سؤال وجواب افضل بنك اسجل فيه حسابي

[canavaro_wbs]

السلام عليكم

شباب انا ابي استشيركم بافضل بنك كويتي ممكن يقدملي خدمات

ويفيدني اذا احتجته وتكون عنده مميزات حلوه

برايك شنو افضل بنك

:وردة:

 

[Ms Rose]

اهم شيء تبتعد عن البنوك الربويه:إستحسان:
​

 

[keek]

بيت تمويل الكويتي

الامان والطمئنان

بيتك :إستحسان:

 

[رأي خاص]

بيت التمويل معامله رايحه فيها


عندك الوطني معامله ولا احلى

 

[لا للتدخين و لا للمخدرات]

اي والله انحش عن الربويين
بيت التمويل و يتبارك حلالك

 

[صوتك يناديني]

افضل معامله الخليج

افضل خدمات الوطني بس المشكله انهم بنوك ربويه

التمويل صراحه معامله سيئه بس عالاقل مو ربوي

 

[مقروده]

التمويل .... في مثل يقول حطها براس عالم وتعال سالم

 

[شارلوك هولمز]

بيت التمويل الكويتي

صج الخدمه مو فايف ستار

بس حلال​

 

[Ahmed Matar]

أشوف العالم .. تحلل وتحرم ..

أسألكم بالله .. مقتنعـين .. بأن في بنك بالعـالم .. ؟؟ مافيـه لو جزء بسيط من الربويـه ..؟

..


​

 

[مايميزنى لقب]

بيت التمويل وبرقان

 

[دون كيشوت]

بنك بوبيان .. قاعد يقدم عروض زينه حسب ما اسمع
بحكم انه جديد قاعد يحاول يقدم خدمات منافسه ..

والثانى التمويل ..

كل شئ ولا الربى اخوى .. دير بالك

 

[الميموني7]

تبي التوفيق ابعد عن الربا

أدري أنك قلت بنوك كويتية لكن فيه اللي أحسن منها بالكويت

مصرف الراجحي راح يبطل الشهر الجاي على كلامهم وهو إسلامي وأكيد بتصير فيه منافسة مع بيت التمويل اللي خدماته سيئة للغاية ولولا بعدنا عن الربا كان ما رحنا له.

وعندك بنك الدوحة فوائده اقل من البنوك الكويتية لكن أحرص على البعد عن الربا وبالتوفيق

 

[ســـــاحـــــر]

ابععععععععععععععد عن الوطني اكبر حرامية

 

[canavaro_wbs]

مشكورين شباب

صراحه الربا يخوف لانه يمحق الرزق

وسمعت من اكثر من واحد ان التمويل سئ كخدمات

بس ميزته اسلامي

انا كنت بقدم عالخليج قلت يمكن اصير مليونير الدانه

بس لا بارك الله فيهم ولا بدانتهم دامها حرام

التمويل انشالله

مشكورين

 

[CBA]

التمويل - بوبيان - برقان


لا تفكر بغيرهم وشكرا