سؤال وجواب مستعملي الـ ماك ( ماكنتوش ) PC

[الكاشونة]

أتمنى من الأخوة و الأخوات الذين يستعملون جهاز كمبيوتر ماكنتوش أن يفيدوني

عن صحة صعوبة إستعماله , على الرغم ( كما يقولون ) من جودته كجهاز كمبيوتر

شخصي .. و قلة تعرض نظامه للفيروسات و الهاكرز ..

جزيل شكري مقدما ً..

 

[joreyaa]

أنا استخدم الآي فون وهو يمثل نظام ماك .....في البداية غريب عليك.....لكنه سهل جدا بمجرد التعود عليه ....اللي عنده لغة انجليزية ما يصعب عليه شي

 

[Hope]

بالتأكيد هو مختلف كل الإختلاف عن نظام الـ windows
لكن المسألة | تعود | لا أكثر ..!
صحيح صادفتني | بعض | المشكلات البسيطة في البداية لكن الوضع الآن | أفضل | بكثير ..!
كـ جهاز و نظام تشغيل هو مميز جداً .. كما انه لن تصادفك المشاكل المعتادة
في نظام الوندوز ..!


دمتم
​

 

[الساخر]

اختي بالنسبه للصعوبه فانا صار لي اكثر من ثلاث سنوات استخدم نظام الماك ما اشوف فيه صعوبه تذكر بالعكس اشوف انه اسهل من الويندوز
عالاقل مايعلق نفس الويندوز
وتقدرين تستخديم النظامين الابل والويندوز في نفس الجهاز

بس هو تعود من شي وانتقال لشي اخر نفس اللي يسوق سياره سكان يسار وفجاه بيسوق سياره سكان يمين يومين ويتعود
كجوده اعتقد ان المبيعات افضل دليل

وسبب قله تعرض للفايروس والهاكرز لان النظام غير منتشر كالويندوز ومتوقع ان يكون هناك فايروسات وهاكرز في السنوات القادمه وهذا شي طبيعي
للعلم شركه ماك طرحت من سنه برنامج حمايه مجاني لمستخدمي الماك من باب التجربه

توكلي علي الله واخذي ماك برو 13 وادعي لي بس لا تاخذين الابيض اخذي الالمنيوم افضل للتنظيف واذا عالسعر طلبي من برا لكويت ارخص
تحياتي

 

[الكاشونة]

أنا استخدم الآي فون وهو يمثل نظام ماك .....في البداية غريب عليك.....لكنه سهل جدا بمجرد التعود عليه ....اللي عنده لغة انجليزية ما يصعب عليه شي

مشكورة حيل و ما قصّرتي .. أما عن " العنقريزي " فــ No Problem

تحياتي ,,

 

[الكاشونة]

بالتأكيد هو مختلف كل الإختلاف عن نظام الـ windows​

لكن المسألة | تعود | لا أكثر ..!
صحيح صادفتني | بعض | المشكلات البسيطة في البداية لكن الوضع الآن | أفضل | بكثير ..!
كـ جهاز و نظام تشغيل هو مميز جداً .. كما انه لن تصادفك المشاكل المعتادة
في نظام الوندوز ..!​

دمتم ​

كل الأمتنان و التقدير على المعلومات الوافية أخي الكريم

تحياتي :وردة:

 

[الكاشونة]

اختي بالنسبه للصعوبه فانا صار لي اكثر من ثلاث سنوات استخدم نظام الماك ما اشوف فيه صعوبه تذكر بالعكس اشوف انه اسهل من الويندوز
عالاقل مايعلق نفس الويندوز
وتقدرين تستخديم النظامين الابل والويندوز في نفس الجهاز

بس هو تعود من شي وانتقال لشي اخر نفس اللي يسوق سياره سكان يسار وفجاه بيسوق سياره سكان يمين يومين ويتعود
كجوده اعتقد ان المبيعات افضل دليل

وسبب قله تعرض للفايروس والهاكرز لان النظام غير منتشر كالويندوز ومتوقع ان يكون هناك فايروسات وهاكرز في السنوات القادمه وهذا شي طبيعي
للعلم شركه ماك طرحت من سنه برنامج حمايه مجاني لمستخدمي الماك من باب التجربه

توكلي علي الله واخذي ماك برو 13 وادعي لي بس لا تاخذين الابيض اخذي الالمنيوم افضل للتنظيف واذا عالسعر طلبي من برا لكويت ارخص
تحياتي

أخي الفاضل " الساخر " ..

الصراحة " أتعبت من بعدك " :إستحسان: و أعجزتني عن شكرك على هذه المعلومات

و النصائح القيمة :وردة::وردة:

و سؤال أخير لو تكرّمت .. هل الفرق بالسعر بين الكويت و الخارج يسوى ؟ خارج الكويت

تقصد " دبي " أو " أمريكا " ؟

أتمنى تكمّل أفضالك علي و تجاوبني ..

:وردة:أطيب تحياتي و سلمت " لأخيك الكاشونة "

 

[الساخر]

اولا اقدم لك اعتذاري فاختلط علي الامر

بالنسبه للسعر دبي والكويت نفس الشي لان اللي بالكويت موزع للوكيل اللي بدبي
معندنا وكيل للماك بالكويت اللي موجودين موزعين
نصيحه لا تاخذ من لكويت ولا من دبي
انا طلبت من امريكا واخذت i phon وi pod مع الماك تدري طلع السعر اغلي من لكويت لو بشتري بس ماك برو ب100 دينار مع التوصيل عن طريق فيديكس

الفرق بالسعر اقصد امريكا وتبي النصيحه انطر للكريسميس راح تنزل الاسعار بشكل مجنون
وغالبا بالكريسميس يعطون هدايا ويا الماك العام كان تشتري ماك برو ويعطونه ipod هالسنه شوف يمكن تكون محضوض ويعطونك i phon بس ان عطوك i phon يكون لي

انت تابع علي الموقع www.apple.com

بس ممكن سؤال شنو معنات اسمك الكاشونة:وردة:
تحياتي

 

[الكاشونة]

عزيزي الأخ " الساخر " ..

عذرك مقبول أخوي و ما صار إلا الخير :وردة:

ابشر بعزك .. إن الله كتب و اشتريت PC ماك و عطوني معاه i-phone

فهو لك ( جد مو غشمرة ) .. تستاهل

بخصوص معرفي " الكاشونة " .. فهي يا طويل العمر .. سلّة من خوص النخل ..مثل الزبيل

لكن بدون " عراوي " ( شرح الكلمة تحت ) .. فتحتها أكبر .. و أقل عمق من الزبيل ..

الكويتيون القدامى في ثلاثينيات و أربعينيات القرن الماضي يستعملونها لحمل مشترياتهم

من سوق الخضرة .. مثل الرويد ( الفجل ) و الطماط و البصل .. الخ . و حتى السمك و اللحم ..

الظاهر أنك من مواليد الثمانينات .. عشان جذيه ماعرفت شنهي " الكاشونة " ..

أكرر لك الشكر و الأمتنان على المعلومات المفيدة :وردة::وردة::وردة:

العراوي = جمع عروة
العروة = المسكة

تقبل أطيب تحياتي ,,