كلمة حق تنقال لحكومتنا الرشيدة قبل لا تقال لخالد المريخي

م

مبارك العنجري

عضو فعال
بسم الله الرحمن الرحيم
والصلاة والسلام على اشرف المرسلين سيدنا محمد وعلى آله وحبه اجمعين
اخواني كلامكم صح لما المريخي يغلط على الكويت ... واساءته للجنسية الكويتية ولنا ... بس مو معناته اندش بالذمم وان المريخي يسترزق بين البلدين ... معروف بالعالم كله ان التعدد بالجناسي شي مشروع بالعالم كله منهم السعودية وامريكا واستراليا باستثناء جم دولة تنعد على الاصابع منهم الكويت اذا مو الدولة الوحيدة بعد الي تمنع الازدواجية !!!!!! ... يعني انا عندي كويتية واذا ايتلي البريطانية شي طبيعي راح اخذ البريطانية يكفي اسمها بريطانية ... هل اقول عن نفسي مسترزق او واحد من الطراثيث ... انت لو تييلك الامريكية وتقدر ادش دول العالم كلها بدون فيزا ... معقولة راح اطوفها ... طبعا لا ... اصحاب معالي عندنا بالكويت ما هدووها تبيني انا وانت نهد الامريكية او البريطانية ... ترى الازدواجية مو معناته مرتزق او طرثوث او برا السور ... ترى يا اخواني ابناء القبايل الي تقولون عنهم مزدوجين ترى ثلاث ارباع اعيالهم بالجيش والشرطة عندنا بالكويت عندنا ... بس بعد ما شاف المريخي الوضع الي يفشل وما ينقال والتعرض بالذمم وكلمات قذرة ... قال لايبة اهد الكويتية وارد ديرتي احسنلي ... بس بقولكم شي لا تصيرون نفس الجويهل لما اطيح الفاس بالراس وساعتها الحكومة الي مهمتها ادير المشاكل وتشوف مشاكل المواطنين والمقيمين تروح عند الفقير المسكين وتقط مشاكل الدنيا كلها على راس المزدوجين ... مو مشكلة المزدوج ياكل من خير البلدين ... وممكن يكون منافق ... بس بسألكم سؤال ... منو الي جنس المزدوجين ... منو الي عطه الجنسية حق المريخي وكلنا ندري ان سعودي ... ليش لما نتكلم عن المزدوج عقلنا يروح على طول على ابناء القبايل ... ليش ما نتكلم عن المزدوجين الي عندهم امريكية وبريطانية ... مو الدستور يمنع الازدواجية ...عيل هذي مصيبة ثانية ... يعني يا تشيل قانون منع الازدواج او اطبقه عدل بكل ضمير ... ليش ما ننتقد الحكومة لما تمنع الازدواجية وبعد التحرير تعطي رئيس امريكا جورج بوش الجنسية الكويتية بالتأسيس ... ليش الحكومة اجنس المنافق واخر شي لما الكل يفلس يهينون ديرتنا نفس المريخي ... نفس ما انتو تقولون ... ترى بعض البدون يستاهلون الجنسية ... وشي ماكو احد يختلف عليه غير الحاقد على البدون لانهم في منهم الاسير والشهيد ... لكن يا حكومة ليش ما جنستيهم من اول ... ليش ما عطيتيهم الجنسية قبل 20 سنة وريحتي نفسج ... لما كان عددهم قليل وكسبتي حب البلد الحقيقي ... وكسبنا شعب يديد مخلص لديرته ... ليش طنشتيهم لغاية ما زاد العدد فوق الـ100 الف وطلعولنا بدون ما يستاهلون الجنسية ... وخليتو الشر يعم والخير يخص ... وصار الي يستاهل غارق بين العشرات الالاف من البدون الي ما يستاهلون ... لغاية ما خليتي الجويهل وغير الجويهل يشوف الاغلبية فيهم ويقول هذيله البدون ما يستاهلون اصولهم غير كويتية ... ترى لما المريخي يقول اي كلمة بحق الكويت ... ترى مالي شغل فيه ... بالطقاق يقول الي يقوله ... اعضاء مجلس امة ووزراء ونقاد سياسيين يسبون بعض سب غير طبيعي بالتلفزيون ولما جويهل يقول " احط ريلي ببلاعيمك " ... ما قلت هذيلة بهالاسلوب قاعدين يهينون ديرتنا ... الجنسية الكويتية تشرف الكل .. لكن من بعد حكومتنا الرشيدة وقناة سكوب والسور ونبيل الفضل وجويهل والكلام الي يطلع منهم ودول الخليج تشوف فضائياتنا ... بذمتك اقدر اقول انا كويتي وانا مفتخر ... حسستونا قاعدين بحرب اهلية ... يعني من اليوم الدول الثانية تعطي شعبها الي الكويت ما تعطيه لنا ككويتيين ... السعودية والامارات وقطر تعطي شعبها المنافسة بين دول العالم بالاقتصاد والاستثمارات ... رئيس امريكا ينحني لما يشوف السعودية جدامه ... واذا تبون تقولون الكويت تعطينا المعاش الاعلى بالخليج ... عيل شلون الشعب الكويتي كل شوي طالع بالتلفزيون ويقول احنا محتاجين فلوس وطاقنا الحفة ... عيل شلون الكويت مو مقصرة معانا ؟! ... عيل المريخي من حقه يهد الكويتية ويروح السعودية ... ترى الفلوس والمعاشات مو كل شي ترى ... اهم شي الكرامة والمعزة والثقة بين الحكومة والشعب

خلاصة كلامي : لا نروح عند المزدوج والبدون والصعيدي المقيم الي لا حول ولا قوة ... روحوا عند الاساس روحي عند المربي راس البيت الحكومة ... ليش خله الوضع اول شي متروك لحاله ... لغاية ما كبر الموضوع وخله المريخي الي جنسته الحكومة يتعدى علينا
 
د

دستورنا سورنا

عضو مخضرم
كلام جميل
وانا احمل السلطة عبر التاريخ الممتد من الستينيات و حى يومنا هذا مسؤولية ما يحدث

عدم تقبل الدستور و وجوده اوصلنا الى هذا الحال
 
ف

فرهود

عضو فعال
اعتقد ان الحرب الفعلية بدات على قبيلة مطير..الله يكون بعونهم راح يفتحون ملفاتهم واحد واحد...صراحه مفروض يهدون هجومهم المستمر على رئيس الوزراء والحكومة على الطالعة والنازله...خلاص عاد مافي احد بهالبلد الا انتو ندري انة في قبائل ثانيه عندها ازدواجيه بس على الاقل ساكته ومحترمه نفسها...وانتو هم فيكم ناس مزدوجه وهم تهاجمون الحكومه..مايصر عاد هدو شويه يامطير...ولكم احلم احلى وردة ياحمران النواضر:وردة:​
 
B

bo-5aled

عضو بلاتيني
فعلا البلا كل البلا من دولة الرئيس ونائبه الذين تركوا الحبل على الغارب ولم يكون لهم اي دور في واد الفتن الحاصلة اليوم .. !


تحياتي​
 
ا

" الكويت "

عضو ذهبي
مبارك العنجري قال:
الجنسية الكويتية تشرف الكل .. لكن من بعد حكومتنا الرشيدة وقناة سكوب والسور ونبيل الفضل وجويهل والكلام الي يطلع منهم ودول الخليج تشوف فضائياتنا ... بذمتك اقدر اقول انا كويتي وانا مفتخر ... حسستونا قاعدين بحرب اهلية ... يعني من اليوم الدول الثانية تعطي شعبها الي الكويت ما تعطيه لنا ككويتيين ... السعودية والامارات وقطر تعطي شعبها المنافسة بين دول العالم بالاقتصاد والاستثمارات ... رئيس امريكا ينحني لما يشوف السعودية جدامه ... واذا تبون تقولون الكويت تعطينا المعاش الاعلى بالخليج ... عيل شلون الشعب الكويتي كل شوي طالع بالتلفزيون ويقول احنا محتاجين فلوس وطاقنا الحفة ... عيل شلون الكويت مو مقصرة معانا ؟! ... عيل المريخي من حقه يهد الكويتية ويروح السعودية ... ترى الفلوس والمعاشات مو كل شي ترى ... اهم شي الكرامة والمعزة والثقة بين الحكومة والشعب
أنقر للتوسيع...

الكلام المكتوب بالأحمر بالصميم
فعلا صرنا أضحوكه بالخليج والكل مستغرب لما يحدث بالكويت !​

هل توجد قنوات خليجية تشرشح الوضع الداخلي لبلدها بهذه الصورة المنحطه ؟ لا يوجد سوى بالكويت !
هل يستحق هذا الشعب كل هالشتائم والحط من الكرامات وهو الذي سطر أقوى صور التلاحم بوقت الغزو العراقي .​

لكن والله إنها مخططات يقوم بها البعض سواء بقصد أو بدون قصد بتفكيك الكويت لأهداف بعيده المدى ولا تنسون إن العراق على مدى التاريخ من أيام الملكية وقاسم وصدام وليوم القيامه يطمعون بالكويت .​

والعراق لن يخرج من أزماته إلا عن طريق الكويت !​
 
ل

لاتضايق وتزعل

عضو فعال
فرهود قال:
اعتقد ان الحرب الفعلية بدات على قبيلة مطير..الله يكون بعونهم راح يفتحون ملفاتهم واحد واحد...صراحه مفروض يهدون هجومهم المستمر على رئيس الوزراء والحكومة على الطالعة والنازله...خلاص عاد مافي احد بهالبلد الا انتو ندري انة في قبائل ثانيه عندها ازدواجيه بس على الاقل ساكته ومحترمه نفسها...وانتو هم فيكم ناس مزدوجه وهم تهاجمون الحكومه..مايصر عاد هدو شويه يامطير...ولكم احلم احلى وردة ياحمران النواضر:وردة:​
أنقر للتوسيع...
ماعندنا مانع من فتح ملفاتنا واحد واحد ولكن نبى نفتح ملفات ارقوزات داخل السور كلهم وبعدين يمكن تنصدم وانت اول واحد فيهم ونقول حق رئيس الوزراء ارحل ارحل​
 
س

سيف خالد

عضو مميز
نعم الحكومة اهي السبب بالتجنيس العشوائي
والاخ يقول ان الدولة الاخرى فيها انتصارات وبطولات و عز وكرم وكان الكويت هي غناتا التعاونية !!
 
ك

كـويتي غيور

عضو فعال
لولا ابناء القبائل لما وجدت دولة الكويت ولا نسينا بعض عيال بطنها لما راحو لعبدالكريم قاسم وطلبو انضمام

الكويت لها بسكم اتهامات بابناء القبائل اقرئ شهداء جميع حروب اللتي شاركت او حتى حدثت للكويت

وراح تلقون اغلبهم من ابناء القبائل مع احترامي وتقديري لجميع ابناء الكويت واطيافهم ​
 
س

سيد بهبهاني

عضو مميز
واذا ايتلي البريطانية شي طبيعي راح اخذ البريطانية يكفي اسمها بريطانية ... هل اقول عن نفسي مسترزق او واحد من الطراثيث ... انت لو تييلك الامريكية وتقدر ادش دول العالم كلها بدون فيزا ... معقولة راح اطوفها ... طبعا لا ... اصحاب معالي عندنا بالكويت ما هدووها تبيني انا وانت نهد الامريكية او البريطانية ... ترى الازدواجية مو معناته مرتزق او طرثوث
أنقر للتوسيع...

اخي العزيز
انت تناقض نفسك بنفسك
بدات مقالك بان جميع دول العالم تقبل الازدواجيه الا الكويت وكم دوله وانا اقول لك ان المميزات والاموال التي تحصلها حضرتك من الحكومه الكويتيه لانك كويتي لا يوجد بالعالم كله دوله تعطي ما تعطيه الكويت الكويت تتكفل بك من المهد الى اللحد بالله عليك اي دوله بالعالم تعطيك 2000 دينار منحه للزواج اي دوله بالعالم تعطي ابنائك علاوات اي دوله بالعالم تعطيك ارض سكنيه وقرض تسدده متى ما سددته لبناء بيت ؟؟؟؟؟؟ فاتهام الكويت والجنسيه الكويتيه باطل
ثم انت تناقض نفسك بنفسك بنقطه ثانيه ...... نعم مزدوج الجنسيه لا ولاء له للكويت ومثال انت طرحته اقرا ما كتبت تقول ان الجنسيه الامريكيه استفيد منها الدخول لاي دوله بالعالم دون فيزا وهذه مصلحه لك من الجنسيه الامريكيه تريدها ولاجل المصلحه الشخصيه لك اخذت جنسيه اخرى ومصلحتك بالجنسيه الكويتيه هي ما ذكرته انا سابقا وهكذا
فهل تعتقد ان الانسان الذي يلهث وراء مصالحه ومستعد لان يبيع جنسية وطنه لاجل فيزا لكل العالميامن بعدم بيع وطن ....
مشكلتكم حين تتكلمون عن الجنسيه وكانكم تتكلمون عن رخصه تجاريه لمحل دجاج ورخصه تجاريه لمحل جزار فالوطن اغلى واسمى واعمق من الفكر التجاري المصلحي الذي ينطلق منه انت وغيرك .


بعد ما شاف المريخي الوضع الي يفشل وما ينقال والتعرض بالذمم وكلمات قذرة ... قال لايبة اهد الكويتية وارد ديرتي احسنلي
أنقر للتوسيع...
ومن ضربه على يده وقال له كذب على الحكومه والناس والجرايد وقولهم انك بدون وانت تملك جنسيه سعوديه
انه يا عزيزي المال وما ادراك ما المال
 
م

مطمئن

عضو مميز
كتب عبدالله النجار وعبدالرزاق النجار:
نفى مصدر مسؤول ما ذكره خالد المريخي بشأن تنازله عن الجنسية الكويتية، وقال ان الجهات المسؤولة في الدولة عن سحب الجنسيات لم تتلق أي كتاب من المريخي يفيد تنازله عنها، وأكد ان الجهات الأمنية في البلاد ستستدعي المريخي للتحقيق معه حول أقواله، وليقدم ما يثبت تنازله عن الجنسية الكويتية، وفي حال اتضاح عدم صحة أقواله ستتخذ الاجراءات اللازمة بحقه وستسحب منه الجنسية الكويتية، كما سيتم التحقيق معه بشأن اتهاماته للكويت.
وأضاف المصدر اذا كان المريخي لا يرى أي امتيازات للجنسية الكويتية فلماذا أقام مأدبة عشاء بمناسبة حصوله عليها قبل 7 أعوام، مشيرا الى أنه ارتكب جريمة تزوير بحصوله على الجنسية كونه كان يحمل جنسية بلد آخر وهو يعلم ان القانون الكويتي يمنع ازدواج الجنسية.


http://alwatan.com.kw/articledetails.aspx?id=45710
 
ف

فيدل

عضو مميز
عنك قال:
كتب عبدالله النجار وعبدالرزاق النجار:
نفى مصدر مسؤول ما ذكره خالد المريخي بشأن تنازله عن الجنسية الكويتية، وقال ان الجهات المسؤولة في الدولة عن سحب الجنسيات لم تتلق أي كتاب من المريخي يفيد تنازله عنها، وأكد ان الجهات الأمنية في البلاد ستستدعي المريخي للتحقيق معه حول أقواله، وليقدم ما يثبت تنازله عن الجنسية الكويتية، وفي حال اتضاح عدم صحة أقواله ستتخذ الاجراءات اللازمة بحقه وستسحب منه الجنسية الكويتية، كما سيتم التحقيق معه بشأن اتهاماته للكويت.
وأضاف المصدر اذا كان المريخي لا يرى أي امتيازات للجنسية الكويتية فلماذا أقام مأدبة عشاء بمناسبة حصوله عليها قبل 7 أعوام، مشيرا الى أنه ارتكب جريمة تزوير بحصوله على الجنسية كونه كان يحمل جنسية بلد آخر وهو يعلم ان القانون الكويتي يمنع ازدواج الجنسية.


http://alwatan.com.kw/articledetails.aspx?id=45710
أنقر للتوسيع...


الرجال خلاص تنازل

وقالها انتهت ..

وتذكرت احدى السيدات اللي داست على الجنسيه الكويتيه بالمجلس

وسبتها ولاأعلم ماالأجراءات التي أتخذت بحقها ..؟؟

ياليت اللي يعرف عنها شئ يزودنا به مشكورا​
 
د

دولار ونص

عضو فعال
فيدل قال:
يجب ان تفتح جميع​



الملفات بلا إستثناء​
أنقر للتوسيع...
اذا انفتحت الملفات اقسم باللة راح تشوف عجب العجاب راح تسمع بجناسي دول لم نسمع عنها بس بالخبرة اقولك ماتنفتح لان الموضوع اكبر منهم تدري ليش لان جناسيهم اوربية وامركية وايرانية ولبنانية وهذي الدول لهم فيها شركات واملاك واراضي وقصور وجزر نعم جزر ركز وفكر عدل يبون يلهونك عنهم سنه او سنتين لين يشبعون فهمت او ازيدك
 
يجب تسجيل الدخول أو التسجيل كي تتمكن من الرد هنا.
أعلى