سؤال وجواب الليزر لإزالة الشعر

[شين الحلايا]

الايام هذي هابين الشباب بعمليات الليزر لإزالة شعر الجسم . وكل ماسألت واحد من الشباب وقلت له تحديد لحيتك ما شاء الله مضبوط والحلاقة ناعمة حيل . رد عليك مسوي ليزر بعيادة عند الدكتور الفلاني ..
بصراحة جازتلي سالفة تحديد اللحية بالليز . اولا اكشخ واحلا حق الديرتي وثانيا افتك من الحلاقة اللي كل يومين والثالث رايح الحلاق ومحددلي اللحية بدينار ..
وسؤالي منو فيكم عمل ليزر . ومنو افضل دكتور يعمل ليزر .

 

[Org]

صدقني الحلاقه غير
الحلاقه النفسيه ترتاح لما تحلق
عكس الليزر
مالها طعم
وأنت بنفسك لما تحلق ما تحس براحه نفسيه .؟

 

[شين الحلايا]

صدقني الحلاقه غير
الحلاقه النفسيه ترتاح لما تحلق
عكس الليزر
مالها طعم
وأنت بنفسك لما تحلق ما تحس براحه نفسيه .؟

اشدخل النفسية بالحلاقة ؟!. انا مرات احلق لحيتي بالبيت لكن بالحلاق حق التحديد يكون اضبط ...
الشباب يقولون اغلب الشباب الاماراتي تحديد لحاياهم ليزر . طايحين بالليزر منذ مبطي .

 

[مطمئن]

خلك طبيعي بلا ليزر بلا بطيخ يا خوي

نصيحتي لك هذي:وردة:

 

[سهاله]

حرام قبل كل شي يابو الشباب

شلمشكله لي رحت كل يومين الحلاق

جنك تقول شرايك بلوشم صاير موضه هليام

اسمحلي الرجل لا يقول هلكلام

 

[وطن الرجال]

والله ياخوي احسها مو لايقه على الريال يشيل بليزر

:وردة:​

 

[whahd1]

حرام قبل كل شي يابو الشباب

شلمشكله لي رحت كل يومين الحلاق

جنك تقول شرايك بلوشم صاير موضه هليام

اسمحلي الرجل لا يقول هلكلام

شالدليل ان حرام ؟؟

 

[ابن الخطاب]

السلام عليكم


اسمحلي يا صاحب الموضوع على النصيحه



http://www.youtube.com/watch?v=oVrZdZhfos4
http://www.youtube.com/watch?v=iPKKZoRKYIM

http://www.youtube.com/watch?v=xGcwUvJtkyA

 

[اليامى]

شكرا يا دوسرى على الموضوع
وبالنسبة لى ما افضل الليزر للحية
وما احس احس انها لرجاجيل

 

[قبس]

تحديد اللحية بالليزر على من ثلاث الى ست جلسات، جلية كل ثلاث ايام

بعدها تحتاج جلسة كل شهر

قيمة الجلسة من ٣٠ الى ٤٥ دينار

الليزر ما يقتل بصيلة الشعر لكنها ياخر نمو الشعر داخل البصيلة بسبب ان الليزر يسخن البصيلات لدرجة عالية في اجزاء من الثانية وهالحراراة العالية تخلي البصيلة تخمل ثلاث اسابيع الى شهر

الليزر احسن من الخيط لانه مايترك المسام مفتوحة
وكثرت المسام المفتوحة تسبب ترهل الوجه

واذا قطعت استخدام الليزر يرد الشعر ينبت بشكل عادي بعد كم شهر

اذا فكرت تسوي الليزر روح للحلاق وحدد لحيتك وشاربك بالشكل الي تبيه وبعدها روح للعيادة علشان يحدد الدكتور لحيتك بطريقة مضبوطة
لحض ان الدكتور مايقدر يحط الليزر على بصيلة نابت فيها شعر، لازم تكون محلقها

ملاحظة: الليزر مايستخدم على الابيض حيل او الاسمر حيل

واي استفسارات اضافية انا حاضر

وبخصوص العيادات ترا الليزر عملية سهلة حتى الحلاق المتمرس يقدر يطبقها