Rose]

ليش مانقدر نكره اللي نحبهم حتى لو اجرحونا!

ليش الكل يتصنع الطيبه بس محد يتصنع الشر!

ليش النفاق الاجتماعي متفشي بالديره!

ليش اغلب الكويتيين يسافرون بالصيف يامصر ياللندن!

 

[المطيريه]

* ليش للحين احب السيريلاك ... بسكوت الاطفال ؟؟؟

* ليش احب اكل كاكاو ابو نجووم وعصير سانكست ؟؟؟

امببببببه

حتى انا ..ليش؟؟؟

تعتقدين طفوله متاخره
​

 

[غير البشر]

امببببببه​

حتى انا ..ليش؟؟؟​

تعتقدين طفوله متاخره ​

المطيرية الخبر الاكييد .... عند جهينة

فااطمة طلعتى كل العقد اللى فينى
ابشررج صرت طبيعية ​