للوطن كلمة
عضو فعال
مشكلة عسكر انه رجل يدخل الجيب الصغير
شكرا لمرورك وفعلا اصله ماله شغل ونعم بأصله وكثير من جماعته موراضين عن أفعاله حنا نتكلم عن اعماله وأداه كنائبعسكر أنا لااحترمه كعضو فعال بل انبطاحى
ولكن رد على (مواطن) عيب عليك كلام السفهاء اصله وفصله كل واحد يعتز باصله وبطل النغمه الماسخه
والله ماراح نخطى خطوه جدام وافكارنا هذا اصله وهذا فصله شويه حياء يامواطن
وشكرا لصاحب الموضوع
كلام طيب .اشكرك اخي الكريم على طرح الموضوع
وعسكر عار على كل من صوت له سياسيا وليس بشخصه
لانه انبطاحي ويتبع هوى الحكومه وهمه شلون يجمع الفلوس باللي هيبه
بالفعل عسكر عار على السياسه وعلى من يمثلهم سياسيا وغيره كثر ولكن عسكر
اعتقد بانه قائد سرب الانبطاحيين بلا منازع وتعدى خلف دميثير
عتب كبير للأخ غنيم الزعبي
والله ماقريته لك غريب عجيب اتمنى ان كلامك يكووون كذبة ابريل القادمه
عسكر انبطاحي ولا له رأي والحكومه فاتحه له كل طريق مسكر على الاعضاء الشرفاء
يا اخ غنيم لو ذكرت عسكر تجد بجانبه خلف وسعد زنيفر واللميع والنملان وسعدون والحويله والعدوه ومزيد
يعني كأنك مقتنع بالكل ياغنيم راجع في ماكتبت ولك كل الشكر
مــــــايمدح الــســـــوق الا من ربـــــــــــــــــــــــح فـــــــــــــــــــــــــــــــيه ومن حقك يابـــــــــــــو عبداللـــــــــــــه تمــدحــــهم لان معـــــــــــملاتــــــك تــــطرشــهم لو مع الســـــــــــــايـــق
احترم شخص السيد عسكر العنزي ونكن له كل الاحترام والتقدير
ولكن اقوله له كلامك مو صحيح في فساد موجود سوى ان قلت لا او نعم
والدليل تجربتي المرة مع العلاج بالخارج ومع اللجان الطبية
مع العلم في ناس كانو معاي باللجنة يقولون انا واسطتي عسكر وبالفعل تم ارسالة الى العلاج بالخارج
يابوعبدالله الظلم ظلمات يوم القيامة والله العظيم يافي ناس ماخذه كعب داير بين العلاج بالخارج واللجان صار لهم سنين ولا حصلو شي واولهم انا تدري ليش
لان مو رفيجنا او حبيبنا مدير العلاج بالخارج او الوكيل علشان يوقع معاملاتنا عكس مايحصل معاك
يرحبون فيك وتنفتح كل الابواب جدامك والاضوء اخضر ودربك اخضر يابوعبدالله
مايحس بالنار الا اللي يوطيها
احنا مدير مايدخلنا عليه ولا نحصل زف من الدكاترة علشان مايمشون تقريرنا عبالهم نطر من حلال ابوهم مو من الدولة وهي المتكفلة بارسال المرضى ( اللي عندهم واسطة ) مو مثل حالتي وحالات غيري الابواب جميعها مغلقه للاسف
كثر ماتمدح ياعسكر كثر مايمشون لك
بس احنا مدحنا او سبينا بالنهاية رئينا ولا شي بالنسبة لهم لاننا ببساطة ناس مواطنين بسطاء فقراء فقط
لكن نتمنى من الله عز وجل ان ياخذ حق كل شخص انظلم ورمضان قرب وعسا الله ايستعجل بالقتصاص من الظلم والظالمين في معاملات الناس
اقسم بالله العلي العظيم اني صاجه بكل كلمه وان السالفه صارت لامي.. مع عسكر العنزي بالصدفه ولما سمعت هالكلام... قلت لازم اتعب نفسي وارد هالرد... عشان عسكر العنزي لان الساكت عن الحق شيطان اخرص...والله على ما اقوله شهيد
السالفه ياجماعة الخير
ان الوالده كان عندها موعد باللجنه الطبيه ..كانت تبي تقاعد لانها تعبانه وتستحق التقاعد مع ان باجيلها سنتين وتتقاعد بس انحدت وتبي تقاعد لانها مسويه عمليه بالخارج بظهرها وماتقدر تمشي وراحت بدون واسطه وقالت اللي الله كاتبه بيصير ...
وصدفه قبل لاتدش الدكتور باللجنه شافت عسكر العنزي معاه مريض وبيتوسط له وشكله عقب امي بيدش ناطر الدور ...امي على نياتها شافته كان واقف جدامهاا ببعد مترين ...واسمعت واحد يسلم عليه وذكر اسمه وامي اعرفت ان هذا عضووا ..بمجلس الامه وياي يتوسط لاحد ...وكانت مستحيه سلمت عليه بالكلام طبعااا وقالتله امي انا عندي موعد وبدش الحين تكفى شوف موضوعي بس ابيهم مايظلمووني ... اذا لي حق اتقاعد بآخذه واذا مالي حق الله مو قاسم ياوليدي ... قال حاضر وتآمرين امر... والله ماعرف لااسمها ولا اصلها ولا بيتها...دشت عند الدكتور ودش عسكر معاهااا وياب الكرسي جدام الدكتور وحطه لامي وقال تفضلي حجيه اجلسي وقولي اللي عندج ...والدكاتره ماراح يقصرون معاج لانج تعبانه وتستحقين التقاعد من يوم سويتي العمليه...وقعد عسكر يكلم الدكاتره ويقنعهم وقالهم هذي انسانه مريضه وتستحق التقاعد ....الخ وماخلى شي ما قاله عقب ما درى انها مسويه عمليه بظهرها وظهرها في حديد وبراقي الله يشافيهااا...والحمدلله اخذت التقاعد من يومتها قالوا انتي متقاعده 100%
وهذا الرجل الصالح عسكر العنزي ماعرف امي من اي دائره ولا اسم عائلتهاا...وحرام ينفال عنه شي ظلم لانه سوى خير لوحده بس لمجرد الخير ...وجزااه الله الف الف خير
واذا عسكر العنزي سمع سالفت امي وذكرهاا اقوله يعطيك العافيه:إستحسان::إستحسان: انا بنتها وانا معاك على اعدائك ..:إستحسان::إستحسان::وردة:. وما أقول غير حسبي الله ونعمه الوكيل على كل ظالم يظلم الناس واهو ما يعرفهم
واتوقع انه ماراح يذكر امي لانه هالانسان اعماله الصالحه والخير لناس وايد ...وما اقول غير ربي يؤفقك بالدنيا والآخره ياعسكر العنزي
برد عليج ياجهراااوي... انت تقول ...
(( انا جدامج مستحق ورحت سنه كاملة من لجنة لي لجنة ومن تقرير لتقرير وبالنهاية وعلى بساط احمدي مرفوضه والسبب مكو واسطة ))
انت قلت ان امي تستحق انها تتقاعد بدوون عسكر ...يعني عسكر ماسوى شي ؟؟؟
معناها انك انت ماتستحق التقاعد لانك لو تستحق جان انت متقاعد من زمان ....؟؟ :باكي::باكي:
معناهااا عسكر ماقصر مع امي رايته بيضااا والحمدلله ولولا الله ثم عسكر العنزي جان امي لي الحين ماتقاعدت ؟؟؟؟
وعندي لك اقتراح ياجهراااوي ....روووح حق عسكر العنزي عشان يتوسطلك ...لانك جهراوي مثله ومستحيل يردك لانه ساعد امي اللي مايعرفهااا مع انها مو من دائرته ...وعلى قولت بعض الناس ان عسكر مطيح بمجلس الطبي ...
وخاف الله بالناس لانك ماجربته شخصيااا ....وبسك حقد:شيطان::شيطان: ياجهراوي وهذا جهراوي مثلك وشرواااك
ومشكوووووووووووووور عالرد يالجهراااوي
ياجهراوي انت بالبدايه رديت عالموضوووع بكل احترام ولا اهنت عسكر العنزي
وانا بعد رديت عالموضوع وقلت اللي اعرفه عن عسكر...بس انت رديت على تعليقي وقلت
(( اولا الموضوع متناقض ولج الادلة وردج رد عاطفي مو رد عقلاني والدليل كالتالي
اولا امج مستحقه يعني عسكر او غير عسكر مايفيد الموضوع بشي الا بحالة وحده ان وزارة الصحة تشجع بعض النواب اللي مواقفهم حلوة مثل عسكر وغير ان ضوء اخضر يعني الدرب اخضر امج ولا غيرة
ثانيا انتي ليش تمدحين نائب وانتي مواطنه وامج مستحقه 100 % للتقاعد
المفروض هذا الشي حقج وحق امج يعني مو معتازة نائب لكن بضل وجود وزارة الصحة وادارة العلاج بالخارج اذا عسكر والنواب اللي مواقفهم حلوة مايمشون شغلهم ويردون الباقي جان ماصار لبعض النواب نجاح في دوائرهم والسبب لا اعلم الحكومة ابخص
انا جدامج مستحق ورحت سنه كاملة من لجنة لي لجنة ومن تقرير لتقرير وبالنهاية وعلى بساط احمدي مرفوضه والسبب مكو واسطة ؟؟؟
لو رايح لنائب من النواب اللي مواقفهم حلوة جان وزارة الصحة تقولي يادهينه لاتنكتين شتبي بس اي دولة تبي
بس لاني مواطن بسيط لاعضو ولا بطيخ قالو الباب يوسع جمل وفوق كل هذا يقولون تظلم اتظلم على وزارة الصحة عند وزارة الصحة غريب فعلا غريب القاضي والخصم بنفس الوقت
اعطيج الزبدة لو الحكومة ووزارة الصحة طبقت القانون بحذافيرة وبدون واسطات للنواب اللي خبري خبرج جان الناس بخير والنواب اللي خبري خبرج يسقطون لان مافي تجاوزات علشان يجمعون اصوات فهمتي
يجماعة العدل هو ميزان الحياة بكل شي
حتى المرض والطب واسطة
وانا رديت عليك لانك علقت على تعليقي فهمت ولا لا ؟؟؟
ورجاءء لاتراسلني عالخاااص وشكرااا